سم بسم الله

[Soletair]

ســـــــم بســـــم الله وسم الله رب العالمينا===وســـــم يابن سعد سم الله عـدو اللي هويته
ســـــم للي يبتسم لا ينكســــــــم ثغره بعينا=== وان فديته كـــــذب يابن سعد من قلبي فديته
ون ولا غــــــــــن ولا حــــن لجله ونحنينا===لا تلوم اللي يلـــــــــوم العاشق المغرم بكيته
ما يشوف الا الطيوف الا طيوف الواهمينا===وان معــــك جنحان بن فرناس والله مالفيته
ما يبكـــــــر في المنام وما يفكر من سنينا===خـــــــــــــاب يامسكين ماتدري بعنوانه وبيته
وان نشدت اللي هواها من هواها مادرينا===وقالت الله يصلحه فــي العمر ماشفته وريته
ماوعيت ومارايت وما قــــريت اللي قرينا===ليش تحفظ علم في جــــدران شارعكم قريته
والله انك عــــــــبرت العشاق شانا ام ابينا===والله انك درس للعشاق فـــــــي الدنيا خذيته
لا تحب الا محبآ حبك الحـــــــــــــب اليقينا===ولا تفكر فيه طول الليل فكـــــــــــــر لو لقيته
وان هويت الورد لا تهوئ زهور الياسمينا===ورد فــــي البستان لو بتبيع كبدك مشتريته
وان هويت الطير لا تهوئ الطيور الهابطينا===واهو طير الجو ذاك الطير له قدره وصيته
وان هويت من اركاب احذر ركاب المبتدينا===ولا تذلل لذلـــــــــــول اللي مناحرها مميته
وان هويت من السمك اهل السمك في كل مينا===وقـل لبيعه يزيح الشوك سمك لو كليته
وان هويت من المواتر تنفعك في كل حينا=== اتكــــل ع الشاص وتوكل على نوره وليته
وان هويت من المنازل راحتك في بيت طينا===والبشـر من طين رحت اليوم منه ثم جيته
وان هويت من القماش اختر قماش ابيض حسينا===وعبد الله وتقه والله يجيبك لو دعيته
وان بغيت النوم والراحــــه وتسكن جنتينا===جنة الدنيا وجنه مـــــــاتجيها لــــــو عصيته
وان بغيت البر وكبر بر بر الوالدينا===وان بغيت السر وكبر سر هــــــــــــــذاء لك حكيته
وان بغيت العلم يامن فزت بلاسلام دينا===في كتاب الله علوم الحق لك اجـــــــر ان تليته
وان بغيت الله يعينك عن ومولانا يعينا===وحذر المظلوم وحذر حقد فـــــي صدرك حشيته
وحذر الحساد وحذر من كلام الحاقدينا===وحذر الشيطان لنه هــــــــــــــو بغاك ولا بغيته
مارميت اذا رميت وما رمينا اذ رمينا====وماعنيت اذا عنيت الله يعين اللــــــــــي عنيته
كم ظلمت وكم ظولمت وكم خطيت وكم خطينا===وما هقيت انه يسير الدرب لول ماهقيته
وان رجع للعشق يستاهل شباك القانصينا===لا سقــــئ الله من رجع للوم والله ما سقيته
كم نصحت وكم شرحت وكم مسحت وكم محينا==من عبارات النصايح كم من الباطل نهيته