مقروط بشكل رائع وجديد متاكدة رح يعجبكم

[oum nada]

اليوم اخواتي جبتلكم مقروط بشكل جديد وتحفة لقيت هذي الوصفة لواحد الاخت ربي يحفظها

قولت ننقلها ومنبخلكمش بيها

المقادير وطريقة التحضير

3 عبارات سميد عمور متوسط او moula + عبر سمن +كاس اتاي زيت قرصة ملح
فانيلا (نقصي من عبر تاع سمن كأس تاع أتاي أو ديري كأس تع زيت
خليه يبأت و غدو من داك رشيه عبر ماء و ماء زهر

واطبعيه بالمول تاعو وطيبيه في الكوشة كيولي لونه ذهبي

خرجيه وعسليه في السنيوة تاعو وخليه يبات في العسل

الحشو :
كيما تحبي كاوكاو او لوز
زبدة + قرفة + فانيلا خلطي مليح من أحسن الحشو تاني يبات .

طريقة شربات :
كيلو سكر في 1 لتر ماء خليه يطيب مليح مشي عاقد بزاف كي يطيب خلطي 1 كيلو عسيلة معه أو عسلي به مقروط

ارجو التقيييييم

[سميحة 01]

اختي الصورة ما كانش

[ام سهام 02]

بارك الله فيك

[tong2]

مممم روعــــــة

شكرا على الوصفة الله يعطيـك الصــحة حــــبيـبة

[x ام رحاب x]

يعطيك الف صحة هايل تسلمي حبيبتي

[oum nada]

المشاركة الأصلية كتبت بواسطة سميحة 01

اختي الصورة ما كانش

كاين الصور اختي

[أم أسرار]

بسم. الله الرحمان الرحيم

واوما شاء الله.يعطيك. الصحة أختي جا يهبل

[ليلى اماني]

بارك الله فيك

[nawwel7]

شكرا.......... يعطيك الصحة مودال رائع و جديد ممكن تقوليلي أختي منين شريتي المول و كم السعر ديالو من فضلكي ؟

[amira43100]

الله يبارك يبان هايل تعطيك الصحة بصح حبيت نسقسيك لازم نعسولوه في السنيوة ؟ ما يفسدش! المقروظ عادة نعسلوه قبل التقديم

[أم ياسين الزهراء]

بارك الله فيك

[أم شروفة]

روووووعة شكرا

[madie]

[دعاء القلوب]

يعطيك الصحة هايل

[iaman.fr]

بارك الله فيك