بنات اليوم وفسخ الخطبة

[ريتاج 09]

السلام عليكم

اريد أن اتحدث على ظاهرة في مجتمعنا وهي فسخ الخطبة لأسباب تافهة فأنا صادفت موقفا لقريب لي فسخت خطيبته الخطبة بعد أن اتفقوا على كل شيء حتى موعد العرس بسبب غريب {مانقدرش نعيش بعيد على ماما} فهما من ولايتين متجاورتين ليسا من نفس الولاية كما أن الأم إتصلت لتبررٍ ~ حابة بنتي تعيش قريبة ليا ماحاباتهاش تبعد ~ فهي لم تنظر للمزايا المتوفرة في هدا الشخص فهو على أخلاق حسنة موظف وحيد والديه خاطيه المشاكل فكل مارأته هي وأمها الساعتين اللتان تبعدانهما عن بعض
هل أصبحت البنات في الوقت هدا يبحثن عن راحتهن ويفكرن في أنفسهن بدل التفكير في الظفر بالزوج الجيد الحنون المتدين فواحدة تغير رأيها لأنها لا تريد أن تعيش بعيدا عن أمها و الأخرى لا تريد العيش مع العائلة وواحدة من أجل العمل غريب أمرهن
لقد تضايقت كثيرا من موقف هده البنت لكن إدا عرف السبب بطل العجب فصديقتها خطبت بعدها وخطيبها من نفس ولايتها فهو يخرجها و يلتقي بها ويشتري لها الهدايا وهي خطيبها بعيد عنها فأصبحت تغار لدا توصلت للقرار المهم تفسخ الخطبة و السبب الوحيد المقنع في نظرها الدي وجدته هو البعد عن أمها طبعا لأنها لم تجد شيئا سيئا في هدا الشخص

كل واحد يعطيني رأيه وشكرا

[first first]

هادو اصلا عقلهم صغير............................................ما يقدروش على حاجة اسمها زواج.
احسن حاجة داروها فسخو الخطبة..........حتى يكبر عقلهم شوية ..ويفهمو الدنيا.
يعني عملو عين الصواب.

[ملكة الإحساس 94]

يا أختي على حساب واش فهمت.أن هاذ البنت كيما نقولوا بالدارجة - مازال ما شربت عقلها- فليست كل كبيرة في السن تحسن التفكير.فاذا كانت هاد البنت تبع واش داروا صديقاتها وتبغي تعيش مثلهم.وتمشي بهاد العقلية أظن أنها ليست محضرة بعد للزواج.لأنه من رأيي أولا ماتقارنش بين صحابتها وهي لأنه أصابع اليدين ماشي كيف كيف.هاد الفتاة خالعينها وهم المظاهر.ومفرطة تعيش مع الزوج الصالح
ربي يصلح فتيات المسلمين ان شاء الله

[" أبو عبود"]

انت تقول فسخت خطوبتها وماذا عن التي طلبت الطلاق ولديها طفل وربما اطفال؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ عندما يصبح الرجل عاجر عن أن يفتح فاه أمام زوجته فالبنت لن تتزوج واذا تزوجت تطلق ويمكنها حتى ان تتخذ اخدانا ولا من رادع.

[ريتاج 09]

المشاركة الأصلية كتبت بواسطة first first

هادو اصلا عقلهم صغير............................................ما يقدروش على حاجة اسمها زواج.
احسن حاجة داروها فسخو الخطبة..........حتى يكبر عقلهم شوية ..ويفهمو الدنيا.
يعني عملو عين الصواب.

عندك الحق أختي هي متصورة الزواج خرجة و تحواس وفشوش mais وحدة مولات 23 سنة ماشي صغيرة

[ريتاج 09]

المشاركة الأصلية كتبت بواسطة ملكة الإحساس 94

يا أختي على حساب واش فهمت.أن هاذ البنت كيما نقولوا بالدارجة - مازال ما شربت عقلها- فليست كل كبيرة في السن تحسن التفكير.فاذا كانت هاد البنت تبع واش داروا صديقاتها وتبغي تعيش مثلهم.وتمشي بهاد العقلية أظن أنها ليست محضرة بعد للزواج.لأنه من رأيي أولا ماتقارنش بين صحابتها وهي لأنه أصابع اليدين ماشي كيف كيف.هاد الفتاة خالعينها وهم المظاهر.ومفرطة تعيش مع الزوج الصالح
ربي يصلح فتيات المسلمين ان شاء الله

البنت هدي عمرها 23 سنة ماشي صغيرة نعرف شحال من وحدة قدها متزوجين وبالدراري mais هي ماقدرتش نفهمها واحد قريب عامين وهو خاطبها تفرط فيه بسبة الغيرة عيش تشوف

[ريتاج 09]

المشاركة الأصلية كتبت بواسطة أبو عبود";3992155184][b][size=&quot

انت تقول فسخت خطوبتها وماذا عن التي طلبت الطلاق ولديها طفل وربما اطفال؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ عندما يصبح الرجل عاجر عن أن يفتح فاه أمام زوجته فالبنت لن تتزوج واذا تزوجت تطلق ويمكنها حتى ان تتخذ اخدانا ولا من رادع.[/size][/b]

على حساب ما وصلني من عند أهل هده الفتاة هي وأمها اتخدوا القرار و عيطوا للخطيب و فسخو الخطوبة بلا ما يقولو للأب وهو غير عرف غضب يعني الشور ولا ىفي يد النسا

[mrmilano1984]

سبحان الله العضيم بناتنا يشرطو بزاف نعرف واحد ماشاء الله 27 سنة عندو حانوت تاع قش النسا الور تعرف بوحدة موالفة تشري عليه الصراحة الطفلة طاحت فيه ولات تروح لعندو تشري ومن لعد تطورت العلاقة تلفونات ومن بعد هو ثاني طاح فها وتفاهمو علي الخطبة باه من بعد يتزوجو الور خطبو ودارو الفيونساي والصراحة السيد نعرفو شابع عقل ومال دارلها واش حبت تقلاش تفشاش وتحواس وحتي يداوها ويجري عليها الور واش حبت الطفلة قبل مايتزوجو دارتلو شرط قاتلو لازم تدني فوايج دو نوس شهر العسل في ماليزيا او تايلاند لااتدكر السيد دهش قالها مستحيل ندك للترك للمغرب قاتلو لا الور فسخو الخطوبة
شوفو سبب بسيط رغم انو الفتاة تحب الراجل من كل قلبها وطاحت فيه

[abdelmalekmhdf]

لقد اعطيت الاجابة عن الموضوع في طرحك. لو كان هذا هو المشكل لما كانت قبلت به منذ البداية لكن بدا لها بعد القبول ما راته من قريناتها من خروجهن مع خطابهن و هذا اتفه الاسباب.انا اعتقد ان المراة عند اتخاذ قرار الزواج تكون على علم بكل شئ و لكنها قد تبدل رايها بعد ذلك لذا تسعى لاختلاق الاسباب التي قد تكون تافهة فقط من اجل انهاء العلاقة لذا ارى انه لا توجد اسباب تافهة و لكن توجد نية مسبقة لاسباب مجهولة او معلومة من اجلها تختلق الاسباب التافهة

[malako5000]

للاسف، بنات اليوم يحبوا الرجالا الجايحين ... هي تامر و هو ينفذ

[بيلسان91]

مساء الخير
رح نقلك رايي منعرف تتقبليه ولا لا
بالاك الطفلة اكتشفت فيه حاجة مش عاجبتها متلا اكتشفت انو كداب ولا خاين وو وقاتلكم السبة هادي برك بش متدخلش فالتفاصيل
متقوليليش انك متاكدة منو الي خاطيه كامل العيوب لانو المظاهر خداعة ممكن كي تعرفت عليه عامين اكتشفت الحاجات هادم علا هادي بطلت ومن حقها خير متوصل للدار وتولي مطلقة ياما سمعت حكايات تاع بنات بقالهم غير العرس وحبوا يبطلوا مي ماليهم مخلاوهمش قالولهم وش يقولوا الناس ولا طولي بالك بلاك كي توصلي للدار يتبدل ومساكن راحوال للدار وتطلقوا
متلا عندي جارتي راجلها خدام لاباس بيه مي بخييل كي تخطبت بيه زدارت العطية بش عرفت بلي بخيل ورا العطية حبت تبطل مخلاوهاش ماليها مسكينة دارت العرس وعاشت معاه ممكن عام وتطلقت لنفس السبب وهو البخل تاعو
الخلاصة هي اني حبيت نقلك الطفلة هادي مستحيييل تكون سعادتها مع هاد الراجل وتخليه غير لا جاتها ظروف قاسية خلاتها تبطل

[mounia 85]

اعتقد ان السبب بسيط جدا وهو ان هاد الخطيب بما انه وحيد والديه قالها مانقدرش نبعد على بابا وماما
وهي قالت صار انا نبعد نورمال وهو مايقدرش مالا ردتهالو بالمثل وقالتلو مانقدرش نبعد على ماما

[jayda]

السلام عليكم
اولا يسعدني ويشرفني ان اكون بينكم واتمنئ ان اكون خفيفة الظل عليكم
احيانا الانسان يريد البوح بما داخله لكن لايستطيع نظرا للعقليات هههه الموجودة حاليا
حابة نشارككم اليوم بموضوع يخصني وارجو منكم الرد حبيباتي انا مخطوبة و مقبلة علئ الزواج والزوج تاعي انسان مليح حمد الله لكنه عصبي وف يحب كلامو يمشي و انا والله ما نعارضو اابدا واي حاجة يقولهالي نفدها مثلا متخرجيش وغيره وعارفة هدا من غيرتو علي وانا والله احبة حبا جما ونخاف عليه مع العلم انا وهو من ولايتين مختلفتين وحمد الله راضية بالنصيب وحابة نكون اسرة مع هاد الانسان ومنتخلاش علية ابدا المهم انا نحوس يكلمني لوقت طويل لكن هو يتقلق و بقولي راني نتعب من عمل نحوس نرتح وهو العمل تا عو متعب صح وانا عارفة لكن انا نتواحشو بصح هو يتهمني اني مش حاسة بيه و راني نعييه وانا نحوس نفرج علء قلبي و نحكيلو بعض الامور العا ئلبة لانو انا وحبدة عند والدي و هما مطلقين فهو يقولي راني عالرف ظرفك متبقيش تحكي خليتا نعبشو الحياة وقريب نتزوجو وتتهناي لكنو بالفترة الاخيرة يقلق مني بزاف وانا نتفوه بكلمات احيانا مش في محلها قلتلو انا سوفريت في صغري مانيش حبة نسوفري درك قصدي انا منحبكش تكون عصبي ومتقساش علي هو حنون بصح اغلب الوقت يعيط علي هدا وش قصدت انا هو فهمها انو منيش حبة نسوفري معاه وقالي ادا كنتي هكا فنتفارقو درك احسن وانا يا اخواتي الكريمات لا استطيع العيش من دونة و طلبت السماح علء ما تفوهت به من كلام و هو قالي سماح لكن عاونوني كيف نتعامل معاه وواش ندير منيش حابة نخسرو نحبو بزاف عاونوني

[بيلسان91]

المشاركة الأصلية كتبت بواسطة jayda

السلام عليكم
اولا يسعدني ويشرفني ان اكون بينكم واتمنئ ان اكون خفيفة الظل عليكم
احيانا الانسان يريد البوح بما داخله لكن لايستطيع نظرا للعقليات هههه الموجودة حاليا
حابة نشارككم اليوم بموضوع يخصني وارجو منكم الرد حبيباتي انا مخطوبة و مقبلة علئ الزواج والزوج تاعي انسان مليح حمد الله لكنه عصبي وف يحب كلامو يمشي و انا والله ما نعارضو اابدا واي حاجة يقولهالي نفدها مثلا متخرجيش وغيره وعارفة هدا من غيرتو علي وانا والله احبة حبا جما ونخاف عليه مع العلم انا وهو من ولايتين مختلفتين وحمد الله راضية بالنصيب وحابة نكون اسرة مع هاد الانسان ومنتخلاش علية ابدا المهم انا نحوس يكلمني لوقت طويل لكن هو يتقلق و بقولي راني نتعب من عمل نحوس نرتح وهو العمل تا عو متعب صح وانا عارفة لكن انا نتواحشو بصح هو يتهمني اني مش حاسة بيه و راني نعييه وانا نحوس نفرج علء قلبي و نحكيلو بعض الامور العا ئلبة لانو انا وحبدة عند والدي و هما مطلقين فهو يقولي راني عالرف ظرفك متبقيش تحكي خليتا نعبشو الحياة وقريب نتزوجو وتتهناي لكنو بالفترة الاخيرة يقلق مني بزاف وانا نتفوه بكلمات احيانا مش في محلها قلتلو انا سوفريت في صغري مانيش حبة نسوفري درك قصدي انا منحبكش تكون عصبي ومتقساش علي هو حنون بصح اغلب الوقت يعيط علي هدا وش قصدت انا هو فهمها انو منيش حبة نسوفري معاه وقالي ادا كنتي هكا فنتفارقو درك احسن وانا يا اخواتي الكريمات لا استطيع العيش من دونة و طلبت السماح علء ما تفوهت به من كلام و هو قالي سماح لكن عاونوني كيف نتعامل معاه وواش ندير منيش حابة نخسرو نحبو بزاف عاونوني

روحي حطي موضوعك فقسم دردشة البنات هم الي يقولولك سييرتو المخطوبات ولا المتزوجات

[bachika LOTFI]

السلام عليكم
الإجابة ساهلة و بسيطة نتوما برك ما فهمتوهاش

هي باينة بلي هادو البنات حسو بلي خطابهم طايحين فيهم بار أمور و عليها عادو يتشرطو عليهم و راهم يستناو فيهم يحققولهم رغبات تاعهم
و انا نقولهم اقعدو هكاك راكم ملاح رايحين تتزوجو بالخف
و السلام عليكم