خدمة من سكان ولاية تلمسان

طالب الهنا · 2014-12-23, 12:26

السلام عليكم
أعضاء المنتدى الكريم أود في هذه الإجازة زيارة مدينة تلمسان لمدة ثلاثة أيام إن شاء الله لذلك أطلب من إخواننا في هذه الولاية الجميلة تزويدي بما يلي:
الأماكن الجميلة التي يمكن زيارتها
عناوين وإن امكن رقم هاتف دار الشباب أو فنادق ذات التكلفة الرخيصة وسمعتها طيبة.
لاتبخلوا علينا بارك الله فيكم

nadine maram · 2014-12-23, 12:35

مرحبا انا من ولاية تلمسان كيما تعرف تلمسان مشهورة و عندها اماكن كتيرة و لي نروحلها بزاف
لالا ستي و عين فزو و منصورة المشور هادو هما الامكان لي مشهورين اكثر اتمنى ان اكون افدتك
سلااام عليكم

طالب الهنا · 2014-12-23, 18:54

بارك الله فيك . سأدون هذه الأماكن وسأزورها ان شاء الله.
ارجو التفاعل اكثر

tlemcenforever · 2014-12-23, 19:00

كي توصل لاجونص اولا سقسي على الفنادق لي فدرب سيدي حامد أكري تم شومبرى وحط صوالحك ثمن الكراء 1200 لشخصين شومبرى جيدة فيها تلفاز وخزانة ويوجد دوش فالخارج
وبعدها روح لقلعة المشور تلقاها قريبة وبعدها ساحة الجامع الكبير و المتحف تاني غير تم قريبة وبعدها المسبح الكبير تتمشى شوي ولكن سقسي المهم متحكم لا طاكسي لا كار هاد بلايص قراب لاجونص وأوتال ومن المسبح الكبير تركب فتليفيريك وتطلع لالة ستي
ويمطنك زيارة ضريح سيدي بومدين تاني مليح و شلالات الوريط لكنها بعيدة لازم تكرو طاكسي ومغارات بني عاد ثاني لازملها سيارة
اتمنى اني قد افدتك

tlemcenforever · 2014-12-23, 19:04

االاماكن الجميلة هي كالاتي , الجامع الكبير وما جاورها في قلب المدينة من المتحف القديم والجديد ,قلعة المشورو الازقة القديمة والمدرسة التارخية دار الحديث المعروفة,وللتسوق هناك محلات القيساريا ,بعد دالك الدهاب الي قلعة المنصورة واثارها وهناك تجدون حديقة الحيوانات, هناك المكان المعروف لالا ستي الدهاب اليه بالتريفيريك او السيارة , ننتقل الي مغارات بني عاد العالمية مرورا في الطريق بشلالات اللوريت , والا حبيتو الاعشاب والالبسة التقليدية المغربية هناك مدينة مغنية الغير بعيدة علي تلمسان 30 د علي الطريق السيار,
فيما يخص الفنادق هناك دار الشباب يحي قباسة مكان نقي ور خيص بزاف يقابله مرقد نقي كدلك حوالي 100 دج لليلة هو للمبيت فقط ويكون عليه الضغط في العطل لان الفنادق في تلمسان غالية في السعر و هناك كدالك فندق المجستيك في وسط المدينة و فندق النجمة في حي ايمامة و عموما كتوصلو عملو دورة خفيفة في المدينة و الميوانية ديالكم هي لتحدد والله اعلم

طالب الهنا · 2014-12-26, 10:58

بارك الله فيكم جميعا لقد استفدت كثيرا من هذه المعلومات.

mori bébé · 2015-01-01, 15:02

win had chalal