خبز الدار هشوش ومايديرش الحريق في المعدة

نورانيات · 2011-12-22, 19:33

لسلام عليكم، عندي ليكم وصفة تاع خبز الدار والله يجي خفيف وبنين وفوق هذا مايديرش الحريق في المعدة راني دايما نفوخ بيه قدام عجوزتي اللي كل ما تأكلوا تولي تشكر فيا وتمدح . المهم ما نطولش عليكم هاكم المقادير والطريقة معا:
لزوج خبزات خذي 3 كيلات سميد+ كيلة فرينة* أنا نكيل بالباطة تاع لابال 500غ* زيدي 2 بياض بيض + مغرفة قهوة محسن الخبز+ 2 مغارف كبار ممروطين خميرة الخباز+ 3مغارف كبار لحظة+ 1/2 كاس زيت + ملح+ سينوج وبلي بالماء الدافئ مع العجن الجيد ثم خلي العجينة ترتاح مدة 20د.
عاودي اعجني الخبز مع ماء الزهر و تبليله بالماء الدافئ حتى يولي طري ويلصق في اليد، ديري كرتين كبار، و زيدي خليه يرتاح مرة أخرى مدة 20د. ثم اطرحيه في بلاطو مدهون بالزيت وادهني من فوق بخليط صفار البيضتين مع قليل من القهوة ودردري الجلجلانية من فوق وخليه يطلع 15د ثم ادخليه الفرن الساخن باش يطيب من تحت ويحمار من فوق..
جربوه وردولي الخبر.

اميره 2008 · 2011-12-22, 19:37

merciiiiiiiiiiiiiiiiiiiiiiiiiiiiiiiiiiiiii

mimicha1977 · 2011-12-22, 19:40

يعطيك الصحة

الصوامعية · 2011-12-22, 21:09

يبان شباب راني حاسة الذوق نتاعو كي البريوش مشكورة

جسور المحبة · 2011-12-22, 21:27

شكرا جزيلا لك راح نجربو ان شاء الله

نورانيات · 2011-12-23, 10:49

شكرا للجميع على المرور الطيب، صدقوني رايحين تحبوه وتديروه كل مرة، أنتظر نتائج تجربتكم...

remadna · 2011-12-23, 11:25

لحد الان لم اجرب وصفة ميميشة و اصفت انت وصفتك
راح نجربهم في 2 بإذن الله
نجرب وصفتك بدون محسن الخبز سمعت بلي مضر بالصحة ، ندير الخميرة العادية فقط

نورانيات · 2011-12-23, 12:28

اختي رمضانة تقدري تديري الخميرة فقط بصح مايجيكش طالع وخفيف كيما تحطي محسن الخبز.
ملاحظة هامة: عندما نقول خبزتين معناه تحطوا كل واحدة في صنيوة دائرية متوسطة لكن اذا حبيتي يجيك عالي وتدري زوج خبزات في البلاطو تاع الكوشة*اللي قل على بلاطو 1/2 خبزة* هنا تتغير الوصفة نوعا ما كالآتي:
6كيلات سميد+ كيلة ونصف فرينة+زيدي 2 بياض بيض + مغرفة قهوة محسن الخبز+ 3 مغارف كبار ممروطين خميرة الخباز+ 4مغارف كبار لحظة+ 1/2 كاس زيت + ملح+ سينوج وبلي بالماء الدافئ مع العجن الجيد ثم خلي العجينة ترتاح مدة 20د
وكملي بنفس الطريقة أنا مجربة الحالتين وفي كل مرة يجي خبز الدار هايل.

*أم كوثر* · 2011-12-23, 12:41

امممممممممممممممم هايل و يشهي بارك الله فيك
سر خبزي هو نخليه يختمر مليح وكي نعجنو ندير ماء وماء زهر و نطريه ختى يولي كيما عجينة المسمن
اضافة فقط
تقبلي مروري

نورانيات · 2011-12-23, 13:22

حتى أنا أختي أم كوثر نعجنوا مليح مع اضافة ماء الزهر وما دافئ حى يشبه نوعا ما عجينة المسمنات .

remadna · 2011-12-23, 13:52

اقتباس:

المشاركة الأصلية كتبت بواسطة نورانيات

اختي رمضانة تقدري تديري الخميرة فقط بصح مايجيكش طالع وخفيف كيما تحطي محسن الخبز.
ملاحظة هامة: عندما نقول خبزتين معناه تحطوا كل واحدة في صنيوة دائرية متوسطة لكن اذا حبيتي يجيك عالي وتدري زوج خبزات في البلاطو تاع الكوشة*اللي قل على بلاطو 1/2 خبزة* هنا تتغير الوصفة نوعا ما كالآتي:
6كيلات سميد+ كيلة ونصف فرينة+زيدي 2 بياض بيض + مغرفة قهوة محسن الخبز+ 3 مغارف كبار ممروطين خميرة الخباز+ 4مغارف كبار لحظة+ 1/2 كاس زيت + ملح+ سينوج وبلي بالماء الدافئ مع العجن الجيد ثم خلي العجينة ترتاح مدة 20د
وكملي بنفس الطريقة أنا مجربة الحالتين وفي كل مرة يجي خبز الدار هايل.

يعطيك الصحة و بارك الله فيك على النصائح
عندما نجربو راح اقل لك

جيجلية · 2011-12-23, 13:53

شكرا على الوصفة الرائعة

chikh12 · 2011-12-23, 17:00

بارك الله فيكي أختي لكن عندي سؤال حليب لحضة ليكيد ولا بودرة و واش قصدتي بمحسن الخبز رجااءا

نورانيات · 2011-12-24, 11:55

حليب لحظة نقصد بيه حليب غبرة، ما محسن الخبز فهو يشبه الى حد ما بيكاربونات الصوديوم راكي تلقايه عند اللي يبيعو المواد الغذائية وقادرة تستغناي عليه بصح نفضل نضيفوا باش يجي الخبز طالع مليح . بالتوفيق

ام محمد78 · 2011-12-24, 12:21

يــ ع ـطيكـ الــ ع ـآآفيهـ