انصحوني مادا افعل مع زوجي

bint alisslam · 2014-10-12, 16:02

السلام عليكم
انا منتزوجة مند عام تقريبا . ايام خطبتنا اخبرني زوجي اننا سوف نسكن في طابقنا الخاص المتكون من غرفتين و الصالون و مطبخ صغير و انني سوف اكون سيدة المطبخ و نعيش حياة مستقلة عن اهله الساكنين في الطابق الارضي . لكن و مع اقتراب موعد العرس لما سالته متى ننزل نتشتري التلاجة و الطباخة و الة الغسيل اخبرني انه في ضائقة مادية بسبب تكاليف العرس و اننا سوف نمضي الايام الاولي مع اهله الة ان يشتري مايلزمنا من الات كهرومنزلية و نستقل وحدنا .لكن بعد العرس انصدمت بكون ان اهله استولو علي الطالون حيت انه في نهاية الدرج المؤدي لطابقي فتحو باب يدخل للطابق الدي اسكن فيه و الباب الموجود في طابقي و الدي يدخل ايضا للطالون مغلوق دائما بالمفتاج بمعني انه ليس لدي صالون . و ام زوجي تريده ان يسكن معها للابد كما قالت و زوجي راض تماما عن كلامها لدرجة انه اخبرني ادا فتجت له موضوع السكن لوجنا سوف يطلقني .للعلم انني عاملة نصف دوام و لديه اخت غير متزوجة لاتساعد باي شيئ من اشغال البيت حيت بعد دخولي من العمل مباشرو ادخل المطبخ الاقوم بكل اعمال الطبخ و التنطيف و كل اشغال البيت الاخري و بعد الانتهاء اصعد لطابقي و اقوم بنفس الاعمال ماعدا الطبخ بخكم اننا ناكل معهم .كل هدا و اهله غير راضين كل يوم يسمعون لي الكلام و اب زوجي كدللك صعب حيت انه ياملا ابنته بان لا تعمل اي شيء بحكم انها عزباء و انني انا المتزوجة يعني انا اتحمل المسؤولية .
كل هدا و زوجي لايعطيني الحق لما احكي له يقول لي انهم اهلي و يحدرني ان نطقت بكلمة ردا علي الكلام الدي يسمعونني انه سوف يطلقني ...
باختصار امه و اخته هما الامرتان و الناهيتان في البيت و حتي اخته المتزوجة لها الحكم في البيت حيت انها هي من تقرر متلا من تدهب الي العرس و من تبقي في البيت و حماتي تامر زوجي و هو ينفد .لدرجة انني مرة كنت مريضة و كان لديهم عرس و اخبرت زوجي انني لن استطيع الدهاب و لما اخبر حماتي اتصلت بابنتها و لما اخبرتها انني لن ادهب غضبت بحكم ان العروس مقربة اليها و ادا بخماتي تتصل بزوجي لتخبره انه علي الدهاب و كان لها دلك حيت انه تشاجر معي و ارغمني علي الدهاب.
اين هي حريتي هي يد حماتي و ابنتيها الاتنين و زوجي دمية يحركونها كما يشاؤن .
مادا افعل انصحوني

lalib40 · 2014-10-12, 16:46

هذه نتيجة الزواج من رجل تتحكم فيه امه واخواته

لمسة ابداع · 2014-10-12, 17:05

ربي يعطيك الصبر اختي انا نعاني من نفس المشكل تاع تحكم العجوز و ابنتيها ما زلت مارحتش حتى عندهم
ربي يعطينا الععقل انشااااااء الله

نورة مروان · 2014-10-12, 17:51

ربي يكون معاك ان شاء الله ويفرج عليك

ام النجمين · 2014-10-12, 17:59

ربي معاك رانا كامل نعانو اصبري وخلاص

الألماسة · 2014-10-12, 18:02

انا راني في دارنا بسبب مشكل الام و بناتها
و ملقيتش الحل
؟؟؟؟؟؟؟؟؟؟؟؟؟؟؟؟؟؟
ربي يغبنهم كيما غبنونا

first first · 2014-10-12, 19:12

شوفي اختي العزيزة
ننصحك نصيحة.........انت مازلتي جديدة ..عندك عام زواج.................علاقة زوجك باهلك لاتزال امتن من علاقتو بك ................يعني ماشي في صالحك تشد الحبل وتبداي تطالبي بحقوقك وماشابه.
حاولي كي تخدمي تطلبي معاونة اخت الزوج..وادا ماساعدتكش ننصحك نصيحة من القلب.....لاتجعلي تفنين تاعها وتكاسلها سببا في خراب حياتك....ديرها مثلها مثل الضيفة.................واخدمي واش تقدري ولي ماتقدريش عليه خليه........غدوة يولو عندك اولاد ويديرلها ربي تاويل.

الماسة النادرة · 2014-10-12, 19:56

اختي هذه حكاية ازلية بين الكنة والعجوزة زيد انتي بلاكي تخسري راجلك اختو يجي النهار وين تروح وانتي تطفر فيك

عبد الغني 75 · 2014-10-12, 20:02

السلام عليك يااخت
الأمور التي تعاني منها بسيطة جدا لا تستدعي ابدا هذه الشكوى لا نعطي

الموضوع فوق حقه
سلام

ام ملاك. · 2014-10-12, 23:28

يااخي وين امور بسيطة اذا ارك تشوف تحكم اخوة الزوج في زوجته بسيطة نقولك بللي راك عايش في كوكب اخر ومش حاس باي شي ولا ماقريتش واش كتبت غير من العنوان بديت تهدر
الله يكون في عونك اختي والله ماعرفت واش ننصحك موقف صعب وخاصة انو الزوج ضعيف الشخصية ماعندو حتى موقف
نقولك وكلي امرك لربي سبحانه وتعالى هو الادرى بوين صلاحك ورب ييعطيك الخير ان شالله وعلى قد نيتك

حميد.ص · 2014-10-12, 23:36

الحل هو الصبر

اصبري مع زوجك مهما كانت الظروف

كان الزوج فيما مضى يعنف زوجته كل يوم لكنها كانت تصبر ليس خوفا منه بل خوفا من الله تعالى

loufa · 2014-10-13, 07:59

اين اهلك من هذا
يجب ان يعرفو ان وراءك رجال والا تمادو اكثر
كيفاه يحكمو النساء عنده وهو ماشي راجل حتى يمشي كلمتو على الجميع
لقد وعدك بالسكن وحدك ثم اخلف
بنات الناس ماهمش لعبة
كيفاه كلمة زوج يهددك بالطلاق
ايضا انت عاملة تتعبي برا وتزيدي فالداخل ولعجب مايعجبهمش
لوكان وحدك تلقاي راحتك فكل شيء حتى الاعمال المنزلية

عبد الغني 75 · 2014-10-13, 08:19

اقتباس:

المشاركة الأصلية كتبت بواسطة أم ملاك.

يااخي وين امور بسيطة اذا ارك تشوف تحكم اخوة الزوج في زوجته بسيطة نقولك بللي راك عايش في كوكب اخر ومش حاس باي شي ولا ماقريتش واش كتبت غير من العنوان بديت تهدر
الله يكون في عونك اختي والله ماعرفت واش ننصحك موقف صعب وخاصة انو الزوج ضعيف الشخصية ماعندو حتى موقف
نقولك وكلي امرك لربي سبحانه وتعالى هو الادرى بوين صلاحك ورب ييعطيك الخير ان شالله وعلى قد نيتك

نعم امور بسيطة جدا و بكل موضوعية أنت محبة للجدل ما هذه الإثارة فوجود مشاكل في اي منزل هو أمر طبيعي خاصة و كما سبق ذكره انها امور بسيطة و أنت اردت ان تجعل من هذه الأمور كارثة و انت بذلك تضخم المشكلة و تسيري بهاالى الطلاق حرام عليك ربي يهدي النفوس
سلام

عبد الغني 75 · 2014-10-13, 08:42

اقتباس:

المشاركة الأصلية كتبت بواسطة loufa

اين اهلك من هذا
يجب ان يعرفو ان وراءك رجال والا تمادو اكثر
كيفاه يحكمو النساء عنده وهو ماشي راجل حتى يمشي كلمتو على الجميع
لقد وعدك بالسكن وحدك ثم اخلف
بنات الناس ماهمش لعبة
كيفاه كلمة زوج يهددك بالطلاق
ايضا انت عاملة تتعبي برا وتزيدي فالداخل ولعجب مايعجبهمش
لوكان وحدك تلقاي راحتك فكل شيء حتى الاعمال المنزلية

لا حول و لا قوة الا بالله
ما هذا الهيجان الغضب نزغة من نزغات الشيطان
أإسأل ربك كلمة الإخلاص في الرضا والغضب
ماذا تريدين بتدخلك هذا الطلاق و تشتيت الأسرة و تحطيم كيانها
أستغفر ربك يا أخت

oum imane83 · 2014-10-13, 11:13

مارناش نضخمو الامور ونكبرو المسائل كل شيء يجي بالمفاهمة و الحكمة ...
اولا راجلك ماتمسكش بكلمته لانكم تفاهمتو مند البداية ودوكا يهددك بالطلاق ..سبحا ن الله ... الرجل يتقاس بكلامه ولا واش قال اخونا عبد الغني 75
الراجل الدكي الشهم هو الي يعرف كيفاش يسير دارو ويحط كل واحد في مكانه ويعطي لكل واحد قيمته الوالدين اكيد عزاز مانفرطوش فيهم و الزوجة ثاني عندها مكانتها و الرسول عليه الصلاة والسلام يقول خيركم خيركم لاهله ..

لكن الي نشوفو في مجتمعنا العكس يا اما الراجل ينساق وراء زوجته و يقطع اهله و اما يتعمى و يتبع اهله و يظلم تلك الزوجة في باطل نسى ان الظلم ظلمات يوم القيامة وان هده المراة امانة في رقيته .. الرجال ما يعرفوش يمسكو العصا من الوسط الا القليل القليل لانهم ترباو على الفشوش و عدم تحمل المسؤولية... مارانيش نعمم نعاود نكرر مازال كاين رجال لكنهم قلال

ماكنش الي كرم المراة كيما الاسلام ربي سبحانه عطالها حق يكون عندها بيت مستقل تكون فيه حرة ومستقرة المهم ان المراة تكون مليحة وخلوقة مع اهل زوجها و ماتقاطعهومش ويكون الاحترام من الطرفين .. وخاصة بوجود المشاكل ما فيش افضل منالخروج بدارك وحدك من جهة الزوجين يعيشو حياتهم كيما حبو ويحافظو على خصوصياتهم و من جهة اخرى تفاديا للمشاكل مع العائلة ..
لكل مشكل حل علاش يخرب الواحد بيتو ..

لصاحبة المشكل اصبري واحتسبي ربي يفرج عليك ان شاء الله