جاء الخاطب و اخي يرفض

صرخة ألم · 2014-09-11, 07:42

السلام عليكم ... تساؤلاتي كثيرة لكن و الله هي ثقة بارائكم ليس الا
شخص كان يعمل مع اخي من مدة طويلة و مؤحرا تقدم لخطبتي هو ظروفه كلها جيدة لكن
اخي يرفض بشدة - علما ان والدي متوفي -
السبب قال انه يعرف تصرفاته و انو - وجهــو صحيح + سبق و عمل فتنة في العمل بين العمال - و لهذا اخي اخذ منه موقف كشخص
انا نفسيا محطمة و محتاجة بداية جديدة لانو حابة ننسى و نعيش محتاجة فوق ما تتصورو لبداية و حياة جديدة و مارانيش صغيرة نبقى كل مرة نرفض هذا و ذاك راني قريب 34
حكيت مع اخي رفض يناقش حتى الموضوع و قالي هو ما ننصحكش بيه و رفض يحكي تفاصيل

و انا لازمني حياة جديدة لانو حياتي بين ماضي دمرني و حاضر فراغ في فراغ

واش رايكم ؟؟؟؟؟

loufa · 2014-09-11, 08:00

أسأل الله أن يرزقك الزوج الصالح
ربما اخوك يعلم أشياء لا يستطيع أن يقولها لك واكتفى بشرح قليل

مريم الصابرة · 2014-09-11, 08:56

السلام عليكم اختي
اولا ربي يعوض عليك إن شاء الله وخمي إنو خوك خمم لمصلحتك إنت ما تعرفيهش خوك يعرفو مليح وكل اخ يتمنى لختو راجل حقيقي في بالك لو لقاه مليح من كل النواحي كان راح يرفض اكيد لا وماكان ما دخل ظروفو مليحة او لا إنت راحا تعيشي مع عقليتو
ما تقلقيش روحك إن شاء الله فتحت الأبواب ولما جا هذا يجي غيرو الصبر وفقط الزواج مكتوب مازال ربي ما كتبش برك
إن شاء الله يا رب يعوضك ربي باللي أحسن منو

عبد الله 22 · 2014-09-11, 11:42

لا أعتقد ان أخك يرد ان يحرمك من حقك لكن على حسب قولك يعمل معه لمدة طويلة وفي العمل كل الاقنعة تسقط لهذا هو ادر منك به، ونفترض انه غريب فأكيد ان أخك هومن سيسأل عنه في رأيك هل سيوفق على شخص يعرف أن زواجك منه سيدمرك أو سيزيد من تعقيد مشاكلك بالتوفيق لما فيه الخير

ولد حمد الباتني · 2014-09-11, 12:36

رايي أنو ربي يهديك
خوك يعرفو ويخدم معاه وعلابالو بيه وبتصرفاتو ومارضاهولكش ونتي علاه تكسري راسك ؟؟؟
الناس الخاطب راهم يسقسيو عليه البرانية باه يعرفوه، نتي الحمد لله خوك يعرفو شخصيا ويعرفو مليح ..
هل تحتاجي من خوك يقلك راهو يتبع فالنسا ويدير ويدير ؟؟؟ أفهمي روحك وأفهو رواحكم شوي
قالك مانرضاهولكش أكيد خوك يخمم عليك وعلى المصلحة تاعك ويعرف عمرك ...

أنا إنسان كي يكون رخيس ( أكرمكم الله) مانعطيهش بنتي ولا ختي ولو فاق سنها ال40 ....

*نسرين · 2014-09-11, 13:17

راهو خوك يعرفو خير منك ارصاي بالمكتوب

ام مهدي2010 · 2014-09-11, 22:04

ربي يرزقك بولد الحلال اللي يفرحك و يصونك

زرقـآء اليمآمـة · 2014-09-12, 13:04

الراي الي يبكي خير من الراي الي يضحك .............. والله المستعان

sarah mech · 2014-09-12, 13:10

اخختي استخيري الله و ادعي ادا كان رجل صالح ربي يهدي خوك انشاءالله.

rma · 2014-09-12, 15:40

أخت نفس حكايتي من كنت عزباء جا خطبني صديق أخي و رفضه أخي مع أن المنضر تقول غير هو و لا ما نديش
و مرت الأيام و تزوج واحدة من المعارف كاشفها و أمه مررت لها المعيشة صبري شوية حتى يجي مكتوبك

lalib40 · 2014-09-12, 16:12

اياكم والزواج برجل ضعيف الشخصية

شهد حنان · 2014-09-12, 16:43

عاودي اهدري مع خزك اعرفي السبب واجكيلو انك في سن تاع زواج

وادعي ربي اذا كان مليح يكون من مكتوبك وتبداي حياة جديدة

لانو مشكلتو مع العمال ماهيش سبب يرفضو على جالو

@esraa@ · 2014-09-12, 23:28

مادام اخاك رفض بشكل نهائي و لم يرد ان يوضح لك الاسباب و هو يعرف
الشخص الذي تقدم لخطبتك جيدا معناتها تأكدي ان هذا الشخص ربما اخلاقه منحطة
و ربما اخاك كان يرى افعاله و اخلاقه القبيحة طوال الوقت و لهذا لا يريد
ان يصبح لأبناء اخته ابا كهذا
ان تبقى الفتاة عزباء خيرا من ان تتزوج من رجل سكير او رجل ذو اخلاق منحطة
لا تتعجلي ربما الله يخفي لك ما هو افضل

norhane taha · 2014-09-12, 23:47

السلام عليكم ورحمة الله تعالى وبركاته
قصتك تفكري بقصة صرات من قبيلا في حياة ناس قراب مني
إذا بديتي تخمي بلي أنو كبرت ولازم تبداي حياة جديدة باه تقدري تعيشي هادي غير فوتها حياة جديدة أنت تخلقيها لروحك وحدك باش تقدري تتأقلمي مع كل ظروف وهنا تحدد شخصيتك ووقوتك وإصرارك أما إذا بقيتي تتشأمي ورابطة حياتك وسعادتك بهذاك موضوع صدقني راح تتعبي أنا نتمنالك غير الخير لكن إذا ربي شاف خيرة أنو يتأجل واش رايحة ديري تقنطي تكرهي تملي لا خلقي حياة جديدة لنفسك وأرضاي وقولي الخيرة فيما إختاره الله
وصدقني لو كان هذا شخص نصيبك راح تديه والله وهو يرفضو 1000 مرة أما خوك غير سبب ممكن هو يعرفو أحسن منك وخايف عليك والله ياك يقولو راجل يعرف أخر مترميش روحك
ما أصابك ماكان ليخطئك وما أخطئك ما كان ليصيبك
ربي يفتح عليك ويعطيك حياة جديدة لي تتمنايها يارب اصبري راح يجي فرج وعد من ربي سبحانو

salem1985 · 2014-09-12, 23:57

الى من مكتوبك ما يردو لا خوك لا انت