السلام عليكم حبيباتي
اليوم جبتلكم لحم ساهل ماهل و يطيب في 45 دقيقة و مايديش الوقت في التحضير خلاص
تحكمي قطع اللحم تاعك أنا استعملت لحم خروف تبليه بالملح و الفلفل الأسود و تحطيه في كوكوط ما تزيديلو والوا و تقفلي عليه و تحطي الصفارة و حطيه على نار قليلة (الكانون الصغير و لا المتوسط و نقصيلو النار)
بعد 45 دقيقة الى ساعة حلي الكوكوط تاعك تلقاي لحم طايب زبدة و محمر تقدري تقدميه مع فريت و لا روز ولا بطاطا فور
و الله ما كانش أسهل منو حتى الذوق روعة و يصلح للضياف و يحمر الوجه
ملاحظة : لازم النار تكون ناقصة و قليلة باش ما يلصقش و يطيب على مهلوا
كل من عجبها موضوعي تدعيلي ربي يرزقني الذرية الصالحة
( تقرير عن مشاركة سيئة )، و الموجودة أسفل كل مشاركة .
2013-04-18, 17:18
لحم محمر في 45 دقيقة
العرض الشجري