صراتلي منعاودشي

[oumhana]

من عادتي كنروح للعمل ونا في الطريق أستغفر الله ملي نخرج ونا نستغفر ونذكر
كالعاده رايحة للخدمه وكنت شويه روتار ونخدم بعيد و علا باكم حال الطريق المهم باه مندخلش في حفره كلاكصونيت عدة مرات باه الي جاي عكسي يخليني نجوز لكن السيد مخلانيش وأصر هو يجوز فهمتو بالعقليه بلي مننجمش نمشي على اليمين راهي حفره كبيره بصح الأخ جبد فرا اما و قالي منيش متزعزع وليت للور خليتو جاز دخلت فالحفره غير بالعقل "سلمات"بصح كلحق عندي قلتلو "الله لا يربحك"ومشيت لكن سرعان ما ندمت و وليت نلوم على روحي كفاش خارجة مالدار نستغفر حتى نولي نقول كلام مشي مليح المهم ندمت و طاحتلي الدمعه وقلت لو كان غير ربي يغفرلي وكملت طريقي ونهار كامل و الحكايه في راسي لعشيه حكيت لزوجي قالي مشي حق عليك هذا مشي كلام .منحكيلمكمش بلي ندمت ندامه سودا.مرت بالظبط سمانه على الحكايه ونسيتها رحت عند الطبيب معا الطباح بكري وgاريت قدامو بصح منتبهتش بلي راني نديرونجي الgراج لقدام الطبيب نزلت و رحت شريت الجرنان و كوليت لقيت راجل(مول الgراج) في قمه الغضب قتلو اسمحلي تصورو واش قالي ههههههه
قالي "الله لا يربحك"
مع هذا عاودت قلتلو اسمحلي و دنيت الطموبيل شويه وفرحت
فرحت خاطر حسيت بالي ربي اقتص مني على السيد كما قلت انا جاب ربي اللي قلي نفس الشي سبحان الله إن شا الله ربي يغفرلي زله لساني قولو آمين .
لعشيه حكيت لزوجي ونا فرحانه قالي آه كفاه يقولك هكذا وراكي فرحانه قلتلو اشفا غير السمانه لي فاتت انا قلت نفس الشي للسيد ولا حلا علينا و حرام عليهم

[مريم الصابرة]

السلام عليكم
ضحكتيني راكي عارفة من كثرة إنت طيبة يعني انا نظن قلتيها بنية طيبة لانو زعاف خلاك تقوليها برك والدليل انك بكيتي وندمت على كلمة في حين يا ربي ناس راهي تظلم وتخرب بيوت وتقتل اطفال وذرة ندم ما تتحرك فيهم ربي يبارك فيك وراجلك مسكين كيما تقولي يقول هههه
راني نشوف فيك ديري كوارث فالطريق هههههه لو تشوفيني انا لما كنت نسوق ندي سيارة راجل ختي طريق كاملة وانا ندابز برغم نعرف نسوق لكن الله غالب تتلاقاي مع ناسي لا علاقة بالسياقة
ما تقلقيش روحك ربي راه يشوف لنواياك وندمك
موفقة

[نور الرحمة]

كثيرا من المواقف مثل هذه تصرا لكل الناس بصح شكون لحس بلي راهوا غالط غير لي عندوا ضمير إن شاء الله ابعد علينا ربي ناس سوء

[مانقراش]

واه ، كي تركبو في الطوموبيلات تولو ديرو كي ،les rois
بصح كي تنزلو منها تولو ديرو كي الدجاج
ماتخلونا نفوتو ، ماتقولو هدا مريض ماتقولو ما لقاش transport
ماوالو


























الله لا تربحكم ، ههههههههههه


ماديريش عليا راني نفرغ واش كاين في قلبي

[مُحمد رازي]

السلام عليكم
كما تدين تدان
هذا من فضل الله عليك كونك أخذت عقوبتك اليوم و قبل غد أين يكون الاقتصاص فقط بالحسنات
و باعتبار أن لك ضميرا حيّا يحاسبك على أخطائك
نسأل الله أن يغفر لنا أجمعين

[وجدان الخواطر~]

السلام عليكم
و الله حتى فرحت معاك ، وباين عليك انسانة ذات ضمير حي ...

[oumhana]

المشاركة الأصلية كتبت بواسطة مريم الصابرة

السلام عليكم
ضحكتيني راكي عارفة من كثرة إنت طيبة يعني انا نظن قلتيها بنية طيبة لانو زعاف خلاك تقوليها برك والدليل انك بكيتي وندمت على كلمة في حين يا ربي ناس راهي تظلم وتخرب بيوت وتقتل اطفال وذرة ندم ما تتحرك فيهم ربي يبارك فيك وراجلك مسكين كيما تقولي يقول هههه
راني نشوف فيك ديري كوارث فالطريق هههههه لو تشوفيني انا لما كنت نسوق ندي سيارة راجل ختي طريق كاملة وانا ندابز برغم نعرف نسوق لكن الله غالب تتلاقاي مع ناسي لا علاقة بالسياقة
ما تقلقيش روحك ربي راه يشوف لنواياك وندمك
موفقة

· حبيبتي مريم شكرا لمرورك الطيب والله ما ندبز بالعكس برك هذاك النهار منعرف واش خداني . دمت في حفظ الرحمان

[oumhana]

المشاركة الأصلية كتبت بواسطة نور الرحمة

كثيرا من المواقف مثل هذه تصرا لكل الناس بصح شكون لحس بلي راهوا غالط غير لي عندوا ضمير إن شاء الله ابعد علينا ربي ناس سوء

شكرا على الرد و االنظر لموضعي حفظك المولى

[oumhana]

المشاركة الأصلية كتبت بواسطة مانقراش

واه ، كي تركبو في الطوموبيلات تولو ديرو كي ،les rois
بصح كي تنزلو منها تولو ديرو كي الدجاج
ماتخلونا نفوتو ، ماتقولو هدا مريض ماتقولو ما لقاش transport
ماوالو





بالعكس يا منقراش والله لو كان تعرف (ي) شحال انا متواضعة متقول -ي- عليا هكذا.فرغ -ي-قلبك عند أم هنا خاطر في الأصل قلبها كبير.شكرا لمرورك ـ بصح علاه متقراش؟؟؟؟؟




















الله لا تربحكم ، ههههههههههه


ماديريش عليا راني نفرغ واش كاين في قلبي

بالعكس يا منقراش والله لو كان تعرف (ي) شحال انا متواضعة متقول -ي- عليا هكذا.فرغ -ي-قلبك عند أم هنا خاطر في الأصل قلبها كبير.شكرا لمرورك ـ بصح علاه متقراش؟؟؟؟؟

[حكيم المنتدى]

سلام الله عليكم
الحمد لله أنك اكتشفت خطأك وأدركت أن التسرّع عواقبه وخيمة
ولا تنسي: "كما تدين تدان"
سلام

[oumhana]

المشاركة الأصلية كتبت بواسطة وجدان الخواطر~

السلام عليكم
و الله حتى فرحت معاك ، وباين عليك انسانة ذات ضمير حي ...

شكرا على الرد
نسأل الله أن نكون من ذوي الضمائر الحيه آمين يا رب العالمين

[oumhana]

المشاركة الأصلية كتبت بواسطة قولدواي

السلام عليكم
كما تدين تدان
هذا من فضل الله عليك كونك أخذت عقوبتك اليوم و قبل غد أين يكون الاقتصاص فقط بالحسنات
و باعتبار أن لك ضميرا حيّا يحاسبك على أخطائك
نسأل الله أن يغفر لنا أجمعين

شكرا على الرد
نسأل الله أن نكون من ذوي الضمائر الحيه آمين يا رب العالمين

[معتزة باسلامي]

الله يكثر من امثالك

[رميسة الجزائرية]

هههههههه والله وحدك ربي يخليك ديما فرحانة باين فيك طيبة

[نُـون]

السلام عليكم ورحمة الله



يا أختي حكايتك بسيطة لتصبحي سعيدة

الله يربحك