🍅🍅🍅تارت الشوفلور اقتصادية وتحمرك وجهك 🍅🍅🍅

[حياة نور الدين]

السلام عليكم

وصفتي اليوم ساهلة وبمكونات بسيطة نتمنى جربوها خفيفة وروووعة للشهر الكريم

تارت الشوفلور



المقادير والطريقة

زهرات شوفلور مغسولين بلا طياب
صدر دجاج طايب في مرق او بقالك من دجاج محمر
بصل، ثوم، معدنوس، ملح، فلفل اسود، كمون، قصبر مرحي
نرحي الكل في hachoir
نضيف للخليط حبة بيض كبيرة حتى 2 حسب كمية الخليط وملاعق بيشامال طايبة ثقيلة ونخلط ونحط الخليط في مول مدهون بالزبدة





من جهة اخرى نكونوا طيبنا بطاطا ورحيناها او هرسناها وضفنا عليها ملح وجبن وملاعق كريم فراش (وادا مكانتش نعوضوها بالحليب نضيف بالعقل ونحرك)
وادا كانت ناشفة بزاااف نضيف ملعقة او 2 حليب نخلط ونتركها ربع ساعة بعدها نعمرها في بوش ادوي ونشكل زهرات فوق الشوفلور وندري جبن رابي وندخلها الفرن على 200 درجة حتى تطيب تاخد نصف ساعة





تقدم مع صوص حمراء او مرق ابيض بالحمص وكل واحدة ودوقها





جربوها روووعة تمتعنا بها اممممم