انصحوني

[ahlam t]

السلام عليكم
اخواتي الاعزا ء عندي مشكل في البوراك كلما نقليه يخرج لين كيفاش ندير باش يبقى مقرم والف كررررررررررر

[تيماء الله]

سلام اختي العزيزة اولا لازم الحشو يكون بارد يعني حضريه قبل مدة من القلي ثانيا طبقي البوراك كري مربع وما تكثريسش الحشو وزيد لكان رايجا ديري البضة حطي في النص الفارغ كيما نديرو للعجينة ونص زيت فهمتيني وارميها بالعقل علا الجزء الي طبقتيه يعني المطبق لتحت فيالزيت وال يطهر وجهابرك ان شاء الله فهمتيني والله ما عندي لكام سنو نصورهالك

[samsouma70]

و كذلك أعتقد ملزمش طولي تقلي فيه لازم يكون الزيت سخون و بسرعة يتحمر وانزعيه من المقلاة
و الله أعلم

[je suis la]

اختي الكريمة :
لازم يكون الزيت سخون بالبزاف هكذا باش يجيك يتقرمش ومحمر

[bibajoury]

و الله نفس المشكل تاعي ممكن من الاخوات يفيدونا و لكم جزيل الشكر

[أمنية غفران]

أختي الزيت ضروري ضروري يكون سخون غي ترمي الحبة تم تم تقلبيها ...... تحياتي

[hamza-ski]

السلام عليكم : تقبل الله منكم

[ام تقي وهبة]

اختي سخني الزيت مليح من قبل وكي تجي ترمي البوراك نقصي للنار وعسيه بالاك يتحرق وقلبيه حتى يتحمر ثم حطيه على ورق ماص بلا ما تغطيه باش ما يطراش وربي يوفقك

[melissa lola]

الزيت لازم يكون سخون و النار متوسطة ماشي قاوية حتي يتحرق ولا قليلة حتى يشرب الزيت بزاف ويولي طري وثاني كي تعمريه تدوري مليح ماتخليش فراغ وين يقدر يدخل الهوا يعني تكثري الحشو وتلوي مليح وتزيري كي تقلبي

[جوهرة الغرب.]

السر لازم يكون الزيت سخون بزاف وتمتم تقلبيه وتنحيه على ورق المطبخ ...يعني كي يكون الزيت سخون يتحمر بلخف ماتخليهش يطول ...