تجاربكن ووصفاتكن ت هم كل ام فلا تبخلي بها

hanane09 · 2014-09-26, 20:20

السلام عليكم ورحمة الله وباركاتة
اردت من الموضوع ان تضع كل اخت وصفة جربتها لعلاج طفلها
وشفي حتى تستفاد كل اخت
اناشخصيا لدي وصفة مجربة من قبلي لعلاج الديدان
ه‍ي ان تاخدي coton tige وتححكي به الثوم بعد تقشيره مليح تم تدخليه في مئخرة الطفل
وتضغط على اللمئخرةles fèce ويدك حكمة كوتون تيج ماتسيبيهش
وتركيه قليلا سوف يئلمه ولكن بعدها سوف تري الديدان في كوتون تيج وباذن الله سوف يزول

اما لعلاج الكحة عليك بملعقة صغيرة ل زيت الضرو

امالعلاج الحرles aphtes فعليك بغمس قطن او كومبراس في عصير القارس تم في بكربونات وحك كامل الفم
اوتحك الفم بكربم جل داكتاران

اتمنى ان اكون افدتكم بتجاربي
وارجو كل واحدة لديها علاج مجرب تضعه حتى تستفيد كل الاخوات

اما لعلاج

foufou0008 · 2014-09-26, 22:39

موضوع جمييييل

hanane09 · 2014-09-28, 13:57

اين انتن ياخوات ولا ام لديها صفة مجربة في علاج طفلها انتضر منكن الردود لاتبخلوا علينا بخبرتكن حتى تعم الفائدة على الجميع

أم عبد الكريم · 2014-09-28, 14:04

بارك الله فيك اختي
انا عندي وصفة لعلاج احمرار المؤخرة و هي استعمال النشاء

~ 하난 · 2014-09-28, 14:28

ماشاء الله

موضوع مميز

بارك الله فيك

om kamilia · 2014-09-28, 16:10

موضوع مميز ن شاء الله يثبت

ام النجمين · 2014-09-28, 16:43

بوماد للطياب نتاع الكوش للرضيع اسمها فنازول 1بالمية كريم للجلد يعني ضربة بضربة روعة كون جاء برتابلي يصور مليح كون وريتها يعني سحر انا متخطنيش طووووووووووووووووول ومديتها للامهات لوجه اللله

ام خليل § · 2014-09-28, 17:06

لعلاج التهابات الكوش ندير غير ميكوسيد روعة
و ثاني راني غير كما خنتنو ما درتلو والو من غير ميكوسيد ياللخف برا مع استعمال الكوش

ام خليل § · 2014-09-28, 17:10

ثاني كي يطيح و لا يصرعو حيط باش ما توليش زرقة البلاصة و تتنفخ ديريلو تم تم ,,,,الزبدة غير شوية و حكيها على البلاصة و هذي عن تجربة للكبار و الصغار

و ثاني الزيت على الجرح باه بحبس الدم

hanane09 · 2014-09-28, 21:50

شمكرا لكيل اخت
الاحت ام خليل اي نوع من الزبدة تفصديادت حت عمل لبتي
واي نوع من الزيت لي وقف الدم
شكرا لكن للمرة2

hanane09 · 2014-09-28, 21:54

جزاكن الله كل خير

ام خليل § · 2014-09-29, 17:30

اقتباس:

المشاركة الأصلية كتبت بواسطة hanane09

شمكرا لكيل اخت
الاحت ام خليل اي نوع من الزبدة تفصديادت حت عمل لبتي
واي نوع من الزيت لي وقف الدم
شكرا لكن للمرة2

زبدة و لا مرغرين العادية و الزيت ثاني نتاع الطياب و لا شكر على واجب

أم شاهين · 2014-10-06, 19:31

ما شاء الله موضوع هاااايل انا أم لأول مرة وإن شاء الله نقدر نفيد ونستفيد منكن
ماء الأرز أو الجزر لإيقاف الإسهال تديري شوية أرز في شوية ماء وتغليه مليح ومن بعد هاداك الما خليه يبرد شوية وخلطيلو فيه الحليب (أرز ولا الجزر) ومديه للرضيع
أيضا لتخفيف الإمساك خاصة الرضع في الأشهر الأولى ندير شوية نتاع صابون الحجرة (لي نغسلو بيه لحوايج) نديرو على شكل شميعة صغييرة حاشاكم
أيضا لتخفيف الحمى ديري ماء الزهر في بوني ولا محرمة وحطيهولو على راسو ولا شمخيلو الجوارب بالخل مليح ولبسيهملو
وبالشفاء لكل أطفالنا وربي يحفظهم لنا ويصلحهم يا رب
للمجربات واش نقدر ندير لتخفيف آلام التسنين لولدي ما خلاوش فيه أسنانه

hanane09 · 2014-10-17, 15:27

شكرا لكم جميعا وفعلا ياام شا ين انا ايضا لايقاف الاسهال اعمل ما الروز ولا ما الجزر

ايضا للحريق عملت زيت الضرو اد ن مكان الحرق بزيت الضرو فعال

fadi02 · 2014-10-30, 12:41

لايقاف النزيف امسحي الجرح بالخل تم تم يحبس الدم