متمسكون ببعضهم رغم تفكير المجتمع المعاق

*سندوسة* · 2014-09-25, 09:05

اهلا بكل متتبعي مواضيعي اليوم جبتلكم موضوع شوية حساس

رجل تزوج بفتاة ولم يشأ الله ان يرزقهم الاطفال

وبالرغم من ذلك هم راضين بقدر الله ومشيئته ومتمسكين ببعضهم البعض لانه ببساطة متفاهمين ومتحابين

المهم هذا امر الله

والمشكلة هو تفكير المجتمع المعاق وخاصة اهل الزوج

يعني مادخل الاهل اذا كانو الزوجين راضين عن حالهم ومتمسكين عن بعضهم البعض

ولماذا تلح ام الزوج على بالزواج ابنها بالثانية او حتى الثالثة والرابعة ولو كانت هي في مكان هذه الزوجة هل ترضى بذلك على حالها ؟

ولو ابنها هو الذي يعاني من " العقم " هل ستقول لزوجته طلقيه وتزوجي غيره لكي ترزقين بأطفال؟

هداهم الله تفكيرهم هو العقيم ومعاق

رأيكم ومناقشتكم في الموضوع تسعدني

فمرحبا بكم

oum imane83 · 2014-09-25, 12:57

ياسمين هنا حطيتي يدك على الجرح ....
تزوجت عندي قريب 4 سنين ومازال ماكتبليش ربي الدرية.. انا وراجلي راضين بمكتوبنا و الحمد الله على كل شيء لكن هدا مايعنيش اني مرانيش حاسة بالنقص ..

هاد الموضوع شاغل تفكيري ومقلقني .. خايفة اني نقعد طول حياتي بلا دراري وانا ملي كنت صغيرة وانا نحلم اني نكون ام نموت على دراري .. و متمنية نفرح راجلي وتملا علينا الدار ....

انا كان عندي ارتفاع طفيف في هرمون الحليب وهبط مع الدواء ونتائج تحليل الدم و الايكوغرافي و راديو المبيضين خرجو لي ملاح و مافيش مشاكل تمنع الحمل .. بالنسبة لراجلي في بعض الاحيان يخرجلو ملاح و احيان اخرى تكون سلبية هو الان راه مقتنع بلي المشكل فيه ويقولي لي ماكان لاه تجري مع الاطبة والادوية لانه خايف الدواء تزيد تضرني .............

على كل حال حتى ولو كان المشكل فيه هو مستحيل نخليه لان حبي ليه اكبر بكثير رغم راني متمنية و نحترق شوقا نكون ام بصح منه هو ماشي من غيره ......

ما يقدرش الواحد ينسى هاد النقص لان المجتمع و المحيط مايخليوناش ديما نفس الاسئلة الي تتكرر وين نروح ويحاولو يفهمو شكون السبة حتى وين اصبحت نكره نروح وين كاين التجمعات كما الاعراس و غيرها لاني علابالي بلي رايحين يفتحو جرحي ..
انا الي يسقسيني نقولو حمد الله رنا في زوج ملاح وماعندناش اي مشكل هدا مكتوب ربي ..

انا من جهة نحمد ربي لاني مانيش عاقرة لان عقلية مجتمعنا ما ترحمش .واكيد محيط الزوج يعملو باش باثرو علىه و يعاود الزواج .........
ربي يكون في العون و يفرج علينا كامل ويرزق كل محروم ان شاء الله

*سندوسة* · 2014-09-25, 17:57

اقتباس:

المشاركة الأصلية كتبت بواسطة oum mane83

ياسمين هنا حطيتي يدك على الجرح ....
تزوجت عندي قريب 4 سنين ومازال ماكتبليش ربي الدرية.. انا وراجلي راضين بمكتوبنا و الحمد الله على كل شيء لكن هدا مايعنيش اني مرانيش حاسة بالنقص ..

هاد الموضوع شاغل تفكيري ومقلقني .. خايفة اني نقعد طول حياتي بلا دراري وانا ملي كنت صغيرة وانا نحلم اني نكون ام نموت على دراري .. و متمنية نفرح راجلي وتملا علينا الدار ....

انا كان عندي ارتفاع طفيف في هرمون الحليب وهبط مع الدواء ونتائج تحليل الدم و الايكوغرافي و راديو المبيضين خرجو لي ملاح و مافيش مشاكل تمنع الحمل .. بالنسبة لراجلي في بعض الاحيان يخرجلو ملاح و احيان اخرى تكون سلبية هو الان راه مقتنع بلي المشكل فيه ويقولي لي ماكان لاه تجري مع الاطبة والادوية لانه خايف الدواء تزيد تضرني .............

على كل حال حتى ولو كان المشكل فيه هو مستحيل نخليه لان حبي ليه اكبر بكثير رغم راني متمنية و نحترق شوقا نكون ام بصح منه هو ماشي من غيره ......

ما يقدرش الواحد ينسى هاد النقص لان المجتمع و المحيط مايخليوناش ديما نفس الاسئلة الي تتكرر وين نروح ويحاولو يفهمو شكون السبة حتى وين اصبحت نكره نروح وين كاين التجمعات كما الاعراس و غيرها لاني علابالي بلي رايحين يفتحو جرحي ..
انا الي يسقسيني نقولو حمد الله رنا في زوج ملاح وماعندناش اي مشكل هدا مكتوب ربي ..

انا من جهة نحمد ربي لاني مانيش عاقرة لان عقلية مجتمعنا ما ترحمش .واكيد محيط الزوج يعملو باش باثرو علىه و يعاود الزواج .........
ربي يكون في العون و يفرج علينا كامل ويرزق كل محروم ان شاء الله

سامحيني حبيبتي

بصح لازم نفتحو مثل هذه المواضيع باش نغيرو المفاهيم العقيمة لدى البعض

وربي يفرحك ويفرج عليك ويرزقك الذرية الصالحة عاجلا غير آجلا

ولد حمد الباتني · 2014-09-25, 19:18

يعطيك الصحة على الموضوع الباهي
زكرياء عليه السلام ودعا ربي يرزقو الذرية
صعيبة بزااااف الإنسان يتزوج ومايعطيهش ربي الذرية والحل ربما في يديه ويصبر
راهي صعيبة بزاف
انا مانلومش الأم ألي تقول لولدها زيد أتزوج تجيب لولاد، مادام ماقاتلوش طلقها وطيشها، الإنسان الي عندو لولاد ويعاود يتزوج عادي فمابالك يعاود يتزوج لأجل لولاد
سبحان الله راهو نسل وفرع وريحة نتاع الراجل مايش أمر ساهل
أظن حتى الزوجة كي راجلها يصبر مثلا 5 سنين ولا اكثر ويكون المرض منها ويزيد يتزوج ومايطلقهاش وماينساهاش وعادي جدا اظن تتقبل بالفكرة
واذا كان مريض نعرف واحد قال لمرتو هاهي لحكاية هاهي لحكاية تحبي نطلقك ماكانش مشكل

المهم انا لا الوم الي يعاود يزوج على جال لولاد ومانلومش مو

*سندوسة* · 2014-09-25, 19:25

اقتباس:

المشاركة الأصلية كتبت بواسطة ولد حمد الباتني

يعطيك الصحة على الموضوع الباهي
زكرياء عليه السلام ودعا ربي يرزقو الذرية
صعيبة بزااااف الإنسان يتزوج ومايعطيهش ربي الذرية والحل ربما في يديه ويصبر
راهي صعيبة بزاف
انا مانلومش الأم ألي تقول لولدها زيد أتزوج تجيب لولاد، مادام ماقاتلوش طلقها وطيشها، الإنسان الي عندو لولاد ويعاود يتزوج عادي فمابالك يعاود يتزوج لأجل لولاد
سبحان الله راهو نسل وفرع وريحة نتاع الراجل مايش أمر ساهل
أظن حتى الزوجة كي راجلها يصبر مثلا 5 سنين ولا اكثر ويكون المرض منها ويزيد يتزوج ومايطلقهاش وماينساهاش وعادي جدا اظن تتقبل بالفكرة
واذا كان مريض نعرف واحد قال لمرتو هاهي لحكاية هاهي لحكاية تحبي نطلقك ماكانش مشكل

المهم انا لا الوم الي يعاود يزوج على جال لولاد ومانلومش مو

والله يا اخي الموضوع حساس بزاف وخاصة لي يحبو بعضاهم بزااااف

انا والله كي نسمع ولا نقرا مواضيع هكا والله قلبي يتقطع وتتحجر الدموع في عينيا وما بالك المعنيين بالامر

علاه الزوج يكون اناني كي زوجته هي لي تكون عقيمة هو يعاود الزواج

وعلاه هي تصبر معاه كي يكون هو " العقيم "

واسفة على هذه الالفاظ

ولكن هذا هو الواقع

المهم ربي يجيب لخير

وكل شيء بقدر الله ومشيئته

موفق اخي

اسعدني مرورك

ولد حمد الباتني · 2014-09-25, 19:35

اقتباس:

المشاركة الأصلية كتبت بواسطة yasmin2013

والله يا اخي الموضوع حساس بزاف وخاصة لي يحبو بعضاهم بزااااف

انا والله كي نسمع ولا نقرا مواضيع هكا والله قلبي يتقطع وتتحجر الدموع في عينيا وما بالك المعنيين بالامر

علاه الزوج يكون اناني كي زوجته هي لي تكون عقيمة هو يعاود الزواج

وعلاه هي تصبر معاه كي يكون هو " العقيم "

واسفة على هذه الالفاظ

ولكن هذا هو الواقع

المهم ربي يجيب لخير

وكل شيء بقدر الله ومشيئته

موفق اخي

اسعدني مرورك

راكي قلتي صعيبة حتى الواحد مايخليش نسلو صعيبة بزاف
اظن الزوجة تصبر لنها تعرف بلي المطلقة صعيبة تتزوج
وكاين رجال يصبرو عادي

*سندوسة* · 2014-09-25, 19:50

اقتباس:

المشاركة الأصلية كتبت بواسطة ولد حمد الباتني

راكي قلتي صعيبة حتى الواحد مايخليش نسلو صعيبة بزاف
اظن الزوجة تصبر لنها تعرف بلي المطلقة صعيبة تتزوج
وكاين رجال يصبرو عادي

شكرا لمناقشتك في الموضوع

وربي يجازيك بكل خير

loufa · 2014-09-26, 06:57

السلام عليكم
هذا هو مجتمعنا لازم يدخلو بين زوج متفاهمين وحتى هو يكون مقتنع يعاودو يقنعوه بانه مخطىء
اسال الله ان يرزق كل محروم
شكرا

*سندوسة* · 2014-09-27, 09:28

اقتباس:

المشاركة الأصلية كتبت بواسطة loufa

السلام عليكم
هذا هو مجتمعنا لازم يدخلو بين زوج متفاهمين وحتى هو يكون مقتنع يعاودو يقنعوه بانه مخطىء
اسال الله ان يرزق كل محروم
شكرا

وعليكم السلام ورحمة الله وبركاته

اللهم امين

والعفو اختي

نتمنى ان تتغير المفاهيم العقيمة لمجتمعنا ونتخلص من ما هو سيء

maram.espoir · 2014-09-27, 11:36

المشكل اختي هو اننا في مجتمع شرقي متزمت عندما تكون المرأة عقيم يقال للزوج طلقها و تزوج اصغر منها و البعض الاخر -لي فيهم الخير- يقول له لا تطلقها وتزوج باخرى لتنجب لك، أما اذا كان العكس و كان العيب في الرجل و نجد الزوجة محبة له راضية بالأمر و بما قسمه الله يقال لك : بقيت معه لانها امرأة و تعلم انها اذا طلقت لن تتزوج (على راي احد المعقبين) للأسف، رغم ان المكتوب بيد الله وحده.
إذا لم تحمل ماراها في الخير و اذا حملت ماراها في الخير ، اذا جابت البنت أه جابتله بنت و اذا جابت الولد راهي حاسبه روحها ، اذا جابت طفلين و توقفت راهي تحبس في النسل و اذا جابت 4 أه راهي عندها كازيرنة و غيرها و غيرها....... انا رأيي انه اذا كان الزوجان متفاهمان و راضيان بالامر فليطنشوا العرب لأن ارضاء الناس غاية لا تدرك

*سندوسة* · 2014-09-27, 13:14

اقتباس:

المشاركة الأصلية كتبت بواسطة maram.espoir

المشكل اختي هو اننا في مجتمع شرقي متزمت عندما تكون المرأة عقيم يقال للزوج طلقها و تزوج اصغر منها و البعض الاخر -لي فيهم الخير- يقول له لا تطلقها وتزوج باخرى لتنجب لك، أما اذا كان العكس و كان العيب في الرجل و نجد الزوجة محبة له راضية بالأمر و بما قسمه الله يقال لك : بقيت معه لانها امرأة و تعلم انها اذا طلقت لن تتزوج (على راي احد المعقبين) للأسف، رغم ان المكتوب بيد الله وحده.
إذا لم تحمل ماراها في الخير و اذا حملت ماراها في الخير ، اذا جابت البنت أه جابتله بنت و اذا جابت الولد راهي حاسبه روحها ، اذا جابت طفلين و توقفت راهي تحبس في النسل و اذا جابت 4 أه راهي عندها كازيرنة و غيرها و غيرها....... انا رأيي انه اذا كان الزوجان متفاهمان و راضيان بالامر فليطنشوا العرب لأن ارضاء الناس غاية لا تدرك

اكيد ارضاء الناس غاية لاتدرك

ولكن التدخل يؤثر خصوصا من المقربين

شكرا لك اختي

*سندوسة* · 2014-09-27, 13:16

اقتباس:

المشاركة الأصلية كتبت بواسطة nafoussa27

مجتمــع لا يرحم للأسف
كــل ما يهمهم هو ايجــاد مواضيع ينكدون بها على الأخرين

افراد المجتمع هم من لا يرحمون

شكرا لك اختي

وربي يجيب لخير

ويبقى الأمل · 2014-09-27, 14:07

أهل الزوج يلحون ويزينون لابنهم موضوع الزواج بالثانية من أجل الانجاب بحجة أن هذا ابنهم ومن حقهم التدخل في حياته الشخصية وهدفهم اسعاده ،و إن حب الأم لابنها يجعلها في كثير من الأحيان تفعل أي شيئ تراه هي مناسبا حتى دون أن تأخذ بمشورته أو موقفه ظنا منها أنها الأدرى بمصلحته .وتذهب حينها الزوجة المسكينة ضحية لآراء الحماة التي تستفزها ولتلميحاتها التي تقهرها ، ويدخل الزوجين في دوامة من المد والجزر كان الله في عونهما . لكن الأم - بأنانيتها أحيانا - تنس أن ما كتبه الله هو ما سيكون .
ربي يرزق كل محروم ويشفي كل مريض.
بارك الله فيك أختي على الموضوع الوارد بكثرة .

*سندوسة* · 2014-09-27, 14:10

اقتباس:

المشاركة الأصلية كتبت بواسطة ويبقى الأمل

أهل الزوج يلحون ويزينون لابنهم موضوع الزواج بالثانية من أجل الانجاب بحجة أن هذا ابنهم ومن حقهم التدخل في حياته الشخصية وهدفهم اسعاده ،و إن حب الأم لابنها يجعلها في كثير من الأحيان تفعل أي شيئ تراه هي مناسبا حتى دون أن تأخذ بمشورته أو موقفه ظنا منها أنها الأدرى بمصلحته .وتذهب حينها الزوجة المسكينة ضحية لآراء الحماة التي تستفزها ولتلميحاتها التي تقهرها ، ويدخل الزوجين في دوامة من المد والجزر كان الله في عونهما . لكن الأم - بأنانيتها أحيانا - تنس أن ما كتبه الله هو ما سيكون .
ربي يرزق كل محروم ويشفي كل مريض.
بارك الله فيك أختي على الموضوع الوارد بكثرة .

اللهم امين

وفيك بارك الرحمن اختي

الله يجيب لخير وربي يصلح امورنا

فجرالحرية · 2014-09-27, 14:22

والله الموقف صعب بصح لازم يكون حل وسط يرضيها وترضيه

أسأل الله تعالى أن يرزقهم الذرية الصالحة