أرنب محشي في الفرن

سلاف26 · 2012-10-06, 14:27

السلام عليكم و رحمة الله و بركاته

هذا اول موضوع لي في هذا القسم ان شاء الله تعجبكم طبختي

لكل من تحب لحم الأرانب كيفية تحضير أرنب محشي في الفرن "انا اعشق لحم الارانب"
ان شاء الله تكون الصور واضحة و انا لم أصور الارنب و هو حي "باه ما يغيضكمش علابالي بلي قلوبكم الصغيرة لا تتحمل لان الارنب حيوان لطيف "

أول خطوة طبعا هي غسل الأرنب جيدا بالماء يضاف له الملح و الخل حتى تتخلصي من أي بقايا للدم
ملاحظة: نقوم بتفريغ الأرنب من أحشائه كلها

الحشوة:

أرز مطبوخ "نصف طهي" - حبة بطاطا صغيرة - حبة جزر صغيرة "يمكنك اضافة اي خضر اخرى حسب الرغبة" - حبة بصل متوسطة الحجم - الثوم - زيت - سمن "دهن نباتي" - معدنوس - ملح - زيتون أخضر بدون نواة
و بالنسة للتوابل : فلفل أسود - كمون - راس الحانوت

نقوم بفرم البصل و الثوم و المعدنوس و و تقطع الخضر و الزيتون بحجم صغير نخلط هذه المقادير مع اضافة الملح و التوابل

بعد ذلك نقوم بحشو الأرنب بكمية معتبرة حتى لا يحدث تفتق للبطن "لأن الارز يزيد حجمه في الطبخ"

نقوم بخياطة البطن جيدا

نضع الأرنب في صينية و نقوم بتتبيله جيدا مع الفرك "يمسح مع التدليك" بالفلفل الاسود و الكمون و راس الحانوت و الملح و نضيف السمن و الزيت

نضيف كمية من الماء الساخن "الماء البارد يؤثر على جودة اللحم و يجعله قاسي"

مدة الطهي على حسب سن الارنب كل ما كان صغير في العمر كل ما كانت فترة الطهي أقصر أجود لحم هو في العمر مابين 6 الى 9 أشهر "يكون بنين كثر"
أنا عملته مع البطاطا المقلية و اضفت عليها المرق و اعدت الصينية للفرن "باه تحمار مليح و تجمر"

ان شاء الله تكون الكيفية عجبتكم و بصحتكم

ملاحظة: الأرانب من مزرعتي الخاصة و حقوق النشر محفوظة

ملاحظة اخرى مانيش ندير في اشهار لسمن مدينة جات هكاك و خلاص كان لازم نحط كمية السمن في صحن

راس الحانوت : هو خليط من مجموعة توابل أهمها زريعة القصبر "بذور القصبر" جنا عندنا نسموه راس الحانوت و في المناطق الاخرى الله اعلم واش تسموه

aroua K · 2012-10-06, 14:33

merci beauccoup , il est trés délicieux

سرور. · 2012-10-06, 14:42

سلاف باينة بوجادية و الارانب باينة جيبتيهم من المزرعة السعيدة نعرفك ديما تما

موج و صخر · 2012-10-06, 14:44

سلاف26 · 2012-10-06, 14:45

اقتباس:

المشاركة الأصلية كتبت بواسطة ~هَمْسُ الكَلِمَات~

سلاف باينة بوجادية و الارانب باينة جيبتيهم من المزرعة السعيدة نعرفك ديما تما

لالا هذي مزرعة حقيقية المزرعة السعيدة نتاعي فيها ارنب واحد و يصلحش للماكلة

سرور. · 2012-10-06, 14:53

اقتباس:

المشاركة الأصلية كتبت بواسطة سلاف26

لالا هذي مزرعة حقيقية المزرعة السعيدة نتاعي فيها ارنب واحد و يصلحش للماكلة

المهم يعطيك الصحة راكي شاطرة و انا ما علاباليش

ام ايمان16 · 2012-10-06, 15:21

يعطيك الصحة

حياتي نبع امل · 2012-10-06, 15:52

يااااااااااااااااااااااااااااااااااااااااااااااااا اااااااااااي نقولكم حاجة او ما تضحكوش عليا انا الارنب كى نشوفو هكداك نخافو ما نقدرش نمسو والمشكلة زوجى يموت على لحم الارانب نحكيلكم هادى خطرة جابلي ارنب وكان وليدى فى عمرو عامين وما قدرتش نشدلو راسو ونحيه خفت يايما كى نتفكر داك النهار نشمئز المهم وليدى قاعد معايا فى الكوزينة وانا نخزر فى الارنب (طبعا مغطياتو)ونقولو شكون يدنا ليك والادهى والامر زوجى كان صايم والفطور قريب يلحق وقتو واش ندير وليدى كان حاكمو الفضول باه يمس الارنب ويلعب بيه ويقولى ماما انينى يعنى اعطينى قتلو هاك بالصح نحيلو راسوووووووووووووووووووووووووو مسكين فرح قالى ايه ماما انينى اعطيتهولو ونحالو راسو باش قدرت نقطعو وحمرتو مع الارز والخضر صوتى وكى حكيت لزوجى بالمغامرة تاعى من هداك النهار مسكين ماكلاش الارنب من يدى اصلا ما زادش دخل للدار ما نقدرش وانا وعلاه
المهم اختى بارك الله فيك على الوصفة بالصح صدقينى والله ما قدرت نشوف الصور ربي يجازيك

أم ياسين الزهراء · 2012-10-06, 16:03

امممممممممممممم بصحتكم الارنب باين بنين

ام راضية · 2012-10-06, 16:06

سلاف26 · 2012-10-06, 18:11

اقتباس:

المشاركة الأصلية كتبت بواسطة حيهتى كلها امل

يااااااااااااااااااااااااااااااااااااااااااااااااا اااااااااااي نقولكم حاجة او ما تضحكوش عليا انا الارنب كى نشوفو هكداك نخافو ما نقدرش نمسو والمشكلة زوجى يموت على لحم الارانب نحكيلكم هادى خطرة جابلي ارنب وكان وليدى فى عمرو عامين وما قدرتش نشدلو راسو ونحيه خفت يايما كى نتفكر داك النهار نشمئز المهم وليدى قاعد معايا فى الكوزينة وانا نخزر فى الارنب (طبعا مغطياتو)ونقولو شكون يدنا ليك والادهى والامر زوجى كان صايم والفطور قريب يلحق وقتو واش ندير وليدى كان حاكمو الفضول باه يمس الارنب ويلعب بيه ويقولى ماما انينى يعنى اعطينى قتلو هاك بالصح نحيلو راسوووووووووووووووووووووووووو مسكين فرح قالى ايه ماما انينى اعطيتهولو ونحالو راسو باش قدرت نقطعو وحمرتو مع الارز والخضر صوتى وكى حكيت لزوجى بالمغامرة تاعى من هداك النهار مسكين ماكلاش الارنب من يدى اصلا ما زادش دخل للدار ما نقدرش وانا وعلاه
المهم اختى بارك الله فيك على الوصفة بالصح صدقينى والله ما قدرت نشوف الصور ربي يجازيك

و الله ضحكتيني اختي هههههههه لهذي الدرجة صح كاين الي يعيفو شكلو بصح لحمو بنين بزاف
مسكين راجلك حرمتيه من الاكلة لي يحبها اعفسي على قلبك كاش نهار و طيبيهولو في خاطرو مع انه امر صعب
مشكورة أختي و ربي يخليلك وليدك

maymay · 2012-10-06, 19:29

الطبق رووووووووعة من يديك بصح الله غالب،ما نقدرش نلمس الأرنب و مانقدرش ناكلـــــــــو..مانعرف علاه لكن مانحملــــــــــش

بالصحة أختي

الصوامعية · 2012-10-06, 20:49

يعطيك الصحة أختي أنا ثاني منبغيش ناكل لحم الأرانب شكل نتاعو يجيني يشبه للقط الله غالب منقدرش ناكلو

miri_27 · 2012-10-06, 21:07

شاطرة والله ولكن اعذريني آخر شئ افكر فيه هو أكل لحم الارنب يالطيف مانقدرش قلبي رهيف لهذو الأكلات على كل حال بارك الله فيك و بصحتكم

سلاف26 · 2012-10-07, 12:13

شكرا لمروركم و ضحكتوني ههههه لهذي الدرجة تعيفو؟هو صح شكلو كي القط بصح بنتو هايلة على كل حال كل واحد وكيفاش و أغلب النساء ما يقدروش ياكلوه