عاجل كرتيكة =)

بريق الأمل14 · 2014-08-29, 20:54

السلام عليكم
احتاج وصفة كرنتيكة (كيما نقولوها حنا) و لا كرنطيطة و تكون مجربة و ناجحة و ربي يجازيكم
سلام

Wiem4 · 2014-08-29, 23:54

هههه
شوفو شكون اللي يحوس يدخل للكوزينة ، راكي درتيلي الشوك منال
درناها خطرة و ماشفيتش كيفاه. بصح ماتقوليليش تحبي القارنطيطة

بريق الأمل14 · 2014-08-30, 05:54

اهلا وئاامو جابك ربي توحشتك كنت خلاطرة و الانترنت راحت
المهم مع جيت جا في خاطري كرنتيكة عهههههه واه نموت عليها

Wiem4 · 2014-08-31, 00:47

اهلين منولة
يتوحشك الخير انا تاني توحشتك و توحشت لبنات يا حسراه شحال عندي ماهدرتش معاهم زلاوني خليتهم مانحب نتقل على حتى واحد المهم واش راكي
وفي نورمالمو تشريها واقيلا كي شغل حمص مرحي تشريه من برا خطرة جابهولنا خويا و جبدنا الوصفة من النت و درنهالو بصح و الله ماشفيت كيفاه درناها بسكو عندها بزاف
انا مانحبهاش جامي ذقتها بسكو مخدومة بالحمص و انا مانشتيهش
اكتبي في قوقل وصفة الكارنتيتة تخرجلك

kawtherrmalak · 2014-08-31, 13:06

شوفي حنونتي انا نعطيك مقادير جي في بلا تع فور يكون كبير شوية بلا تع زجاج مهم انا نستعمل كاس قازوز
7كيسان ماء + 2كيسان حمص مرحي ينتباع + نصف مغيرفة تع كبيرة كمون+ مغيرفة صغيرة راس حانوت اختياري +مغيرفة صغيرة فلفل اسود +1بيض مدربة بالشوكة(فرشيتة)+مغيرفة كبيرة زيت +مغيرفة صغيرة ملح لان ديري حساب فرماج رابي تكون كمية لاباس بيها وزيدي كاس شابير( خبز مرحي) وزيديلها فلفل حار يكون مقطع صغير او هريسة او فلفل الحار مطحون وهدا اختياري ادا كنتتوا تحبوا الحار كيما دارنا
خلطي الكل مع بعد وديريها فيلبلا ويكون الفرن سخون ديريها وكيتبدا تغلي نقصيلها النار وخليها تطيب حوالي ساعة ونصف الى ساعتين حتي تحمار مليح من الفوق وكي تخرجيها مباشرة من الفرن تكوني موجدة خليط كمون والفلفل عكري ورشي عليها من الفوق وخليها تبرد وقدميها بالصحة والهناء
اسمحيلي طولت عليك بالكلام وادا مفهمتيش كاش حاجة قوليلي وان شاء الله تعجبك