السلام عليكم
قولولي واش رايكم في قاتو عيد ميلاد ابنتي
عملت 2 جينواز كل جينواز عملت فيها
المقادير
6 حبات بيض
140غ فرينة
160غ سكر
فاني
نخلط البيض مع السكربالباتور او البيترا مليح حتى يتضاعف حجمها نضيف الفاني و نخلط مليح ثم نضيف الفرينة و نخلط بالملعة من اسفل الى فوق و نضعها في مول مدهون و نحطها اطيب
اومبعد نحضر كريمة الزبدة
عملت 200غ زبدة + 300غ سكر نخلطها مليح +مغرف ص نيسكافي مذوبة في كاس نتاع التاي ماء + مغرف ك كاكاو و نخلط مليح اذا شفتيها شايحة بزاف زديلها شوية حليب كانديا
بعد ما طابت الجينواز و بردت
ندير الجينواز الاولى و ندهنها من فوق بشوية شربات و ندير طبقة نتاع الكريمة و نحط فوقها الجينواز الثانية و نزيد ندهنها بالشربات و نطليها من كل الجوانب بالكريمة
التزيين انا عملتها هلوكيتي
لونت عجينة السكر و حليتها مليح و درتها فوق القاطو اومبعد لونت طرف من عجينة السكر بالابيض و حليتها و قطعتها على شكل راس هلوكيتي و نضعها فوق القاطو و نديرها العينين و الانف كما في الصورة
( تقرير عن مشاركة سيئة )، و الموجودة أسفل كل مشاركة .
2014-12-05, 12:07
قاطو عيد ميلاد ابنتي
العرض الشجري