أنقذونا من الإنهيار!!

[Totti96]

السلام عليكم
تحصلت على الباك تقني رياضي بمعدل 16
لم تكن لدي أي ميولات ... في الأخير اخترت المحروقات
لكن العديد يقولون لي لماذا لم تختر الطب؟ أو الصيدلة؟
انا محبط تماما ... فلماذا هذا التهافت على اىتخصصات الطبية؟ وهل قمت باختيار خاطئ؟
أرجو المساعدة بنصائحكم وآرائكم
شكرا مسبقا

[lolitta22]

Salam, non matakhadtech 9ara9 ghalet au contraire ana je te dis BRAVO prsk la filliére li khayert nta hiya li fiha le plus d'avenir w d'opportunité. Mach kima medecine w pharmacie w les filliéres médicales kamel li tjib hyatek wanta ghir tahfed w m3a lakher. Bezhar ida lgit khadma koun tji tahsseb le nobre de medecin li rahom au chomage wella ykhadmou b laném yadiw 1 milion 500 t7ir, w zid hadou les filliére la plupart li 3adou ydirouhom ykhayrohom 3la chi3a bark prsk fi bladna may7a9och l les. Autres filliére qui sont 1000 fois mieux. Kima hadi li rak mdayerha je connais bcp deersonne darouha w rahom yetna3n3ou dorka, alors ana jte conseille de continuer w sois sur de ton choix prsk brabi nchallah tu a fais un trés bon choix w mach rayeh tendem, bon courage! Peace ^^

[سامي 123]

السلام عليكم ..

أخي الكريم .. التخصص لي راك مدايره تخصص مليح بزاف

بصح المشكل في التوظيف .. راك عارف : معارف و رشاوي ... إلخ

الأفضل لك أخي الكريم أنك تجمد السنة الدراسية

و السنة القادمة إن شاء الله دير أحد التخصصات الطبية .. مثلا أنا أنصحك بجراحة الأسنان

يكذب عليك لي يقولك جماعة الطب ما يلقاوش خدمة .. هو قادر دير شوماج عام ولا عامين

ثم تلتحق بمنصب عمل .. لتكتسب الخبرة .. باش تقدر تحل عند روحك

أنا أعرف الكثير من جراحي الأسنان .. يدخلواا في الشهر أقل شيئ 200 مليون

و زيد مهنة إنسانية ..

و بالتوفيق أخي إن شاء الله

ملاحظة : أبلوكي العام قبل الإمتحانات خاطرش لا بداو .. خلاص تكمل فترة تجميد السنة

[Totti96]

المشاركة الأصلية كتبت بواسطة سامي 123

السلام عليكم ..

أخي الكريم .. التخصص لي راك مدايره تخصص مليح بزاف

بصح المشكل في التوظيف .. راك عارف : معارف و رشاوي ... إلخ

الأفضل لك أخي الكريم أنك تجمد السنة الدراسية

و السنة القادمة إن شاء الله دير أحد التخصصات الطبية .. مثلا أنا أنصحك بجراحة الأسنان

يكذب عليك لي يقولك جماعة الطب ما يلقاوش خدمة .. هو قادر دير شوماج عام ولا عامين

ثم تلتحق بمنصب عمل .. لتكتسب الخبرة .. باش تقدر تحل عند روحك

أنا أعرف الكثير من جراحي الأسنان .. يدخلواا في الشهر أقل شيئ 200 مليون

و زيد مهنة إنسانية ..

و بالتوفيق أخي إن شاء الله

ملاحظة : أبلوكي العام قبل الإمتحانات خاطرش لا بداو .. خلاص تكمل فترة تجميد السنة

السلام عليكم
ماشكيتش جراح أسنان ايدير 200 مليون
بصح لبروبلام مانحفظش
أعطونا حل الله يحفظكم

[hmidacom]

انا لا انصح بجراحة الاسنان
الافضل في الشعب الطبية هو الطب حسب رؤيتي
فيما يخص التخصص الذي اخترته فانه جيد و كل حسب قدراته و رغبته فانت لا تنصاع للاخرين
انت بعد دراستك لثلاثة اشهر كيف وجدت هذه الشعبة
وبما انك تقني رياضي فهذا يعني انك لا تفضل العلوم ، لذاوحسب رايي كان عليك اختيار المدرسة العليا للعلام الالي فهي رائعة

و بالمناسبة فانا ادرس الطب و هذا عامي الاول و هي سعبة رائعة و لكن يا اخي تحتاج الى الحفظ و يمكنك التعود عليه مع مرور الوقت

و لكن كل واحد لديه ميول فانا مثلا افضل ارياضيات و الفيزياء على العلوم رغم انا كنت علمي و احب شعب اخرى كالهندسة الكهربائية و الفيزياء و الاعلام الالي و لكن كانت لدي ميول منذ صغري للطب فاخترته و كذلك التفكير في المستقبل
و لكن ان اخترت الطب فعليك ان تكون محب للعلم و لا تنظر الى 7 سنوات و تحاول ان تدرس التخصص .
و ان احتجت اي شيء فانا استطيع ان انصحك اكثر
هذا رقمي 0773185687

[تسهيل]

بركاك بلا جياحة
ادا لقيت روحك في الشعبة لي راك فيها كمل للاخر ان شاء الله تكون من الاوائل وتتخرج واخدم مباشرة
مش كل شئ طب
اخطيك من الكلام التاغه
كمل قرايتك راك فووور

[aymen01]

بففف تعييو

الطب الطب راهم يقتلو في الشعب كاشما بقا طب درك

انت تقني و خيرت محروقات تخدم في الصحراء شهر وي شهر نو و تخلص مليح خير من الطب نتاع التمسخير

معدلك 16 يعني تقدر تتفوق في تخصص نتاعك و تكون من الاوائل و بلاكش تخدم حتى خارج الجزائر راهم يحوسو عليهم نتاع المحروقات في الخليج

هوما يخايرو غير جال يقولولهم طبيب

[shy'n]

انا راني ضد تعاود الباك

ريح وين راك و توكل على ربي

التخصص هذا لاباس بيه لكن فرص العمل لا اعرف ,,,بصح فيها خدمة

[batool26]

لي راهم يقولو الطبة راهم يقتلو في العباد يتهلاو ما يروحوش للطبيب كي يمرضو
الانسان لازم يدير الشعبة لي يحبها ويميل ليها و ما يتبعش كلام الناس هاذي هيا خويا
بالتوفيق