التسجيلات ستبدأ مع بداية الاسبوع القادم بتاريخ 07-09-2014

تاقي بقة · 2014-09-01, 15:29

هـــــــــــام
التسجيلات ستبدأ مع بداية الاسبوع القادم بتاريخ 07-09-2014
وهذا يعود لخلل في الموقع الخاص بالديوان

شكرا لتفهمكم
حظ موفق للجميع

الصفحة الرسمية للموقع onefd
الصفحة الرسمية لــ ********

الرابط الاصلي للموضوع taki pc

hamza touazi · 2014-09-01, 19:40

ربي يوفقكم كاامل وان شاء الله تكملو قرايتكم كما كملت انا بالمراسلة ودوك اني فالجامعة بالتوفيق خاوتي

رباب08 · 2014-09-02, 10:31

اقتباس:

المشاركة الأصلية كتبت بواسطة hamza touazi

ربي يوفقكم كاامل وان شاء الله تكملو قرايتكم كما كملت انا بالمراسلة ودوك اني فالجامعة بالتوفيق خاوتي

مرحبا خويا حمزة أولا ربي يوفقك وعقبال للماجستير و الدكتورا ثانيا حبيت نسئلك الباك شحال عقبته من مرة بالمراسلة باش نجحت و كيفاش دايرة قراية المراسلة يقولو فالباك مينجحوش فيها بزاف و العلم لله

issam illi · 2014-09-03, 18:50

انا حايب نسجل مى معلابليش كيفاه

amine60 · 2014-09-06, 02:48

اقتباس:

المشاركة الأصلية كتبت بواسطة hamza touazi

ربي يوفقكم كاامل وان شاء الله تكملو قرايتكم كما كملت انا بالمراسلة ودوك اني فالجامعة بالتوفيق خاوتي

بصحتك خويا حمزة والله غير فرحتلك بصحتك الباك ونشالله ماكثر ... أنا سجلت معاك في 2013 و لكن ماجبتوش لا لعام لي فات لا هاذ العام جبت النيفو برك

hamza touazi · 2014-09-06, 09:18

اقتباس:

مرحبا خويا حمزة أولا ربي يوفقك وعقبال للماجستير و الدكتورا ثانيا حبيت نسئلك الباك شحال عقبته من مرة بالمراسلة باش نجحت و كيفاش دايرة قراية المراسلة يقولو فالباك مينجحوش فيها بزاف و العلم لله

اهلا باختي الغالية بارك الله فيك والعاقبة ليكم والباك امتحنت العام لفات جبت 9.90 مكتبليش ربي وهاد العام التاني ليا جبتو 12.19 والله يااخي اخي كنت ندير ليكوغ ليل ونهار مع انو نخدم من الفجر للمغرب كنت نوظ على ربعة تاع صباح نروح للجامع بعيد عليا نقرا انا وصحبي الامام ويجو ناس مساكن يعاونونا كل واحد فمادة وسوفرينا صح وتان على سبعة كنت نروح نخدم ومكان بعيد والحمد لله وكنت ندير ليكوغ بالجمعة لانو هداك نهار برك قاعد عبالك ليكوغ لازم باسكو تدي المنهجية وبزاف عفايس منعرفوهمش لانو حنا نقراو وحدنا لقيت نساء وعجايز كبار قراو معانا والله والحمد لله اغلبيتهم جابوه ناس فالخمسينات والستينات كانت عندنا قوة ارادة الله يبارك وعاونونا اساتدة تاع المدرسة الخصوصية بكل شيئ والحمد لله كي قالولي جبتو والله ماامنت قلت راهم يكدبو دخلت للسيت واحد الالف مرة باش نصدق واخي مديرش على هدرة ناس نتا اقرا وزير واعرف واش راك تقرا عندي بزاف نصائح لحبيت نكتبهملك كما فالتاريخ والجغرافيا احفظ من كتاب محمودي عادل كاين واحد للدروس وواحد للشخصيات وتواريخ والله ملخص وجبت15 فالتاريخ وجغرافيا بفظلو والخرائط والدزل البياني لازم تفهمو بليكوغ ولا كاش تلاميد تاع ليسي يفهموك وبزاف صوالح راني هنا ادا كاش محبيت خويا وربي يوفقكم ان شاء الله تجيبوه واحسن مني

hamza touazi · 2014-09-06, 09:25

اقتباس:

بصحتك خويا حمزة والله غير فرحتلك بصحتك الباك ونشالله ماكثر ... أنا سجلت معاك في 2013 و لكن ماجبتوش لا لعام لي فات لا هاذ العام جبت النيفو برك

امين الله يسللمك خويا لعزيز ان شاء الله هاد العام تجيبو وبمعدل كبير والله دوك مالا تهنيت من المراسلة تولي تسجل حر برك فلاكاديمي ان شاء الله نفرحو ببيك وعلابالي راح تنجح بادن الله راك تعرف نقاط الظعف تاعك الان وربي يوفقك خويا الغالي ابدا من الان رتب وقتك ومتقولش منقدرش باسكو تقدر والله هاد العام واحد الطفلة هادي المرة الثامنة باش جابتو وقاتلي نورمال وكان مجبتوش نزيد نعاودو حتى نجيبو وواحد السيدة تان بالاولاد ومشاكل وتسكن بعيدة وجات تان وجابتو متقدرش تتصور كاين ناس والله راهم يجاهدو فسبيل بناء مستقبلهم خلي ارادتك قوية

bouni_ahmed · 2014-09-07, 16:26

شكرا و بارك الله فييك

رباب08 · 2014-09-07, 23:07

اقتباس:

المشاركة الأصلية كتبت بواسطة hamza touazi

اهلا باختي الغالية بارك الله فيك والعاقبة ليكم والباك امتحنت العام لفات جبت 9.90 مكتبليش ربي وهاد العام التاني ليا جبتو 12.19 والله يااخي اخي كنت ندير ليكوغ ليل ونهار مع انو نخدم من الفجر للمغرب كنت نوظ على ربعة تاع صباح نروح للجامع بعيد عليا نقرا انا وصحبي الامام ويجو ناس مساكن يعاونونا كل واحد فمادة وسوفرينا صح وتان على سبعة كنت نروح نخدم ومكان بعيد والحمد لله وكنت ندير ليكوغ بالجمعة لانو هداك نهار برك قاعد عبالك ليكوغ لازم باسكو تدي المنهجية وبزاف عفايس منعرفوهمش لانو حنا نقراو وحدنا لقيت نساء وعجايز كبار قراو معانا والله والحمد لله اغلبيتهم جابوه ناس فالخمسينات والستينات كانت عندنا قوة ارادة الله يبارك وعاونونا اساتدة تاع المدرسة الخصوصية بكل شيئ والحمد لله كي قالولي جبتو والله ماامنت قلت راهم يكدبو دخلت للسيت واحد الالف مرة باش نصدق واخي مديرش على هدرة ناس نتا اقرا وزير واعرف واش راك تقرا عندي بزاف نصائح لحبيت نكتبهملك كما فالتاريخ والجغرافيا احفظ من كتاب محمودي عادل كاين واحد للدروس وواحد للشخصيات وتواريخ والله ملخص وجبت15 فالتاريخ وجغرافيا بفظلو والخرائط والدزل البياني لازم تفهمو بليكوغ ولا كاش تلاميد تاع ليسي يفهموك وبزاف صوالح راني هنا ادا كاش محبيت خويا وربي يوفقكم ان شاء الله تجيبوه واحسن مني

قاع هذ لغبييييييينة

رباب08 · 2014-09-07, 23:09

واش هو الملف المطلوب لتسجيل للبكالوريا

amine60 · 2014-09-08, 05:21

اقتباس:

المشاركة الأصلية كتبت بواسطة hamza touazi

امين الله يسللمك خويا لعزيز ان شاء الله هاد العام تجيبو وبمعدل كبير والله دوك مالا تهنيت من المراسلة تولي تسجل حر برك فلاكاديمي ان شاء الله نفرحو ببيك وعلابالي راح تنجح بادن الله راك تعرف نقاط الظعف تاعك الان وربي يوفقك خويا الغالي ابدا من الان رتب وقتك ومتقولش منقدرش باسكو تقدر والله هاد العام واحد الطفلة هادي المرة الثامنة باش جابتو وقاتلي نورمال وكان مجبتوش نزيد نعاودو حتى نجيبو وواحد السيدة تان بالاولاد ومشاكل وتسكن بعيدة وجات تان وجابتو متقدرش تتصور كاين ناس والله راهم يجاهدو فسبيل بناء مستقبلهم خلي ارادتك قوية

ربي يحفظك خويا حمزة والله غير تستاهل كل خير ونشالله عقبال الدكتوراه ... أنا هاذ العام راني ناوي نسجل ufc برك خطراش سمعت بلي الوزيرة جديدة نحات العتبة و زادت نحات موضوعين يعني تدخل للباك عندك غير موضوع واحد مكانش الاختيار و مصايب أخرى محبيتش نكسر راسي بيها كي سقسيت على ufc قالولي ساهل و نجوزوه في يومين برك مافيهش بزاف المواد مي راني حاب نسقسيك أنا في هاذو العامين حوست وين ندير درووس خصوصية و الله تكسروا رجليا و مالقيتش تقدر تقولي وين كنت تدير ولا اعطيلي العنوان تع هاذ المدرسة أنا من الدار البيضاء

hamza touazi · 2014-09-08, 08:49

اقتباس:

ربي يحفظك خويا حمزة والله غير تستاهل كل خير ونشالله عقبال الدكتوراه ... أنا هاذ العام راني ناوي نسجل ufc برك خطراش سمعت بلي الوزيرة جديدة نحات العتبة و زادت نحات موضوعين يعني تدخل للباك عندك غير موضوع واحد مكانش الاختيار و مصايب أخرى محبيتش نكسر راسي بيها كي سقسيت على ufc قالولي ساهل و نجوزوه في يومين برك مافيهش بزاف المواد مي راني حاب نسقسيك أنا في هاذو العامين حوست وين ندير درووس خصوصية و الله تكسروا رجليا و مالقيتش تقدر تقولي وين كنت تدير ولا اعطيلي العنوان تع هاذ المدرسة أنا من الدار البيضاء

السلام عليكم خويا امين انا من براقي ودار البيظاء راها قدامي نجوز عليها يوميا بوسك طريق خدمتي وزيد خو اقرا وزير روحك متقولش منقدرش وهادو غير هداري واشاعات كيما كل عام بلاك يسهلوها راك تعرف يهدرو مي مينفدوش كي العادة نتا زير عالباك وليافسي تان زيادة مي الباك هو الصح ياخو ونومارمون عندكم وين ديرو ليكوغ فدار البيظاء انا فبراقي كاين ليكول كما الجامع الكبير فلاري قوللهم ليكول مدام كسال ولا حبيت ابعتلي في الفايسبوك نحكو بيان اكتب اسمي نخرجلك ونفهمك راني داير صورة حديدوان بالتوفيق

hamza touazi · 2014-09-08, 08:54

اقتباس:

قاع هذ لغبييييييينة

ادا كان عندك هدف لازم تتعبي باش تحقيه الارادة هي الصح ونورمال العام يجوز يجري

hamza touazi · 2014-09-08, 08:56

اقتباس:

قاع هذ لغبييييييينة

ادا كان عندك هدف لازم تتعبي باش تحقيه الارادة هي الصح ونورمال العام يجوز يجري

اسم مرا · 2014-09-08, 09:11

انا باغي ندير مترشح حرة
دوسي نتاع المراسلة هو نفسه ولا غيره
اذا مكانوش كيفكيف عونوني
ارجو الرد بسرعة