كوفي كوجا في شباك الشعر الشعبي

ali herzallah · 2010-01-30, 20:16

فَبْرَكْتُوهَا يَا اصْغَارْ الْمَعْمُــــــــــــو رَة
..............وْ حَبَّكْتُوهَا بَايْنَة خُطَّة لَنْــــــــــــــــذَالْ
شَوَّهْتُوا تَحْكِيمْ وَ امْعَاهْ الــــــــــــدَّورَة
...............انْغُولاَ تَبْقَى الذِكْرَى لَلْأَجْــــــــــــــــيَالْ
وَرَّيْتُونَا الضَاهْرَة وَ الْمَسْتُــــــــــور َة
..............خَبَايَاكُمْ بَايْنَة وَ اللَعبْ اعْيَـــــــــــــــــالْ
مَسْرَحِيَة خَايْبَة مَاهِي كُــــــــــــــــو رَة
...............وْ يَاكْ الْبَغْلَة مَا تْشَبّهْ لَلْغَــــــــــــــــزَالْ
مَنْ مَزْبَلتْ افْرِيقْيَا جَبْتُو عُــــــــــــــــرَّة
...............بَجْنَيهَاتْ ارْخَاسْ مَشَّيتُو لَحْــــــــــوَالْ
ذَا تَحْكِيمْ افْرِيقْيَا زَادْ اللَّـــــــــــــــــــــورَة
...............يَتْسَاوَمْ فِي السُوقْ مَنْ عَندْ الْبَقّـــــــــَالْ
هَذَا سُوقْ الْكَافْ يَبْقَى مَعْيـُـــــــــــــــورَة
................وَ اللِّي قَصْدُوا طَاحْ مَنْ عَقْلِي وَ الْبَـــالْ
كُوفِي كُوجَا كَانْ سَلْعَة مَحْضُــــــــــــورَة
................حَبْ امْهَلْوَسْ كَانْ تَشْرِي جِيبْ الْمَـــالْ
امْرَيقَلْ مَحْطُوطْ مَنْ وَذْنُو يَقْـــــــــــــــــرَة
................وَ الرُوبُو مَعْرُوفْ مَا لَيهْ التَحْـــــــــلاَلْ
عَى الْخَصْم يْكُونْ نَاضَرْ في الشُـــــورَة
..............وِيطَبَّقْ اكْلاَمْهُمْ فَعلْ وْ افْعَـــــــــــــــالْ
مُومِيَة وَ امْحَنْطَة لَبْسَتْ سُتْــــــــــــــــــرَة
...............وْ سَحرْ الْخُفُو يَاكْ مَنْ بَكْري فَعَّــــالْ
الْعَينِينْ اثْنَينْ وَحْدَة قَي عَـــــــــــــــــــــــورَة
...............مَا تُنْظُر في جِيهتْ الْخَضْرَا مُحَـــــالْ
وِيذَا نَظْرَتْ مَا اتْسُرْ الْمَنْظُـــــــــــــــــورَة
...............جَيبْ الحَاكَمْ فِيهْ مَرضْ اللي عُضَـــالْ
بِطَاقَاتْ امْلَونَة تَلْمَعْ صَــــــــــــــــــــفْرَا
...............بَعدْ الْحَمْرَا مَا بْقَى غَيرْ التَرْحَــــــــــالْ
ثلاَثَة مَطْرُودِينْ طَيَبْهَا صُفـْــــــــــــرَة
...............وَ اعْطَاهَا لَخْصُومْنَا زَادَتْ تَهْـــــــلاَلْ
مَا نْقُولَشْ مَبْرُوكْ وَ اتْجِينِي عُبْـــــــرَة
...............وْ مَا نْقُولَشْ مَبْرُوكْ لَيكُمْ يَا لَطْفَـــــــــالْ
شُفْتْ الْغِيرة كَايْنة عَندْ الضَـــــــــــــــرَّة
...............وْ مَا نَحْسَبْشْ اتْكُونْ صِيفَة للرِجَـــــــالْ
بَعْتُونَا بَرْخِيسْ مَا نْقُولَشْ حُقْـــــــــــــرَة
...............وَ احْنَا مَعْرُوفِينْ مَنْ نَسلْ الابْطَـــــــالْ
جَبلْ اوْرَاسْ وْ جَرْجْرَة لَيْنَا فُخْــــــــــرَة
..............مَا خُنَا تَارِيخْنَا مَنْ عَهدْ انْطَــــــــالْ
هَيُو يَا لَبْطَالْ نُتْرُكْ ذَا الـــــــــــــــزَّورَة
..............وَ نْمَتَّعْ عُرْبانَا في الْمُونْدِيَـــــــــــــــــال ْ
الْكِبِيرْ اكْبِيرْ مَانَا بَالْهَـــــــــــــــــــدْرَة
..............وْ مُدَرَبْنَا شِيخْ بَالْحِنْكَة مَــــــــــــازَالْ
كَانُو ذَالْكَلْمَاتْ فِي قَلْبِي دَحْــــــــــــــــرَة
...............بَعدْ انْخَرْجُو يَا الْخَاوَة دَمْعِي سَـــــــالْ
تَبْقَاو عْلى خَيرْ وَصَلتْ الْفَكْــــــــــــرَة
...............عَبدَالوَحدْ هو الكَاتَبْ ذَالْمَقَـــــــــالْ

الشاعر: علي عبداواحد حرزالله