ما هي احوال الدراسة عندكم

~~سفيتا~~ · 2014-09-20, 18:28

السلام عليكم و رحمة الله تعالى و بركلته بدانا الدروس و بدات بنشاطي المعتمد في القسم لهذا ان هدفي الوحيد هو اثبات وجودي في القسم و هذا بالمشاركة و التفاعل مع الاستاذ و لا اهمل التركيز و الانتباه و اقول ان درس الدعامة تشريحية درس سهل جدا لان العديد من الاعضاء متخوفون منه

اما الاحوال الدراسية جميلة و رائعة جدا بثانويتنا بمدينة مستغانم

آلمتميزة سـآره · 2014-09-20, 18:49

آلسسَلـآم عليككم
آمممم
رآئـــــــــعع بـآلتوفييق لكي
حنـآ في ثـآنويتنـآ في تلمسسـآن بديـنتـآ آلدروس
و كـآلعـآده آحضضر و آشـآركك
و لحد آلـآن كلل الدرووس مفهومهه ..يعني كل الدروسس فهمتها من علوم و مات و فيزيك
آن ششـآء الله نبقى دآيمـآ كومـآ هـآكـآ
آدعوولنـآ معـآككم بركك

آختككم سسـآرَه

بـآلتوفبـــقق ^^

الفتاة كوزيت · 2014-09-20, 19:14

السّلام عليكم
عالعادة مثلكم ، هناك تفاعل و فهم
لحدّ الآن الدّروس سهلة و مفهومة و خصوصا الهندسة المدنيّة و الفيزياء أمّا الرّياضيّات لم نبدأ بعد نقوم فقط نقوم بالمراجعة
لكن أنا متشوقة جدّا للبدأ ...
و بالتّوفيق لكم جميعا
و عليكم السّلام .

hi ba · 2014-09-20, 19:19

السلام عليكم
بالتوفيق لك
فالبنسبة لي
اانا من الجزائر جيت سكنت فيها جديدة العام لي فات قريت في وهران كنت نفهم مليييح
مي كي جيت هنا للجزائر طريقة التدريس بالنسبة للاساتذة طريقة تدريسهم مختلفة تمام عن الغرب حنا في وهران الاساتذة كانو يفهمونا وي يعاودونا حتى 10 مرااات و ميقولونا والو
وكي منفهموش (بالنسبة للعلوم ) يترجمون لنا على شكل رسم او مخطط
مي هنا في الجزائر كامل ميكسروش ريصانهم
تاع العلوم تقرانا غير واش راهو مكتوب في الكتاب و كي نقولولها مفهمناش تقولنا مندلش غير نعاود في الشرح
و تحليل الوثائق متعطيناش كامل فرصة باش نديرولها التحليل تقرانا هذيك الفقرة لي تكون حذا الويقة و تملي عليينا التحليل ديالها
الى حد الان ماني فاهما والوووو في العلوم
و الرياضيات نفس الشيئ تدخل للقسم تكتبنا النشاط تخلينا 5 دقائق نحلوه و تنوض واحد يحل و حنا قاعدين نستناو في الحل حتا تصوني تقولنا فهمتو و تخرج
كل يوم نبدا نبكي من كترة لي ماني فاهمة واااااااالو
كي كنت في وهران كنت نجيب المعدل 14 15 و درك ربي يستر

{ٲُمّنيَــ㋡ ـــــةٌ} · 2014-09-20, 19:26

ههههه لم نبدا في الدراسة لحد الان ماشفنا لا بروف ولا كلاسة من خلاف المواد الاساسية
ربي معاك اختي هبة خاولي تتاقلمي وتراجعي وحدك واذا اضطر الامر ديري ليكور وماتخليش روحكك

الفتاة كوزيت · 2014-09-20, 19:30

أختي هبه و أنا مثلك لكن علينا أن نبذل جهدنا
و أنا كذلك لدينا أستاذة فيزياء تملي علينا الدّرس بكلّ حذافره و لا تشرح لنا
لكن علينا أن نبذل جهدنا و نبحث و الله معنا
و بالتّوفيق لك و للجمبع و لي يا ربّ .

marambest · 2014-09-21, 16:05

حنا رانا ماشين فوووور اجواء دراسة ومشاركة وتنافس
اساتدة لي حكموني مشاء الله روووووعة ماعدا استاد الشريعة مايفهمناش خلالالالاص بصح ماهيش مادة اساسية
اما لكلاصة همومي اكل منها حنا ليسينا كبير لاكن مافهتش علاه ماداروش كلايص يكفيو التلاميد كل يوم ندخلو للقسم بعد تاخر ب15 د واش بقا لازم نضربو تحويسة على الليسي كل باش نلقاو كلاصة انا هدا هوا مشكلي الوحيييد
والدروس الحمد لله فاهمة كلش نشاء الله نكملو كيما هاك

amina nina tin,a · 2014-09-21, 16:11

حنا لحالة راهي مقلبة على راسها سكرونا المدرسة و تلفونا و معدناش اساتذة الناظر و المراقب و مخلوناش و قالونا ممكن شهر متقراوش
ربي يستر سنى

hi ba · 2014-09-21, 18:14

rabi m3ana w khlaaas