غريـبــيـة بالجلجلان

إكليل · 2014-12-04, 16:45

من مدة حوست في دفتر وصفاتي القديم لقيت وصفة ما سبقليش و جربتها و هي بالجلجلان و أنا شخصيا نموت على الحلويات اللي تنخدم بالجلجلان.

وصفة هذه المرة غربية بالجلجلان صدقوني خرجت روعة و أكيد اللي يحبوا الجلجلان راح تعجبهم إن شاء الله.

نخليكم مع الصورة و من ثم الوصفة.

المقادير:
3 كيلات فرينة
1/2 كيلة جلجلان أحمر محمص و مطحون مش أبيض لأن الأحمر يجي بنين عكس الأبيض.انا أستعملت نصف مطحون النصف الأخر حبات
1/2 كيلة سكر ناعم+ 1/2 كيلة سكر مسحوق
1/2 باكي خمارة حلويات
ملعقة كبيرة لفاني
كيلة سمن أو مارغرين ذائبة.
التحضير:
خلطي السمن مع السكر و حاولي أنك تذوبيه بيديك لما تحسي أنو حبات السكر ذابوا ضفي الفانيلا و الجلجلان ثم الفرينة و الخمارة و خلطي حتى تتحصلي على عجينة خليها ترتاح ثم أصنعيها كويرات صغار و في نفس الوقت ضعي ليكسات نتاعك في مول الدزيريات ضعي الكورات في المول و أظغطي جيدا حتى تأخذ الحلوى شكل المول لما تنهي من إعداد كامل الحلوى ضعيها في فرن مسخن مسبقا و خليها حتى تكتسب اللون الذهبي ولما تنضج خرجيها و خليها تبرد و زينها بما تريدين.

هذا هو المول اللي أستعملته يجي صغير على نتاع المادلان

ملاحظة : الجلجلان حمصته قبل ما نطحنه