فقط للاساتذة المتمكنين

[OM AYA]

السلام عليكم


الرجاء عدم الانزعاج من العنوان لاني فعلا بحاجة للمساعدة من معلمين ذوي خبرة وقادرين انهم يساعدوني

ابني يدرس بالسنة الثالثة مشكلته الخط الرديئ بل جد جد رديئ بكل المقاييس لا يراعي المسافات كتابات عشوائية. لا علاقة له بالتنظيم تغير اللون لكتابة الارقام او للتسطير كلمات جد كبيرة حروف متباعدة. خط مائل او بالاحرى يفرق. بين الكلمات واحدة بالشمال والتانية باالجنوب
تعبت رغم انو الحفظ ما شاء الله الحساب ممتاز الرسم مبدع وينقل باتقان لكن الخط فيها اشكال كبير حتى مسكة القلم عنده بها اشكال فهو لايمسك القلم كما يجب
للعلم يضع نظارات طبية لكن لا اعتقد انها مشكل لانها من المفروض حلت الاشكال



سؤالي او طلبي هو الرجاء اللي عندو استراتيجية معينة او خطة استعجالية ياتيني بيها راني مقنوطة وزيد حتى كي تكلمت العام الليفات مع المعلمة قاتلي عادي بلعقل يتحسن لكن ما التمستش التحسن واحيانا العكس والظاهر حتى زملاءه عندهم نفس المشكل هذا طمني نوعا ما لكن انصدمت لما شفت خط نتاعهم واللي مش عاجب امهاتهم بصراحة احسن الف مرة من خط ابني

كذلك عندو مشكل من حيث التنظيم و المحافظة والنظافة نتاع ادواتو قمة الاهمال واللامبالاة
وهو العكس النقيض نتاع اختو الكبرى

ياااريت تنصحوني وتوجهوني وش ندير علابالي الحل في يدي فقط اما المعلمة اكيد مش راح تخدم خدمتي لازم انا اللي نعاونو واصلا كون ما نتبعوش ما يقراش لازم انا نفكروا في كل شيئ طبعا الا التلفاز ما ينساهش ويحب يخرج رغم اني الحمد الله حددت وقت اللعب ساعة فقط قبل المغرب يوميا برا وكون نفتحلوا العين يزيد اكتر
الكمبيوتر من المحرمات
لكن التلفاز ما قدرتش نشد سمانة ويغلبني بسماطة يعني ممكن يقعد 10 سوايع بلا كلل ويعاود البرامج بلا ما يمل

سامحوني كثرت الظاهر المشكل اكثر من مجرد خط كارثي