نكت -تفضلو -نكت

[abdelmalek159]

السلام عليكم و رحمة الله و بركاته

اليكم بعض النكت من النت

و لا تبخلو ----------:



في واحد النهار في رمضان اخد الطبيب نفساني مجموعة من المرضى عقليا الى شاطئ البحر قبل الافطار بساعتين كلهم يلعبون كرة الطائرة على شاطئ البحر الا واحد اطلع لواحد الروشي وأخد يتأمل في البحر فأندهش الطبيب على رومنسية المريض وقال في نفسه ممممم... اضن اخينا راه أعقال ثم راح ليه وسأله راه قريب المغرب وتأكل الزلابية و قلب اللوز (الشامية) فأجابه المريض لا زلابية لا قلب اللوز أنا لي راه محيرني هو لو كان هذا البحر حريرة (شربة) شعال يلزم لي من خبزة باه نشربها??!!...
الطبيب تخلخل من رأسه وقال ليه صحــــاري تاع دقيق...

ههههههه



واحد الولد اكل نصف علبة تاع مخدر راح في غيبوبة ثلاث ايام في الكوما ما فاقش زوج قرع تاع سيروم وما فاقش قالت امه للطبيب باه يدو ولدهم يزوره لوالي صالح ...ولدي كيقصر في الليل بلاك اتخطى شي مش ( قط ) ولا شي كرفي ( القمامه مكان نجس ) قالها الطبيب غدوة ارواحوا تدوه كرو 404 باشي وشرجاو ولدهم و كذلك عتروس ( تيس ) معه وربطوه بسلك و وشرجاو الكوبينغ ديالهم... امه وابوه ركبو مع الشوفور لقدام ومنين قلعوا الصباح 6.00 ساط عليه الهواء البارد تاع الصباح هذاك وين حل عينيه وشاف العتروس قدامه اندهش وقال في نفسه او هاد العتروس واش جابه امامي منين داك نطق العتروس وتكلم ليه انتوما تاكلوا الحب واحنا اجيو يدبحوا في ملتنا لي عنده طهارة اجيو يدونا لي ضربه جن اجيو يدونا ... عندك تقول لوالديك يحسابوك هبيل يدوك مستشفى سيدي شحمي...



واحد احول اشترى حمامة حولى هو باه يدخلها للكاج حطها برى او هي باه تهرب دخلت للكاج





واحد راح للمدينة وقصد مستشفى من حيث ادخل شاف لاسونسور امرأة دخلت وعاود انفتحت خرج كانيش هو كيحساب لاسونسور وين كيعقبوا الراديو ادخل لا سنسور وقلع ثيابه منين اطلع الطابق 6 تحل الباب شفته الممرضة وأخدت تعيط غير ما تقولي ليش راه فيا سرطان...



واحد قرنيط ( بخيل ) كان يتمشى مع صحبو منين ريحو خرج القرنيط من جيبه قطع نقود وقفلة صاحبه قال ليه الا ما تحتاج القفلة اعطيها لي قال ليه القرنيط لا لا لا راني نحوس نذ برلها سروال....



واحد كان هو وصديقته فوق روشي قبالة للبحر صديقته سألته فاش كيفكرك غروب الشمس فكر شوية وجوبها عودة غريندايزر الى القاعدة...




واحد سمين قرر ان ينقص في الوزن نتاعه صاب وكالة مختصة في هذا المجال ادخل الوكالة صاب واحد المرأة خدامة في الوكالة قال ليها حبيت انقص في الوزن ديالي قالت ليه كاين 3 اختيارات ريجم تاع2000 دج تاع 1000دج و ريجم تاع200 دج قال لها الاول تاع 2000 دج قالت ليه ادخل في الباب رقم 10 منين ادخل صاب واحد العداء قال له اذا الحقت بي تربح سيارة آخر موديل ما قدرش يلحق بيه من حيث هو سمين والعداء خفيف وسريع عاود ارجع للخدامة تاع الوكالة قال ليها ابغي رجيم درجة ثانية تاع 1000دج قالت له ادخل باب رقم 5 منين ادخل صاب واحد الفتاة جميلة قالت ليه الا لحقت بي بتربح رحلة سياحية الى فنيز لشخصين راح يجري يجري لكن ملحقهاش المسكين عاود ارجع الى الخدامة تاع الوكالة و قال لها اعطيني الخيار درجة ثالثة تاع المساكين تاع 200 دج قالت له ادخل باب رقم 3 مكتوب عليه بوم سونغ تاي تايوو لما ادخل صاب واحد الافريقي قال ليه اذا نحكمك تشبع هراوة ...



قالك واحد يتوتي كيما تقولو نتوما يهجي الهدرة بزاف كان يحوس على خدمة ايا دخل عند واحد مول المكتبة قالو راني حاب نخدم ايا مول المكتبة كان عندو بزاف مصاحف عطاه 12 و قالو روح بيعهم ايا راح وحد 30 دقيقة ورجع كامل باعهم عاود عطاه كامل لي بقاو ايا قعد وحد 60 دقيقة و رجع ايا مول المكتبة نخلع قال هادا عام وهوما عندي ومعتهمش كيفاش هو يبيعهم سقساه كيفاه باعهم قالو كنت نقوللهم يا اما تشريوهم يا اما تسناو نقراهلكم ههههههههههههههههههههههههههه



كاين واحد دايما يقعد في القهوة و يتكي زوز قوارا مع بعضاهم شافو واحد حب يفهم عواه يتكيف زوز كي سقساه قالو نتكيف زوز واحد تيعي و واحد تع خويا لي في الحبس نتكيفو في بلاصتو حتان يخرج ملا واحد النهار عدا عليه الراجل لقاه يتكيف في قارو واحد راحلو قالو مبروك على خوك كي خرج ملحبس قالو لا مزال في الحبس انا لي بطلت الدخان


قالك واحد سالاتو استاذة الفرنسية واش يخدم باباه قالها ما نعرفش بالفرونسي قاتلو معليش قولها بالعربية قالها ماصو

ايا قاللك وحد الشيخ قالولو واش تتمنا في حياتك
قاللهم يولي رمضان كيما كأس العالم ...مرة كل اربع سنين وكل مرة في بلاد
هههههههه مسكين هلكو الصيام





واحد مايحبش يهدر بزاف راح لحانوت قالو خويا عندك قارو
مول الحانوت قاالو لالا ماعنديش
زاد راح لحانوت وحداخر قالو: ونتا ؟















و اخيرا
ان شاء الله
عجبوكم **********ترقبو الجديد

و