ضربتلي ماشينتي بعين من هذيك وهي حابسة ..

ام جزائرية · 2014-12-19, 22:14

السلام عليكم
انا عندي ماشينةسانجار بيدال اتعلمت اعليها وحبيت نشري سانجار انديسترويال كما صحبتي اللي علمتني لخياطة
اشريتها الله يبارك تخدم عالكيف .برودي وكي نحب انخيط بيها انخيط عادي
لما تتكسرلي الابرة انتاعها انبدلها وعادي اتخيط المهم الابرة لازم ماندخلهاش للفوق حتى اتقيس السقف ونسيري البولون
خيطت بيه مدة حوالي 6 اشهر حتى سمعت بي وحد المخلوقة قالت نخلق منها ولازم انجي انشوف الماشينة
من هذيك قاتلي الماشينة لاعدت فحلة زيدي خيطي بي .الابرة عادت ماتصلحليش طول حرت كيفاه كنت انركبها وتخيطلي
ضرك المشكل الابرة لازم ماتطلعش للسقف يبقى فراغ وباه اتخيط .وكل مرة انبدل الابر ونصحوني بانواع ابر بزاف بصح والله ماصلحتلي عادت ماتخيطش والا تخيط نفدة والباقي لا لا .من هذيك عندها عوام وعوام وانا حاطتها انخيط بنتاع البيدال فقط
خسارة الدراهم انتعها والله ساعات انقول انبيعها بصح اتغيظني اعلابالكم شفت اخياطتها كي جبتها ماشاء الله .باااااااااااااااااه تنصحوني .واذا ممكن اسم خدام في سطيف يخدمهم لاعود يلقالي حل للابرة انتعها
والا بلاك كاينين ابر طوال يقيسو حتى الاخر انتاعها
وربي يجازيكم كل خير

زوجي نور عيني · 2014-12-20, 07:54

ربي يسترك من العين حبيبتي ويوفقك

ام كوكو · 2014-12-20, 10:09

و الله ضحكتيني شوفي كاش سبيسياليست فيهم ضرك يقولك الحل ان شاء الله قولي ديما بسم الله ما شاء الله تبارك الرحمن على كل شيء حتى الانسان راه يعين روحو

ام سلسبيل · 2014-12-20, 11:02

انا عندى ختها لكن لازم تعرفي انه هاد النوع يديريقلا بزاف جابلى ربي اديها لخدام يرجعلها صوالحها لمكانهم كيما لبرا لى نركبه فيه الابرة مرات يترفع للعلى ويلزم خدام انا ننصحك بلى يبيعه هاد المتريال من لماشن تجور يكونو يديرو خدام تاعهم او اى خدام نتاع ماشن انا نعرف فى لبويرة ادا صعب عليك الامر ابعثيلى على الخاص نقولك وين جاى وترجع فور سالينى انا رانى عييت وانا نديها للخدام باش ترجع صحيحة وربي يوفقك

ام جزائرية · 2014-12-20, 12:01

انا من سطيف مانقدرش نديها للبويرة .بزاااااااااف . انت ثاني بسب الابرة ماتخيطلكش ؟المشكل في البياسة اللي شادة الابرة والا كيفاه ؟

stayfiya · 2014-12-20, 13:39

شوفي هي لبرا راهي كاينه تاعها. متأكده عندها ريفيرونس متعينه انا تاعي DPx5 مره غلطت شريت نفس المركه تاع لاشين جاوني قاصفين ما بغاتش تخيطلي. بصح كي رديتلها تاوعها دوريجين ولات تخيط نورمال

ام جزائرية · 2014-12-20, 19:35

منين يعيشك يا سوووووووووووووبر وومن سطايفية يتباعو الدورجين في سطيف .انجي للولاية ثم ونشريهم وكيفاه نعرف الدورجين ؟؟
راني عندي عوام وانا حاطتها هكذاك .جاوبيني ربي يعيشك واذا ممكن اتصوريلي الدوريجين انتاوعك باه نعرف انفرق.انا ثاني قالولي dp5
بصح جاوني قاصفين كما راك تحكي