طريقتي في تحضير المتقبة ( المبرجة)

[ام حمزة22]

السلام عليكم ورحمة الله تعالى وبركاته
اخواتي اليوم حبيت نقدملكم طريقتي في تحضير المبرجة
هاد الطريقة تعلمتها من عند غاليتي امي ربي يحفضها
من بكري نعتمد على هاد الطريقة لازيادة ولا نقصان
الكمية لي درتهت اليوم كمية كبيرة لان ولادي يموتو عليها ويحبو ما تخلاصش
لهادا استعملت 2كيلو سميد متوسط شويةملح ونصف رتل زيت
اما عن الغرس شريت نوعية جيدة ما فيهاش بقاية نوات التمر المكسة كما انها طرية جدا حتى ما ستعملتش الزيت باه نطريها
في صحفة نخلط السميد لي ضفنالو شوية ملح وزيت نخلط مليح بكف اليد ثم نضيف الماء نصف مقدار الزيت
ما نضيفش بزاف الماء باه ما جينتش المبرجة يابسة
راح نلقى صعوبة في لم العجين لاكن هادا سر المبرجة باه جي طرية ودوب فالفم
نخلي العجينةترتاح شوية
بعد ما ترتاح العجينة نكون لكل قريصة تمر قرستين من العجينة
القرص الاول عجينة ثم قرص التمر ثم عجينة
نضغط الكل باليد ثم بعود الرشة او عود البقلاوة
نحاول نساوي الاطراف
نخليكم مع الصور وان شاء الله الشرح يكون مفهوم
















[IM

[*أم جابر*]

السلام عليكم

بارك الله فيك اختي ام حمزة جزاك الله كل خير

[ام حمزة22]

شكرا ليك حبيبتي ام اسيد بارك الله فيك
راني نحاول نبعت الصور ما حبتش تطلع

[فايزة1207]

بصحتكم اختي استفدت كثيرا منمواضيعك
في ميزان حسناتك

[صدفات]

يعطيك الصحة أم حمزة و يخليك دائما نشيطة و متجددة

[*ازهار*]

بارك الله فيك اختى

[OMGHANO]

راكي شهتني انا نموت عليها يعطيك الصحه

[Oume nesyba]

++++++++++++++-رائعة انا درك حندرهاقوليلي شحل ندر الزيت في كيلو سميد ارجوك رني نسنا

[lamouna12]

44444444444444444444444444444

[idron0]

بارك الله فيك و جزاك الله خير

[ام حمزة22]

شكرا على اامرور
بارك الله فيكم
ام نسيبة انا درت نصف رتل في 2 كيلو انت كي ديري كيلو سميد ديري ربع رتل زيت وما تنسايش ما ديريش بزاف الماء باه ما جيكش يابسة

[wala]

السلام عليكم والله غدوة ماكان والوا يشربوا بيه القهوة للاولاد ابعثيلي شوية ونخلفهالك في حاجة اخري الله يفتح عليك

[ام حمزة22]

وعليكم السلام اختي
تفضلي باسم الله
الله يفتح علينا وعليك

[أم لجين هيثم]

يعطيك الصحة هايلة

[ام سوهيل]

يعطيك الصحة ام حمزة في مزان خسناتك انا عمري مجربنها بصح راني وليت انحبها كي شفتها طلع من يديك شهتيني