مشكلتي مع ابي

مشكلتي · 2014-09-10, 15:37

السلام عليكم ورحمة الله

انا شاب عمري 24 سنة ادرس وهدا اخر عام لي واصبح مهندس ان شاء الله محافظ على صلواتي والحمد لله
لكن لم افهم طريقة تصرف ابي معي
فهو لا يثق في بتاتا يعاملني كانني طفل عمره 12 سنة
لا انكر فضل ابي علينا فهو يخاف علينا كثيرا ولا يريد لنا الا الخير فقط لكن هدا التعلق الكثير اصبح سلبيا علينا انا واخوتي
يدخل نفسه في امور كثيرة ولاتعنيه ابدا
مثلا عندما ادخل الى المنزل يقول لي مع من كنت وهو يعرف اصدقائي كلهم وعندما اقول له كنت مع صحابي لا يعجبه الحال ويغضب
ويقول لي " صحابي " بطريقة ساخرة و " حتى نتا اصبح عند اصحاب " وكدلك السيارة لا اخدها ابدا مع العلم اني اجيد السياقة بشهادة الجميع
ومند كنت صغيرا كنت اقود في الحي بدون رخصة وعندما اخدت الرخصة انقطعت عن القيادة الا ادا كان هو معي والمشكل اني اقود افضل منه لانه اصبح كبيرا في السن ويتعب
وايضا السيارة مركونة امام البيت وعندما ادهب للتسوق على ان ادهب راجلا واتمشى حوالي 1 كلم وارجع للبيت وانا احمل ما اشتريت .
وهو بتعب نفسه كثيرا فعندما يرجع من العمل ويكون هناك شيء لا يستريح بل يدهب ويوصل امي وينتظرها او يدهب لمسافة تزيد عن 30 كلم ولا يعطيني السيارة لكي اوصلهم مع العلم اني في البيت ولا يكون لدي شيئ
او يكون هناك عرس فينهض عند 2 صباحا ويدهب لكي يحضر العائلة وانا واخي مازلنا لم ننم يعنني هو بنوض من الرقاد ويروح يجيبهم عند 1 ولا 2 نتاع صباح وانا وخويا مازلنا سهرانين وزيد يبكر الصباح عند 8
رانا في 2014 ووسائل الراحة متوفرة لكن لايردنا ان نعيش في رفاهية
(ما نعرف عليه والو يسلف دراهم للناس ما يهدرش,شحال يخلص ما يهدرش .هدا المرة سمعت بلي دخل شركة مع واحد وهو ماهدرش )
رووح ابيي وارواح ابيي واللوطو كاينة
نكون نتفرج يعيطلي عطيني الماء وهو يدير خطوة يوصله
نمشي ندير حاجة كيش تهدر معاه وكيش تدير شغل انا منعرفش
نساعده في امور التجارة
لا اقول له اعطيني المال او شيء هكدا فانا اتدبر اموري وحدي حقوق التسجيل من عندي الادوات المدرسية من عندي الملابس من عندي
+ لا يعجبه شيء الملابس لا تعجبه تشري هاتف غالي علاش وضيع المال تقول هو راه يعطيني الدراهم
الوثائق انا نخرجهانطلع في السخانة ولا الامطار الطرونسبور ما يصلحش . انا نغسل السيارة . انا نقضي للدار
وفي الاخير نتا كسول وفنيان وعمري لا شفت واحد كيفك و فلان شاطر ويدير ... ويدير
راه يقول لي راسي نمشي نخدم وندير الاولية للخدمة ادا استطعت ان اوفق بينهما فتبارك وادا لا نحبس القرايا
ونخدم على راسي وندير دراهمي ونستقل عليهم باش ما يزيدش يعملني كطفل
لقد اختصرت الموضوع كثيرا ولو تكلمت عن كل مايفعله لن انهي كلامي
المهم هو لا يثق في ابدا وحسبه انا لا اعرف شيء ومند كنت صغيرا لا يشتري لنا اشياء بحجة انه يخاف علينا مثل الدراجة ولا يعطينا المال لانه يخاف ان نتعلم التدخين ويسبب لنا الاحراج فمرات عندما اتفق مع اصحابي ان ندهب لمكان ما لا يدعني ادهب
او يحتاجني لكي اساعده في العمل وكي نقوله صايي هدرت معا صحابي وعطيتهم الكلمة يشنف وما يعجبهش الحال + نمشي نعاونه بسيف
والله كرهت واحد عنده 24 وداخل في 25 سنة ناس زوجت وراهم بولادهم وانا مازال عايش شغل عندي 12 سنة

زايدي أمحمد · 2014-09-10, 23:07

ياخويا والله في بعض حوايج نشتركو بصح راه ابي نصبر ونكمل صبري نهار لي اكون مسؤول على روحك راك تحرر تلقائيا نصيحتي خويا اصبر والله راك تلقها في الاخرة اجر عظيم

sarah_2008 · 2014-09-10, 23:41

اخي هدا باباك ولا يريد لك الا الخير ويخاف عليك كثيرا لهدا اصبحت تصرفاته معك هكدا
اما السيارة فكل شخص وتفكيره هناك اشخاص اباؤهم يعطونهم السيارة وهم لا علاقة لهم مع السياقة وهناك البعض من لم يعلم ابنه السياقة حتى

سماح 2 · 2014-09-11, 00:28

عمبالك والله تقوول تحكي ع بابا كيما هكا بعد يدير + حتى مع خويا الكبير مهبلو لازم يكون في الدار ع الساعة الفلانية و كي يجي متوخر يديرلو حالة وتقرير مع من كنت واين ؟ واش دير ؟ وع الطوموبيل كيف كيف المهم قتلك تقول عايش معنا في الدار

المهم انت أصبر عليه وخلاه ,,,,والله الدنيا ما تدريش واش فيها واحد لا دايم غير ربي سبحانه

+ راه خايف عليكمْ مي زاد شوية فيها الله غالب هدا باباك ولازم تحترمو

سلامْْ

loufa · 2014-09-11, 08:18

بقي لك سنه وتتخرج أن شاء الله أصبر وبعدها ابحث عن عمل ولما تلقا عمل روح اتزوج واكري وبالتالي تعيش كما تحب
طبعا مع زيارته وبره ولا داعي أن أذكرك انه يحبك لهذا يفعل لك هذا
وفقك الله

بسمة اكرام · 2014-09-11, 08:34

السلام عليكم
اخي راني قريت رسالتك اكثر من مرة
وحبيت نقولك مهما يكبرو الاولاد يبقاو في اعين والدهم صغار ومايعرفو والو
باباك ماغلط في والو هدي راهي غريزة الابوة فقط
وماعجبتنيش كي قلت نكون نتفرج وينوضني نجيبلو يشرب هو كان يرفدك من الارض ويعنقك ولما يكون في عز النوم ويسمعك تبكي او مريض ينةض يجري يهزك
وهو فرحان ....
ياخويا هدا والدك كي ترفدو فوق ضهرك مايكفيش
انا قريت موضوعك مالقيت حتى مشكل القيت كل تصرف يتصرف فيه والدك
هو نابع من الحب والخوف عليك
ونقولك حاجة راك رايح تفهم هدا التصرف بعد 20 عام ان شاء الله
لما يرزقك الله بالاولاد
وتندم على هدي الشكوة والتذمر بعد ماتفقد والديك
انقولك كلمة اخيرة الله يهديك ويهدي كل الشباب
قول امييييييين

صدفات · 2014-09-11, 09:55

إصبر و حاول تفكر في الشاب لي ما عنده حد يخمم عليه لو سألته يقولك كون غي يرجع بابا .

محمد جديدي التبسي · 2014-09-11, 19:53

الجيل هذا تلزمه هذه العقلية وربما أشد ويا ربي يصلح شوية
أبوك ينظر لحالة المجتمع ويخشى عليك أصدقاء السوء ...الحمد لله أنه يظهر عليك بعض الوعي لكن ربما أنت مخطئ من ناحية اللباس والتصرفات وتتشبه بشباب هذه الأيام
خلاصة الموضوع عليك أن تعزز ثقة والدك فيك من خلال بذل المزيد من الجهد والبر به والصبر عليه فهو لن يعيش أكثر مما عاش وبعد بضعة أعوام سيكون لك بيتك الخاص وستجده المعين الأول لك بعد الله عزوجل ..ربي يصلح حالكم ويوفقكم لما فيه الخير

وحيدة** · 2014-09-11, 20:25

اخي الكريم ..بما أنني أم سهل علي فهمك

لكن مهلا ...لاتسرع فغد ا تفقد اباك فتجزع والعين تدمع ..تقول ليته يعود الى ما كان ..هل تدكر ايام زمان ..؟ اياما كان هناك من يهتم ...

اخي الفاضل فكر ان تجعل من ابيك اول وخير صاحب فله معك ماض لا تتدكره ولك حاضر فلا تضيعه ...يخشى عليك الردى وانت طفل واليوم

وقد بانت شيبته يخشى عليك بازدياد ...قد أبان من حرصه حب لم تراه وفكرت انه بتدخلاته قد ازدراك ...لا والله .
...

هو تعبير عن نيه حسنة وعن طريقته التي شب وشاب عليها فهل نقول لمن شاب تعدل؟ ام نقول للصغير تلطف وتقرب ؟

عدرا فهدا ما افهمه والله ان الامومة والابوة صعب فهمهما لمن كان شابا ..اللهم من يجرب ..لا تقس اباك على اب احد من الناس فلكل ظروف تنشئته بل خد الفرصة وتقرب لله بالصبر على ما تكره من ابيك فهدا جهاد مقدور عليه ...

مرض طفلي في الايام الماضية ففر قلبي وصار خاويا وبت الليل ساهرة واتبعتها اياما مداوية فلو قدر لي ان اعيش سنين العجاف فكيف ارضى ان يشتكي مني ولدي لما يشتد العود ويضعف مني الجسم ويخفت البصر ....

فكر قليلا كلها مشاكل زائلة ....اللهم ارزقه بر والديه وحبهما وحسن صحبتهما ياااارب

salem1985 · 2014-09-11, 23:14

واش نقول ليك خويا الوالدين ما يتعوضوش خدمهم قبل ما تبكي وما تنفعك الندامة ربي يطول عمرهم

يوسف برياني · 2014-09-12, 10:28

وعليكم السلام اخي الفاضل

معم لقد عشت نفس التجربة التي تعيشها الان

ولكن الحمد الله مع الصبر ومضى الايام تحررت من هذه الرقابة

انا نقولك اعمل شيء حاجة تكون مليحة الابيك مثل : اخرج معه ولغة التحاور و( وقظيلو صوالحو ....

حتي يأخذ عليك نظرة مليحة ويعطيك حقوقك

ونزيد ونصيك ماتدير حتى حاجة في بالك
وما عليك الى البصر وربي يفرج

سلواان · 2014-09-12, 12:49

السلام عليكم ...
لاأخفي رأيي بان اباك من النوع الموسوس ..فوق اللازم ..لكني لحظت من خلال كلامك أنك حبا تقوم بربيع أبوي ..يعني ما هوش عاجبك تصرفاتو ؟
طيب هل تستطيع أن تغير من عقليته ؟ لا لا تستطيع ..
الحل موجود..
أنت عايش تحت سقفه وتحت رعايته ..فما عليك الا القبول بهذا الوضع ..راك مليح لقيت بيت وطعام من غير مقابل غيرك يحلم بذلك ..أنت راجل ..يا أخي الحياة امامك وكون نفسك بنفسك ثم تحرر من هذا الوضع ..
باباك كبرك ووصلك أنك صرت راجل ومن في سنك راهم قادرين يتزوجو كيم تقول ويجيبوا اولاد ...طيب بزاف عليك ..ورينا نت ا واش تقدر دير بالإعتماد على نفسك .
هو رعاك لما كنت رضيع ثم طفل في ال10 ثم في 18 الى غاية 24 ومازال تحوس يدللك ؟
أرجو أنك فهمت ما تضمنه كلامي من مفاتيح وتضع يدك عليها..

السي محمد · 2014-09-12, 18:29

الاولوية حاليا هي تكمّل دراستك

sammar · 2014-09-12, 19:18

سازيد عما قاله الاخوة الكرام
لقد ذكرتني بكلام ابي عن جدي حين كان حيا و بكلام اخي الان عن ابي. وهكذا...
الخلاصة ان ابوك رجل بمعنى الكلمة (نتاع زمان) و انت ستكون نتاع زمان في نظر ولدك فاعط لوالدك ما تتمنى ان يعطيه لك ولدك .

pomaria_aindefla · 2014-09-12, 20:26

يوجد بعض الأولياء لديهم حب التسلط