عاجل عاجل عندي اسبوع

fayza81 · 2014-09-02, 10:57

اخيرا سمحولي باجازة اسبوع و بعد العمل في الصيف حبا نروح الاسبوع القادم نبحر
من فضلكم قولولي على ولاية ماتكونش بعيدة على الاغواط كما وهران ولا عنابة بعاد لانو عندي رضيع و مانملكش سيارة يعني نروح في الكار
اقترحولي ولاية و ان امكن اعطوني عنوان فندق مايكونش غالي
حبا نبحر و ننسى مشاكل و تعب العمل
من فضلكم ساعدوني لاني اول مرة نخرج نبحر في حياتي و نتمنى تفوت هايلة

عادل الجلفاوي · 2014-09-02, 12:40

ولاية جيجيل ...
ام مسافة ربما تيبازة ايضا جيدة

وان شاء الله تقضي اجمل الاوقات موفقة

maamar8289 · 2014-09-02, 13:55

انصحك بمستغانم فهي الاقرب اليك كاين الحافلات نتاع وهران يجوزو عليكم 6 ساعات تكوني في مستغانم مرورا بافلوا عين الذهب السوقر تيارت غليزان مستغانم اما تيبازة ايضا قريبة لكن الازدحام و الطري يعاودو فيها في الشفة

fayza81 · 2014-09-02, 14:01

شكراااا
بالنسبة لتيبازة قولولي على فندق مليح وماهوش غالي

maamar8289 · 2014-09-02, 14:08

الاخت على حساب وين تحبي تروحي دوادودة بواسماعيل تيبازة شرشال و كاين مركبات متاريس والسات و شنوة بلاج ممكن تكون الاسعار مليحة لانوا الدخول المدرسي او ارواحي لولاية الشلف كاين تنس وبني حواء الاسعار منخفظة بزاف

عادل الجلفاوي · 2014-09-02, 14:34

انا هذا الصيف كنت في شنوة بلاج مع الاسرة مكان محترم جدا جدا
وكاين شاطئي الدخول له ب 1000 دج بحساب المكان وموقف السيارة والكراسي والمظلة وفوق كل هذا الامن متوفر هو شاطئي الازرق الكبير بشنوة بلاج