زواج أم حصالة ضرائب؟

[" أبو عبود"]

قبل أسبوع أخبرني أحد الزملاء أنا زميلا لنا يعيش حالة مادية صعبة بعد أن تزوج منذ شهرين. واقترح أن نساعده عند دخول راتب شهر نوفمبر. واليوم يخبرني أن صاحبنا الذي يمر بأزمة خانقة والذي لم يعد لديه هاتف لأن هواتفه الثلاثة ومنها هاتف من طراز عالي لم تعد لديه بحجة أنها تعطلت، يقول أنه اقتنى هاتفا لزوجته بمبلغ 3.5 مليون سنتيم.....
بالله عليكم أهذا زواج؟

[ABDOU ELE]

هذا ليس بزواج بل براكاج

[الجليس الصلح]

السلام عليكم ورحمة الله
وهل كل المتزوجين يفهمون معنى الزواج الذي أساسه بناء أسرة كاملة الأرجاء
ان يحسن التصرف في ماله فلا يجعل القرض عنوانه فيفقد أصحابه وجيرانه
فلا يكلف نفسه أن يجعل زوجته سعيدة بالهدايا بل ببذل الجهد والرعاية
فالمرأة تحتاج منك ومنه راحة البال ومال الحلال ورجل متخلق غير دجال

[hodayena]

ربي يهديه لكن الزواج والطلاق في وقتنا ولا دراهم برك
عن نفسي قررت قبل الذهاب للمحكمة التخلي عن التعويض لكن بعد سماع كلام الجارح والمهين من الزوج ووالده وكلامهم عن المال ومحاولة ادخال ابني في القضية واللعب على وتر حلفت يمين معطم لن اتنازل عن فلس واحد لانه لم يطلق برولة بل احب انو يذل ومعرفتي انو كبدتو هي الدراهم مش ابنو حلفت يمين معطم ثلاث مراح نتنازل حتى على فلس

[" أبو عبود"]

اخت هدينة هل تسمحين لي بنصيحة؟ والله إني لك ناصح امين. انسي موضوعك مع زوجك لأنك لن تسنفيدي شيء. أعلم ما بك من القهر والظلم ولكن انسي فهذا اسحن لك ولولدك في المستقبل. علاقتك به لم تنتهي لأن ولده سوف يكبر ويصبح بينكما. لهذا فالأفضل ان تعيش يحياتك وانزعي من بالك فكرة زوجك. واتركيه لله لا تدعي عليه لا بالحق ولا بالباطل والله سوف يقتص لك منه. كما ان ذكرك له في الموقع او حتى للناس يعتبر نميمة وهذا لا يجوز شرعا. اعذريني لكن يجب أن تنتبهي غلى نفسك وإلى صحتك. والزمن كفيل بان يداوي الجراح. اسئلي من طلق قبلك. كل شيء يمر ولا يبقى إلى الكلام الجارح والكلام الجميل.
اعتذر على تدخلي لقد قلت لك كلمات من كل قلبي بدافع النصيحة.

[*سندوسة*]

والله ماتفهم هاد الدنيا ولد لحلال يطيح في بنت لحرام والعكس صحيح

عيش تشوف وعيش تسمع وعيش تتعلم ومهما تعلمت من هاد الدنيا تلقى روحك ماتعلمت والو

الله يهدينا ويوفقنا للخير

[الألماسة]

لا حول و لا قوة الا بالله

[saberwulf044]

هــــــذا ميش زواج

هذا اسمه بروسي عاائلي

[" أبو عبود"]

أردت أن أعرف هل لديكم القاعدة الذهبية التي تعلمها الأم لابنتها عندما تهم بالزواج:" ردي بالك راجلك يدير الدراهم، راه أي دورو يزيد عليه يزوج عليك "

[ام ملاك.]

اسمحلي على الكلمة لكن هذا الصديق جايح باتم معنى الكلمة
سيد مزلوط وماعندو حتى دورو بعد زواجو يشري لمرتو بورطابل نتاع ثلاث ملاين ونص؟؟؟؟؟
يعن يعندو دراهم ماهوش في حالة مادية سيئة انا هكذا نفهم
واذا صح كان ماعندوش ربي يقدرو يعيش حياتو مع هاذ المراة
خاطرش المراة الي ماتقدرش وضعية زوجها وهي شايفة البير وغطاه معناها رايحة تقضي عليه نهائيا ورايحة تكون الكلمة كلمتها لاخر العمر معاه
انصحو صاحبكم يكون راجل مش معناها يصربها ولا يحرمها لكن يكونن شديد في وقت اللي لازم يكون فيه مش هو ماعندوش ويروح يسلف ولاي دبر منين يجيب باش يرضي زوجته
الله يعينو صراحة
واخي صاحب الموضوع عارفة انو موضوعك اكبر من هذا بكثير وتخوفك من الزواج خلاك تبحث غير على المواضيع اللي فاشلة في الزواج
ماتخافش مزال كاين بنات الفاميليا اللي تصون راجلها وتحفظو وتعيش معاه على المرة والحلوة حوس برك وتلقى بلا ماتخاف من الزواج ولا من المراة وتقول بالاك ربي يطيحني في واحدة كيما هكذا
ربي يجيب الخير

[ام ملاك.]

المشاركة الأصلية كتبت بواسطة أبو عبود";3992023038][b][size=&quot

أردت أن أعرف هل لديكم القاعدة الذهبية التي تعلمها الأم لابنتها عندما تهم بالزواج:" ردي بالك راجلك يدير الدراهم، راه أي دورو يزيد عليه يزوج عليك "[/size][/b]

ههههههههه يالها من قاعدة
لم اسمع بها من امي لكني سمعتها من الافلام والمسلسلات الحالمة والبعيدة كل البعد عن الواقع
لاتخاف اخي ماكانش ام تنصح بنتها هكذا الا اذا كانت حابة تخرب دار بنتها وترجعها مع اول مشكلة ويعلق عليها كلمة مطلقة
توكل على الله وماتخافش وديها نصيحة من عندي اذا عجباتك بنت توكل على ربي وشخصية الرجل تلعب دور كبير جدا اذا لقات المراة واي امراة الرجل اللي يقول غير ايه اكيد رايح يعجبها الحال ومع الوقت تتمادى اكثر واكثر ويمكن يجي يوم هي اللي تطلقو لاتستغرب
فالمراة منا تحتاج لرجل باتم معنى الكلمة كلمتو كلمة مهما يغيضها الحال وتبكي بصح تقول ديت راجل وانا اللي نتبعو مش هو اللي يتبعني
لانو المراة اذا احست نفسها تغلبت على شخصية زوجها وهو ساكت ويتفرج وعاجبو الحال رايحة تكرهو اشد الكره وتكرهلو حياتو لكن اذا وقفها عند حدها ودارلها حدود لكل شيء مثلا تعيشي معايا كيما راني عايش بدون لماذا ولم
اهلو خط احمر مالازمش تظلمهم وحتى لو ظلموها تحكي بادب عليهم مش تطيح عليهم بالمنشار
المهم كاين في الحياة ولكل واحد ظروفو واي حاجة يشوف انو منفذ للتحكم يحبسها عند حدها بدون مايكون فيه سيطرة ودكتاتورية تخليها تكره الرجل يعني بالمفاهمة والكلمة الطيبة والله رايحين يعيشو
لكن هذا لايجعل الحياة تخلو من المشاكل يعني كاين كاين المهم الواحد يتجاوزهم ويغمض عينو وكلشي ي فوت
كيما راك تشوف ابوك وامك عايشين يوم يتعافرو ويوم يضحكو هذا هو الزواج بصفة عامة
ادعي لربي رب ييطيحك في بنت الحلال
وعلى كل ربي راه موجدلك واحدة فوطو كوبي نتاعك
ياك يقولو مايتزوجو حتى يتشابهو امالا راهي جاياتك اليوم ولا غدوة وماتعرف واش من بلاد
ونحي من بالك العلاقات الفاشلة ف يالزواج لانها تعتبر من الشواذ والشاذذ لايقاس عليه
بالتوفيق واي سؤال راني واجدة

[أناييس الربيع]

الســــــــــــــــــــــتلام عليكم ورحمة الله وبركاته :

وان كنت ضد وحدة متزوجة ولها هاتف خاص ،مادام زوجها عنده

وأكيد ستتكلم مع أهلها فقط وهم ليس غرباء

ولكن للاسف مايحدث اليوم أن الزوجة تحمل أفخم الهواتف

حتى تتفاخر أمام باقي النساء والكارثة الاعظم تفليكسي

ومكالمات غير محدودة طوال الوقت شوي مع أهلها

وتزيد تجيب حتى رقم صاحبتها وتعيطلها لي جامي تفاهمت معها؟؟؟؟؟؟؟؟؟؟؟

وطبعا من الضحية هو الزواج في الميزانية

[" أبو عبود"]

الذي استغربه أن المسكينة اقل بكثير منه وزواجه منها كان رجولة منه فقد كان يعرفها لسنتين قبل الزواج وترك خطيبته لاجلها كما ان ظروفه احسن بكثير من ظروفها سواء من حيث المستى الاجتماعي او لااقتصادي. ولا افهم كيف تتصرف هكذا فقد يطلقها ان سامر الوضع على ما هو عليه.. هو صحيح يحبها ويسعى لمرضاتها لكن لكل شيء حدود. صديقي قال اشعر بالحرج إن اخبرته ان " يفطن " قليلا لنفسه. وانا ايضا لم اجد كيف انبهه ان استمر هكذا سوف يفلس. لاحظت ايضا أنها لا تريده ان يسهر معنا ولا ان يخالطنا رغم انه اقل من كل جماعته تدينا.

[ام ملاك.]

ههه هي غيورة تحبه لنفسها وفقط مع الوقت تتعود عليه وتولي هي اللي تقولو روح اخرج راهم يعيطولط صحابك
حاجة كيما هذي شيء عادي كل امراة ببداية زواجها تصيرلها
بعد مدة تتاقلم مع البيت ومعه من بعد خلاص تولي توالف
حتى انتم ماتشدوهش بزاف راه متزوج مش عازب عيب ثاني يخلي مرتو في الدار وحدها ويقعد يقصر معاكم
مرة على مرة ماعليش بصح دايما بزاف

[ام ملاك.]

المشاركة الأصلية كتبت بواسطة أناييس الربيع

الســــــــــــــــــــــتلام عليكم ورحمة الله وبركاته :

وان كنت ضد وحدة متزوجة ولها هاتف خاص ،مادام زوجها عنده

وأكيد ستتكلم مع أهلها فقط وهم ليس غرباء

ولكن للاسف مايحدث اليوم أن الزوجة تحمل أفخم الهواتف

حتى تتفاخر أمام باقي النساء والكارثة الاعظم تفليكسي

ومكالمات غير محدودة طوال الوقت شوي مع أهلها

وتزيد تجيب حتى رقم صاحبتها وتعيطلها لي جامي تفاهمت معها؟؟؟؟؟؟؟؟؟؟؟

وطبعا من الضحية هو الزواج في الميزانية

هذا تفكيرك وانت انثى؟؟
علاش البورطابل ثاني محصور غير للراجل واخترعوه برك للرجل؟؟؟
وين المشكل اذا اتصلت بصحاباتها وقصرت معاهم ؟؟ او اتصلت باهلها ؟؟؟؟
تفكيرك غريب صراحة