طريقتي في تحضير الكورني بالكاوكاو

[ام حمزة22]

السلام عليكم ورحمة الله تعالى وبركاته
اليوم حبيت نقدملكم هاد الطريقة لتحضير الكورني بالكاوكاو
كاين كثير من انواع الكورني بختلاف الشكل والحشو ا
وهاد الطريقة ملي تعلمتها ما بدلتهاش لانها بنينة بزاف وجي دوب فالفم
نبداو باسم الله المقادير : 3كيلات فايطين فرينة + كيلا يدام ( سمن + زبدة + زيت) + لافاني
للحشو : 3كيلات كوكاو محمص ومرحي + كيلة سكر + قرفة + لافاني + وماء الزهر
نخلط السمن مع الفرينة نبسسهم مليح مليح ثم نطم العجينة بماء زهر نحطها في ساشي ترتاح على الاقل ساعة
كي ترتاح العجينة نحلعا بللعود ونقطع مربعات نطوي المربع بالشكل لي راكم تشوفو فيه ونضغط مليح على الفتخة نتاع الكورني باه ما ينحلش كي يكون يطيب
من بعد نعمر الكورني بالكاوكاو ونضغط مليح باه يدخل في قاع الكورني من بعد ننقش الكورني و نغطس المقدمة ديالو ببياض البيض ثم نغطسو في الججلان ونحطو في سنية وندخلو للفرن يطيب
في الاول نشعل الكوشة من نحت من بعد نشعللها يكمل طيابو من الفوق
كي يطيب نعسلو وندردر عليه الجلجلان
ملاحضة : باه ما ينحلكش الكورني وهو يطيب بعد ما تخدميه خليه يرتاح على الاقل ساعة
نخليكم مع الصور وان شاء الله الشرح يكون مفهوم