جماعة قصاوني من باكالوريا 2014 بسبب التأخر.ظم في بلادي ؟؟؟

AbdouGentleman · 2014-09-05, 07:41

جماعة قصاوني من باكالوريا 2014 بسبب التأخر.ظم في بلادي ؟؟؟
السلام عليكم أما بعد كيما شفتي العنوان خاوتي أنا سجلت باكالوريا 2014. سهرت عييت بديت نقرا من أوت كنت ندي معدلات لا تقل عن 13 الحمد لله ليس تفاخرا المهم اليوم تالأول جوزتو عادي ووليت فرحان وخدمت مليح ....ولكن اليوم الثاني هو أتعس يوم في حياتي .... ديمياريت مالدار فنفس وقت اليوم الاول وفالطريق ما فهمتش واش صرا تغقت الطريق لانو كان المطر ...كملتهها نمشي وولكن كي لحقت دخلت حاوزووني ماالمركز وتبخرت الاحلام .كل الايام وتلك السهرات جازت قدام عيني فتلك اللحظة ...تأثرت بزاف....اللهم لا ااعتراض لكن الحاجة اللي غاضتني انو حسيت بالظلم وقدمت شكوى ولكن مازال مابان والو ...واش تنصحوني خاوتي راني محطم؟؟؟؟؟

نسمة الذكريات · 2014-09-05, 07:44

مقصي يسمى عام ما تجوزش ولا تعاودو عادي ؟

AbdouGentleman · 2014-09-05, 07:50

اقتباس:

المشاركة الأصلية كتبت بواسطة نسمة الذكريات

مقصي يسمى عام ما تجوزش ولا تعاودو عادي ؟

يعني ما خلاونيش نكم نجوز ختي فهمتيني نقدر نجوز هاد اعام بصح حطموني وبانتلي ظلم

~~يسرى~~ · 2014-09-05, 07:59

و انت ما فوتش اليوم الثالث ؟؟

AbdouGentleman · 2014-09-05, 08:03

اقتباس:

المشاركة الأصلية كتبت بواسطة ~ْ~يسرى~ْ~

و انت ما فوتش اليوم الثالث ؟؟

اختي رحت باش نجوز هاديك العشية قالولي راك مقصى و رانا بعتنا ....الغيابات ... والله غير دمرولي حياتي. قالك القانون تغيب مادة راح الباك ..القانون الا على الزوالي مثلنا حسبي الله ونعم الوكيل

~~يسرى~~ · 2014-09-05, 08:16

راهي مكتوب ربي ~~ انت ما تفقدش الأمل و شوف بالاك تقدر تعاودو السنا ~ و ربي يجيب اللي فيه الخير ~

منير باوة · 2014-09-05, 08:18

حسبي الله ونعم الوكيل
وعسى ان تكرهو شيئا وهو خير لكم

HAMADAT · 2014-09-05, 08:49

" عسى أن تكرهو شيئا وهو خير لكم "
إعلم يقينا أن في الأمر خير ، وستريك الأيام إن شاء الله ذلك .
وتوكل على الله واستعد من جديد .
https://tadrisse.blogspot.com/

miss manar · 2014-09-05, 09:03

لا حول ولا قوة الا بالله

(عسى ان تكرهو شيئا وهو خير لكم وعسى ان تحبو شيئا وهو شر لكم)

miss manar · 2014-09-05, 09:08

لا حول ولا قوة الا بالله

(عسى ان تكرهو شيئا وهو خير لكم وعسى ان تحبو شيئا وهو شر لكم)

Adel23_dz · 2014-09-05, 09:58

ma3lich hbibi rak 3balk algeria al3amika kifeh dolm kbir mais rabi khir kho 2tt khirha fi ghirha nchalh

sara 97 · 2014-09-05, 10:03

اقراا توقيع miss manar هذا هو تعليقي على موضوعك ؟؟

AbdouGentleman · 2014-09-05, 10:06

اقتباس:

المشاركة الأصلية كتبت بواسطة sara 97

اقراا توقيع miss manar هذا هو تعليقي على موضوعك ؟؟

حب يقول ماكاش حل و مانقدرش نحاسب اللي أقصاوني الخاو صدقوني راني في حالة اكتئاب حاد

نسمة الذكريات · 2014-09-05, 10:19

اخي قول حسبي الله و نعم الوكيل
ربي يجيبلك حقك من ظالمين هذو

khadidjahiroi · 2014-09-05, 10:30

يا أخ نعرف واحد كان من الممتازين في الثانوية تاعنا كانو متوقعين منو يجي هو لول
تخلطتلو بين الفرونسي و الأمازيغية ماراحش يعقب فرونسي و عاود العام لأنهم أقصاوه مع انو كان من الأوائل
المهم العام هذا جابو 16
ماكتبلكش ربي تربحو العام هذا
لكن مالازمش تفقد الأمل و بالتوفيق