[لسلام عليكم
السلام عليكم اخواني رواد وأعضاء ومشرفي منتدانا العزيز منتديات الجلفة لكل الجزائرين - قسم مسابقات التوظيف-
وأخيرا بعد طول انتظار ومعانات كبيرة وصبر كبير جائني الفرج من الله عز وجل الذي يمهل ولا يهمل....تلقيت اليوم أجمل اتصال من جامعة العربي بن مهيدي بأم البواقي يخبرني فيها الموظف انني نجحت في مسابقة تقني سام في الاعلام الالي
وانه يتوجب علي اكمال ملف التوظيف والحظور يوم الاربعاء لامضاء محضر التنصيب......صدقوني والله فرحت فرح كبير لأنني في السابق كنت غير متيقن من النجاح لأنكم تعرفون الاجابة وهي ان كل المناصب في الجزائر تمنح عن طريق الوساطة أو ما يعرف بالمعريفة اللي بسببها كرهت المسؤولين وكرهت الجزائر.
المهم أود أن انصح كل رواد واعضاء المنتدى ان لا ييئسوا ابدا .....................وخذوني مثالا لكم للأنني والله العظيم لم أيأس ابدا لقد تخرجت من جامعة العربي بن مهيدي بأم البواقي بشهادة مهندس دولة في الكيمياء الصناعية شعبة هندسة كيميائية وهذا سنة 2004 أي 7 سنوات من الشقاء والانتظار بعدها مباشرة اجتزت الخدمة العسكرية التي لا أنص بها أي مواطن لأنها مضيعة للوقت و الجهد .......( صحابك راهم يديروا يخدموا يزيدو في لعوام نتاع الخبرة ونتا راك في العسكر يحرثوا عليك ) بعد ما أنهيت العسكر بقيت مدة 6 أشهر شومار .............بعدها عملت في اطار عقود ما قبل التشغيل ( الدولة لم تمنحني عقد ماقبل التشغيل لسواد عيوني .......راني جبتها بالقوة من عند مديرالتشغيل والله صدقوني وقعت ما بيناتنا دبزة ودماغ وفي الاخير ولا يحاول فيا واعطاني المنصب في هذيك الدقيقة عبر مكالمة هاتفية وحدة ولأني كنت ذكي قلت نستغل الفرصة وطلبت منوا يعطيني المنصب في مديرية التربية ) رحت لمديرية التربية وطلبت منهم يعطوني في مدرسة ابتدائية و حققت مبتغاي .بعدها رحت لمدير المدرسة وفهمتو بلي عندي ضروف وراني نجي في اوقات معينة فقط .......هو فهمني وقالي تحب تجي ارواح ماتحبش ربي يسهل عليك.
انتم تتساءلون علاه ماحبيتش نخدم .........أجيبكم وأقول لأنو اللي عنده شهادة مهندس دولة في الكيمياء الصناعية وما شابهها يروح ياكلوا.......لأنوا مستحيل تخدم بيه لأنوا ماكانش مناصب العمل اللي تحتاج هذا الديبلوم إلا. اللي يملك المعريفة هذاك رانا مانهدروش عليه.
فكرت في نفسي وقلت لازم ندير ديبلوم واحد آخر في هاذ العامين نتاع عقود ما قبل التشغيل منها راني خدام وخالص ومنها ندير ديبلوم جديد باه تزيد الفرص نتاعي في العمل وحالفني الحظ في تلك الفترة وسجلت في المعهد الوطني المتخصص في التكوين المهني بام البواقي واصبحت نقرا من جديد وبعد عامين ونصف تحصلت على الشهادة في نوفمبر 2009 وبعد عام ونص راكم تشوفو راني نجحت في الجامعة.
المهم انا انصح اخواني بالتسجيل في التكوين المهني cfa تقني سام في الاعلام الالي لأنوا والله راهم المناصب غير للأعلام الالي..............لكن لازمك تكون في المستوى يعني لازمك تكون قمقوم في الاعلام الالي.
في الأخير أشكر أعضاء ومشرفي منتدى التوظيف والمسابقات لأني استفدت كثيرا منه.
والسلام عليكم ورحمة الله.[/size]
( تقرير عن مشاركة سيئة )، و الموجودة أسفل كل مشاركة .
2010-12-06, 15:53
الحمد لله وأخيرا نجحت...نجحت...نجحت
الــــــــــــــــــــــــف مـــــــــــــبروك وبـــــــــــــــــصحة والـــــــــــــعافية انــــــــــــــــــــــشاء الله ومن نجاح لآخر 
:
العرض العادي
