من منكن يعرف قآطو كآبريس Kapriz؟

nadjet boumaraf · 2013-07-20, 21:31

السلام عليكم وصح فطـــــوركم لبنآت كي رآكم دايريــــن لبآس
شكــــون فيكم تعرف تخدم قآطو كابريز تفيدني بيه وجزاكم الله خــــيرآآ

rafik-12 · 2013-07-20, 21:44

نتمنى يساعدوك الاخوات

zineb_saib · 2013-07-21, 10:28

ذوبي الكاببريس مع مغرف زبدة و قطرات حليب ومن بعد زيديلها كوكاو محمص ومرحي وباط بيمو مرحي ودخليها للثلاجة ترتاح ومن بعد كوريها وغطيها بالشوكولا

تغرينية · 2013-07-21, 11:25

الله غالب مانعرفش

rymdu25 · 2013-07-23, 22:03

صح فطوركم كامل
المقادير:
كيس كابريس
3 ملاعق كبيرة حليب
2 ملاعق كبيرة زبدة
2 ملاعق كبيرة عسل
كاوكاو مرحي أو أي نوع من المكسرات
التحضير:
تذوبي الكابريس في حمام مريم و تغطيها +الحليب + الزبدة + العسل وتشيحي بالكاوكاو
تقرصيها في سينية ( موضوع فيها بابي ألمنيوم باه متلصقش) و تحطي فوقها الشيكولاطة الذائبة و تزينيها بنصف حبة جوز و إلا بالطريقة لي تحبيها و خليها تبرد و مبعد قصيها و حطيها في ليكيسات

fari gimo · 2013-07-23, 22:55

السلام عليكم و صح فطوركم هادي وصفة هزيتها من كتاب و للامانة ما بدلت فيها والو
300غ لوز محمص بالقشور و مرحي خشين 250غ جوز محمص بالقشور و مرحي خشين
2ملعقتان كبيرتان حليب سائل 500غ كابريس 50غ زبدة
للتزيين 500غ شوكولا بيضاء 100غ شوكولا سوداء
التحضير
ذوبي الكابريس على نار هادئة ثم اضيفي الزبدة و المكسرات و الحليب و خلطي مليح
فرغي الخليط في صينية مدهونة بالزيت و سوي السطح
ذوبي الشوكولا البيضاء و فرغيها فوق الحلوى
زينيها بخطوط من الشوكولا السوداء مثل الميلفاي
خليها تجف ثم قطعيها بالشكل اللي تحبي

عواصف · 2013-07-23, 23:13

السلام عليكم اخواتي هذي الوصفة جربتها و جات هايلة :
المقادير:
30حبة كابريس
1علبة شامية صغيرة
علبة غير ربع قاطو طوم مرحية
كاس كاوكاو محمص و مرحي
من4الى6ملاعق كبار عسل
3ملاعق زبدة
و للتزيين شوكولامذابة+قليل من الحليب+قطعة زبدة و جوز (حسب الرغبة)
التحضير:
ذوبي الكابريس في حمام مائي، و أضيفي اليها باقي المكونات و هي ساخنة و ابداي بالمكونات السائلة اولا يعني الزبدة و العسل و كملي الباقي، و كونيها حرابيش ثم قطعيها مربعات صغيرة ،اغطسيها في الشوكولا المذابة وزينيها بحبة جوز في الوسط و شهية طيبة

nassima_ouarda · 2013-07-24, 01:13

السلام عليكم اختي انا نخدمو ا نحط كيلو كاوكاو مقلي ومرحي نزيد نذوب الكابريس في حمام مريم نخلط معها الكاوكاو من بعد نحطهم في بلاطوا ونعدلو من بعد نذوب شوكولا قلاسي نحطها من فوقو من بعد كي تشيح نقسموا مربعات او معينات او ....وربي يعاونك

Hala VanderWotson · 2013-07-24, 02:19

انا نحب الكابريز بزاف ونشاله نجرب وحدة من هاد الوصفات الرائعة

ام رزان · 2014-07-26, 19:24

بارك الله فيكم

wafaa22 · 2014-10-09, 23:14

merciiiiiiii