مشكلتي

[مشكلتي]

أنا فتاة عمري 25 سنة ، متخرجة من الجامعة ، اعمل حاليا عند الخواص

قصتي هي كالتالي:
تقدم لخطبتي شاب يخدم عسكري
ساكن مع والديه و5 أخوات و3 أخوة
اشترط عليا التخلي عن العمل والسكن مع عائلته
قبلت بيه ورضيت أن يكون زوجي
تمت الفاتحة وكل شيئ على ما يرام
بعد اسبوع من التعارف اكتشفت انه لا يليق بي صراحة
تاع نساء، لا يصلي ، ومشكاك بزااااف ، وما يعرف للمرأة قدر، بالنسبة ليه المرأة هي ألة تنفذ الأوامر فقط
ماعندها رغبات ، ما يحوس يعرف واش تحب أو تكره
أتذكر انو كان مهري 12 مليون وخاتم خطبة
بعد الفاتحة باسبوع قالي 12 مليون هاديك أكثر من حقك نورمالمون 10 ملاين وبزااف عليك
علما أنو المهر عندنا في الولاية أكثر من 15 مليون + الخاتم وووووو
قالي بالحرف الواحد بعد يومين من الفاتحة
لوكان تغبنيلي أمي نغبنك طول حياتك ، بصراحة خلعني بهاد الهدرة
مرة قالي وهو يبكي انا والله ما نستاهلك اجبدي روحك مني خير ليك
قالها وهو يبكي.........لم افهم المعنى حينها
وصل لدجة انو سب أهلي ، وعايرني بالمعقدة ( لأنني لم أعرف قبله رجلا) ولأنني بنظره لا أحسن الحديث مع الرجال وليس لي خبرة في هذا المجال
المهم قعدت معاه 8 أشهر وانا مخطوبة نسمع غير في الإهانات وقاعدة نصبر في روحي ونقول هادا واش كتبلي ربي
حتى جاء نهار وين أنا عيطت لأمو وقلتلها خلاص المكتوب بيني وبين وليدك هنا ويكمل
ماقدرتش عليه
وبالفعل تم فسخ الخطبة وبموافقة واقتناع أهلي
بعد شهر من الفسخ
يبعثلي مساج ويقولي مازالك في القلب وأمك عمري ما نسمحلها
( هو يعتقد أن أمي هي سبب الفسخ)
تخيلو جاء للدار وقالها بنتك تروح وترجع
يعني حتى ولو تزوجت سوف تتطلق
جاء باش يشتكي ويقولها بنتك ماراهيش تحب تهدر معايا ، راهي تغلق التليفون تاعها
الصراحة وليت نكره كي نشوف رقمو ، وليت نكره باش نهدر معاه
لأني دوما نسمع مالا يرضيني

الأأن تقدم لي شاب يخدم عسكر ي كذلك
عندو سكنو الخاص
اختو قالتلي انو يقدر المرأة بزاااف
وقالتلي عااقل بزاقف وحشام كيما نقولو

لكن لا يريدني ان أعمل نهائيا
كي قلت لماما عليه
حسيتها ما حبتش
أنا صليت استخارة في الأاول اللي فسخت خطبتي منه
وصليت كذلك في ألاخير هذا
وما نيش عارفة واش ندير
حاليا عندهم 4 اشهر وهم ينتظرون الإجابة مني
قولولي واش ندير
امي ما راهيش حابة نتزوج عسكري
لأنها اعتبرت من الأول
وخايفة يكونو العسكر كامل كيف كيف
ارجوكن انصحوني راه العمر يمشي بيا وما نيش عارفة واش ندير ؟؟؟؟

[nawel zed]

اختي اولا مش محتم العسكر كل زي بعضاهم ممكن يقولوا راهم معقدين يحبوا يتحكموا بحكم خدمتهم فيها سلطة اوامر لكن صدقيني على حسب الشخص و شخصيتو الاول مادام تفسخت الخطبة و انتي مقتنعة ما يليقش بيك ماكنتيش مرتاحة مزقي صفحتوا و قولي الحمد الله اما الثاني الا كنتي مرتاحة صلي صلاة الاستخارة مرة اخرى و شوفي نفسيتك مرتاحة لا امك حاولي تعطيها تفسير من كل النواحي و اللي فيها الخير و الصلاح ربي يسهلك فيها ادعي لربي يسهلك و ينورلك الطريق الصحيحة

[مراد سابقا6]

أنا يا اختي

نعطيك نصيحة من عندي

وانا كنت في الجيش ونعرفهم جماعة الجيش كيفاش يخمموا

والله تلقاي 1 % لي نورمال منهيه أوكل أرماض نفسية جسدية أغلبهم يقيمون علاقات غرامية الملاهي شوب الدخان المخدرات

حذار ثم حذار

أخطيكم منهم وزيد حتى ولو كان وليد فاميليا ماكيش راح تلقاي راحتك هوما كل ثلاث سنوات في جهة

وأحيانا السكن الوظيفي ميعيطوهمش

أنت تتمرمدي انت وألاودك وزيد البعد ماهوش زواج خلاص

أنا نصيحتي ليكي بعد ما شفت يعنيي أخيط

سلام

[امينة 1991]

السلام عليكم ورحمة الله تعالى وبركاته
اختي الفاضلة "اصابع يديكي ليس كلهم مثل بعضهم البعض" ماشي كامل الرجال كيف كيف ماتخليش حبة طماطم خامجة تخسر كامل الطماطم الي في الكاجو اتمنى ان تكوني قد فهمتي قصدي وانصحك بصلاة الاستخارة صليها عدة مرات حتى يتضح لك الامر الصائب ولا تنسي ان الخيرة فيما اختاره الله لنا عليكي بالصبر والصلاة والدعاء ايضا و الاستغفار ثم الاستغفار ثم الاستغفار اكثري منه لانه من اعظم الاسباب التي تفرج الهم والغم والكرب , استعيني بالله واؤكد لكي انه لن يخيبكي ولن يضيعكي وسيرزقك الزوج الصالح الذي تستحقينه بالفعل لانكي كما قلتي لم تخالطي شباب من قبل فأكيد ستتزوجين شخصا لم يخالط النساء من قبل "الطيبون للطيبات و الخبيثون للخبيثات" وفقك الله لما يحبه ويرضاه .

[salem1985]

السلام اختي انا اقول لك صراحة لم ارتاح لعمل العسكري اديت الخدمة الوطنية وعرفت ان العسكلاي لا هناء في حياته ولا حرية المهم الى تزوجتي عسكري عرفي بالي انت تكوني الزوج والزوجة ربي يصبرك اختي ويوفقك

[ennie]

السلام عليكم
يا اختي أنا نقولك كما قالت لك امينة 1991 ماشي الرجال كامل كيف كيف و الله عيب كبير نقولو ان العسكر أغلبهم.....عفوا لا تسمح لي وطنيتي بالكلام عنهم فهم حماة الجزائر الا يستحق الرجل الدي في الجيش امراة تقف الى جانبه تخفف عنه متاعبه... حقا اختاه أتمنى أن لا تفكري في هدا الرجل من منطلق أنه عسكري اسألي عن دينه هل يصلي... كيف يريد ان تكون مواصفاة زوجته (لا اقصد الشكل مع انه كل الرحال تتمنى امراة جميلة ) اسأليه جيدا في الرؤية الشرعية و لا يغرنك أمر أنه يخجل فلا خجل في الزواح بالعكس تعلمي من قصتك الاولى و خدي منها العبر ثم ما عليك الا التوكل على الله و صل صلاة الاستخارة و ان شاء الله الي فيه الخير يجيبو ربي
فيما يخص الأم لازم تشوفو لانه قلب الام خبيرها
ربي يسهلك اختي

[anissa90]

اختي العسكري كلهم معقدين لان عندهم شكون ليتحكم و يفرض عليهم انفدوا الاوامر برك ميقدروش يقولوا لا لا بهذاك الضغط اخرجوا زعافهم في المراة لانها ضعيفة في احساسها هما ميقدروش اجوبوا سيادهم اذا المراة هي لتخلس

[malikdz01]

نصيحة اخطيك من العسكر والله ما يصلحو مستهترين ومعقدين من المدنيين

[knives66]

المهم خليك منوا خيروا في غيروا

هذا إنسان مريض

[hamza18]

اختي الرجال ماشي كاع يشبهوا مدام يحترم المراة

[om mohamed 1960]

عيب نقولو على ابناءنا ميصلحوش لوكان ما العسكر مراناش فى الامان لى يدو فنار مش كى ليدو فالماء.حتى المدنيين اغلبم ميصلحوش كل يوم فى المحاكم.العسكرى يقدر المراة ويعطيلها حقوقها لانو عاش فى ميدان الحقوق والواجبات و الانضباط جابو دكاترا و اطارات.الرجل الواقف خير من الرجل لى يخدم وهو راقد .المهم صلى الاستخارة الخير فيمااختار الله ربى يوفقك .

[fella111]

المشاركة الأصلية كتبت بواسطة مشكلتي

أنا فتاة عمري 25 سنة ، متخرجة من الجامعة ، اعمل حاليا عند الخواص

قصتي هي كالتالي:
تقدم لخطبتي شاب يخدم عسكري
ساكن مع والديه و5 أخوات و3 أخوة
اشترط عليا التخلي عن العمل والسكن مع عائلته
قبلت بيه ورضيت أن يكون زوجي
تمت الفاتحة وكل شيئ على ما يرام
بعد اسبوع من التعارف اكتشفت انه لا يليق بي صراحة
تاع نساء، لا يصلي ، ومشكاك بزااااف ، وما يعرف للمرأة قدر، بالنسبة ليه المرأة هي ألة تنفذ الأوامر فقط
ماعندها رغبات ، ما يحوس يعرف واش تحب أو تكره
أتذكر انو كان مهري 12 مليون وخاتم خطبة
بعد الفاتحة باسبوع قالي 12 مليون هاديك أكثر من حقك نورمالمون 10 ملاين وبزااف عليك
علما أنو المهر عندنا في الولاية أكثر من 15 مليون + الخاتم وووووو
قالي بالحرف الواحد بعد يومين من الفاتحة
لوكان تغبنيلي أمي نغبنك طول حياتك ، بصراحة خلعني بهاد الهدرة
مرة قالي وهو يبكي انا والله ما نستاهلك اجبدي روحك مني خير ليك
قالها وهو يبكي.........لم افهم المعنى حينها
وصل لدجة انو سب أهلي ، وعايرني بالمعقدة ( لأنني لم أعرف قبله رجلا) ولأنني بنظره لا أحسن الحديث مع الرجال وليس لي خبرة في هذا المجال
المهم قعدت معاه 8 أشهر وانا مخطوبة نسمع غير في الإهانات وقاعدة نصبر في روحي ونقول هادا واش كتبلي ربي
حتى جاء نهار وين أنا عيطت لأمو وقلتلها خلاص المكتوب بيني وبين وليدك هنا ويكمل
ماقدرتش عليه
وبالفعل تم فسخ الخطبة وبموافقة واقتناع أهلي
بعد شهر من الفسخ
يبعثلي مساج ويقولي مازالك في القلب وأمك عمري ما نسمحلها
( هو يعتقد أن أمي هي سبب الفسخ)
تخيلو جاء للدار وقالها بنتك تروح وترجع
يعني حتى ولو تزوجت سوف تتطلق
جاء باش يشتكي ويقولها بنتك ماراهيش تحب تهدر معايا ، راهي تغلق التليفون تاعها
الصراحة وليت نكره كي نشوف رقمو ، وليت نكره باش نهدر معاه
لأني دوما نسمع مالا يرضيني

الأأن تقدم لي شاب يخدم عسكر ي كذلك
عندو سكنو الخاص
اختو قالتلي انو يقدر المرأة بزاااف
وقالتلي عااقل بزاقف وحشام كيما نقولو

لكن لا يريدني ان أعمل نهائيا
كي قلت لماما عليه
حسيتها ما حبتش
أنا صليت استخارة في الأاول اللي فسخت خطبتي منه
وصليت كذلك في ألاخير هذا
وما نيش عارفة واش ندير
حاليا عندهم 4 اشهر وهم ينتظرون الإجابة مني
قولولي واش ندير
امي ما راهيش حابة نتزوج عسكري
لأنها اعتبرت من الأول
وخايفة يكونو العسكر كامل كيف كيف
ارجوكن انصحوني راه العمر يمشي بيا وما نيش عارفة واش ندير ؟؟؟؟

اجلسي طول عمرك دون زواج ............و لا تقبلي عسكري ..........هذا كل ما يمكن ان اقوله لك ..............

[naamane3]

اصابع اليد الواحدة تختلف عن بعضها
مادام يحشم ويقدرك زيدي سقسي على دينو وتوكلي على الله
اكثري من الاستغفار
والله المستعان

[سلمى انا]

قريت كل ردود الاعضاء
وكلهم حولو مشكلتك لمشكلة ( العسكري والمدني )

وكان 200 الف جندي جزائري كلهم مايصلحوش ويتعاطاو المخدرات ويزنيو ومش من بنو البشر

وكان المحامي والقاضي والطبيب والصيدلي والمهندس والاطار ورئيس البلدية والاستاد والمدير
والتاجر هوما لي يصلحوووو !!!!!!!!!!!

يعني عمرنا ما سمعنا عن اطار نهب وسرق وزور
وعمرنا ما سمعنا عن استاد او مدير يتحرش بتلامدته
وعمرنا ما سمعنا عن رئيس مصلحة يتحرش بالعاملات ويدخل لبنات يخدمو بدون ( مقابل )
وعمرنا ماسمعنا عن طبيب يتاجر بالمرضى
وعمرنا ماسمعنا عن صيدلي يبيع المخدرات واقراص المجانين للشباب بمبالغ خيالية وهي ماتسواش 20 الف للعلبة
وعمرنا ماسمعنا عن تاجر يخدع ويغش في الميزان او في بضاعته
ووو
و
و
و

الانسان هو الانسان فيه الصالح وفيه الطالح
والرجل والمراة كلاهما مثل بعض فيهم الصالحون وفيهم الطالحون

نصيحتي ليك حاولي تتعرفي بهدا الشاب لي حاب يخطبك وماتسمعيش لكلام اختو لما تشكر فيه
انت لي لازم تعرفيه

[nibrasse 76]

العسكري يعتقد انه صاحب فضل على المدنيين رجال ونساء لانهم كيما قالولهم وعلموهم ...هوما لي يحمونا ورافعين السماء لا تطيح علينا ....هذا مع الغرباء ..تصوروا مع الزوجة تاعه كيفاه ..اكيد هو ربها الاعلى ....