مخبز رووووووعة في البنة لعيون رنيم بيسان

احلى حياة · 2013-11-08, 21:55

[IMص]https:// [/IMG] [/IMG][/IMG][IMG] [/IMG] ][/IMG]السلام عليكم

اخواتي حبيت نشاركم اليوم بوصفة المخبز بالكوكاو والنواة كوكو الوصفة مدتهالي اختي ام اسلام واية ربي يحفضها واعتمدتها من يومها ربي يعطيها واش تتمني وحطيتها خصيصا للخت رنيم بيسان غير جربوها ومتندموش راه بنين بزاف ويبان لوز

500 غ كوكاو مقلي بلا ما يتحمر يقعد ابيض
200غ نواة كوك
500غ سكر عادي انا درت غير 400

زاست تع القارص حوالي ملعقتين
مغرف صغير زبدةة
لافاني

البيض تستعملي بيضة كاملة ومن بعد صفار حتي تتحكم العجينة متديريهاش يابسة بزاف وماشي جارية
والسر الاخير هو الخمارة نعم ديري نصف ملعقة صغيرة خمارة كيميائية
ترحي الكوكاو مع النواة كوكو ونصف كمية السكر ترحيهم مليح والنصف الاخر تع السكر تشمخيه بشوية مازهر هدا سر من اسرار المخبز من بعد تخليه يدوب وتزيديه للخليط السابق وتزيدي الزبدة والزاست والفاني وتبداي تديري في البيض حتي تصبح عجينة تعجنيها ملييييييييييييييييييييييييييييح باه يدوب السكر وتخليها ترتاح انا نخليها تبات في التلاجة من بعد تجبديها وتشكليها كما حبيتي ديري فوق العجينة ساشي وتقطعي باه يجيك الشكل بومبي وتخليها ترتاح في السنيوة تع الفور مدة ساعتين بعد متكون فرشتي طبقة كتيفة من خليط الفرينة والمايزينة تدخليها للفرن170درجة عشر دقايق او اقل متخليهاش تحمار غير ينشف البيض ويكون لونها وردي من تحت خرجيها خليه يبرد مليح من بعد نحيه من البلا وقلاسيه

اسفة لانو ما صورتش الخطوات المرة الجاية بادن الله نصور جميع الخطوات

[IMG] [/IMG]

khnafnaf · 2013-11-08, 23:02

mmm ya3tik assa7, hayal

أم إناس · 2013-11-08, 23:06

ماشاء الله شكرًا اختي

فريال88 · 2013-11-08, 23:10

شكررررررررررررررررا على الوصفة اممممممممممم

رنيم بيسان · 2013-11-09, 14:24

مساء الخير شكرا حبيبتي كثر خيرك وربي يجعلها في ميزان حسناتك ان شاء الله

2013-11-09, 14:41

روووووووووووووووعة يا اختي هايلة وجزاك الله عنا

OMKHIRO · 2013-11-09, 14:54

]raw3a hanona w merci 3ala alwasfa anshallah njarabha]

melissat · 2013-11-09, 14:59

يعطيك الصحة

ويناروز · 2013-11-09, 15:23

بــــــارك الله فيــــــــك

يعـــطـيــك الصــــــحة

kamili1 · 2013-11-09, 15:27

يعطيك الصحة

أم محمد تاج · 2013-11-09, 17:09

رووووووووووعة حنونة والتزيييين الأروع

alla2012 · 2013-11-09, 17:33

مساء الخير اختي يعطيك الصحة وربي يجازيك باين بنين حبيت نسالك على الكاوكاو كي نرحيه يتعجنلي مع اني نقليه في الفرن

كنوز البحار · 2013-11-09, 20:20

اختي ممكن طريقة القلاصاج

احلى حياة · 2013-11-09, 21:48

اقتباس:

المشاركة الأصلية كتبت بواسطة alla2012

مساء الخير اختي يعطيك الصحة وربي يجازيك باين بنين حبيت نسالك على الكاوكاو كي نرحيه يتعجنلي مع اني نقليه في الفرن

اختي ادا حبيتي الكوكاو ميتعجنلكش كي ترحيه زيديلو شوية سكر عادي من بعد ارحيه وفي وصفة المخبز بالذات عادي اذا تعجنلك لانو رايحة تعمليه عجينة وتقطعيهاارجو اني نكون افدتك عزيزتي

احلى حياة · 2013-11-09, 21:52

اقتباس:

المشاركة الأصلية كتبت بواسطة كنوز البحار

اختي ممكن طريقة القلاصاج

اتنين بياض بيض كاس تاي سيرو تخدميه بكاس سكر عادي وكاس ما تخليهم يغلو حتي يعقدو نصف كاس تاي عصير ليمون نصف كاس تاي مازهر وتخلطيهم بالفرشيطة مليح وتبداي تضيفي السكر قلاسي اداحبيتي قلاساج ابيض ديري ملون ابيض تع الميزان وفي الاخير مغرف زيت وملاحضة متستعمليش الباتور خلطي بمغرف تع خشب عن تجربة يجي يابس