حلوة الزواقة من بلعباس

[ام عبد الله 22]

السلام عليكم

بمناسبة الدخول المدرسي جات في خاطري حلوة زمان الي هي حلوة اللمبوط وحنا في بلعباس نقولولها الزواقة وخاصة لقهوة العشية.

المقاديرو الكيفية

4 بيضات نخلطوهم مليح بالباتور مع 3/4 كأس سكر + فاني
نضيف كأس زيت بشوية و نخلط +مبشور حبتين قارص
نضيف كأس نشا + 1 و 1/2 كيس خميرة كميائية
نضيف 4 معالق كبار كوكاو محمص ومرحي متوسط أو خشين و 2 معالق كبار جلجلان محمص
نضيف الفرينة حسب التعكار لازم العجينة تكون تلصق في اليدين.
ثم نحطها في لبوش ادوي poche à douille و نشكل أشكال مختلفة لكن أنا فضلت شكل الوالدة إلي هو "و"
و تزينيها من الفوق بالمعجون او المربى و الأفضل يكون تاع البرتقال و دخليها للفرن المسخن من قبل على درجة حرارة 160
أعتدر قبل ما دخليها للفرن خليها ترتاح في الصينية حوالي ساعة باش ما تفقدتش شكلها.
بالصحة و العافية.

]
fup.com/l1PXOT.
[IMG][/IMG]