ارجووو المساعدة

[مشكلتي]

السلام عليكم
اخوتي انا متزوجة من ملاك ولكن خاننا الزهر
احب زوجي واعشقه ولن اتخلى عنه
عندما انر الى عينيه قلبي ينفطر تعم اشعر بمعاناته و المه
من يوم ما تزوجت به ونحن في نفس المعنات فهو فقير ولا يجد عمل وكره من عدم جود عمل
وبدا بفكر في الحرقة
والله من جهة عندو الحق لانني كرهت كل يوم نقول يفرج ربي ولكن والو للاسف
عمله الحالي اجره 12000وانتم تعلمون ان هذا الاجر لايكفي عائلة مكونة من 4افراد
اريد مساعدته كيف اعمل مشروع صغير ولا يوجد ماالا اريده بجنبي مع اولادنا
كيف ابدا مستعدة اعمل اي شيء
اريد احتراف حرفة ثم العمل
سلام عليكم

[طموح1948]

تعلمي صناعة الحلويات او تعلمي الخياطة او افتحي محل كراء فساتين زفاف اطلبي قرض وافتحي المحل صدقيني مربح

[أم محمد الهادي]

السلام عليكم يمكنك اختي ان تعملي في مجال الخياطة و الحلويات صدقيني معززة مكرمة في بيتك

[hodahodahoda]

احييك اختي انك خاسة بمعانات زوجك و انت تصبري فيه
اقول لك ان الله يحب زوجك لانه اعطاه زوجة مثلك
الله يفتح عليكم

[محب السلف الصالح]

أكثروا من الإستغفار

[حفيظ حيدر]

السلام عليكم يا اختي ربي يفرج عليكم و الله قريب نبكي صح الفقر صعيب يا اختي ننصحك اكثري من الاستغفار و صلي قبل الفجر و ادعي يا ختي اعلاش زوجك ما يروحش للسوق يشري و يبيع فيه ربح بالاك يطرح ربي الرزق

[aloota]

ختي قولي لراجلك يروح يتفاهم مع المقاهي و محلات مواد غدائية
نتي وجدي المتقبة تع التمر تباع للمقاهي و الكسرة و المطلوع يبعهم لمحلات المواد الغدائية و المطاعم تع الشوارما و ما شابه
صدقيني افضل طريقة -ما تعنديش لوخرة قاتلك دبري قرض و فتحي محل تع فساتين الناس تهدر برك-
و انصحك بالدعاء و كثرة الاستغفار و حسن الظن بالله
نتي راكي استاشرتي في هدا المنتدى ..قعدتلك صلاة الاستخارة و تكلي على الله

[rafif.ra]

ربي يفرج عليكم اختي...أحييك لصبرك..اكثروا من الاستغفار اختي و اصبري مع راجلك...حاولي تخدمي الحلويات و بيعو للقهاوي او متاجر الحلوى و المرطبات...راهو جا وقت القراية و الخدمة تاع النسا ...كاين عاملات بزاف يحوسو وين يخليو ولادهم..احكمي لولاد عندك و يسلكوك بالشي لي كان و سمعي اقاربك او جيرانك باه يجيبو ولادهم طبعا اذا تقدري..
كاين تاني بزاف لي يحوسو على لي يغسلو الصوف...ميش عيب اختي عاوني راجلك بالشي لي قدرتي و اجرك على الله كبيييييييييييير ان شاء الله
ربي يفتحلكم ابواب الرزق ياااا رب
في أمان الله

[ايمان نور الجزائر]

توكلي عليى الله
واختاري حرفة تتعلمينها مثلااا صناعة الحلويات او تعلم الطبخ يمكنك الطبخ في الاعراس والمناسبات
وريثما تاخذين الشهادة او تتمين تعلمك
يمكنك ايضاااا غسل الاواني في قاعة الحفلات او توزيع المشروبات والحلويات
في صالات النساء

[kramnik]

كيف يتزوج و هوا اصلا لايملك عمل ؟؟؟؟؟؟؟
على كل حال هناك الخياطة افضل عمل للمراء في البيت

[salem1985]

السلام عليكم اختي انا انصحك بان تجعلي بيتك روضة اطفال وتحكمي الاطفال الي امهاتهم عاملات راهم فيهم اجر عند ربي واجرة مليحة في ولايتي الطفل 300 الف للشهر وقادرة تحكمي حتى 20 ولا 30 طفل ومنها راكي تتسلاي بيهم ومنها راهم خدة المهم تكوني تحبي الاطفال واصلا شدي غير الكبار شوي باش ما تتعبيش ولا كيما قالوا الي سبقوني كاين تتعلمي الحلويات في التكوين عام برك ومن بعد تولي تخدمي مع القهاوي والمطاعم وحتى مع الاعراس انا نخدم في التكوين ونعرف اساتذة راهم ربي يبارك من صناعة الحلويات في الاعراس واعياد الميلاد الخطبة الخ
المهم ربي يفرج عليك اختى وشكرا انك قبلتي بزوالي موش كيما حنا راهم يتقلشوا علينا رغم اننا خدامين وبدارنا ربي يوفقك السلام

[@esraa@]

اختي انا انصحك بشيء و اتمنى ان تجربيه فان نجحتي في صناعته فهو مربح جداااااااااااااااااا
من فترة شاهدت على قناة سميرة كيفية صناعة الخبز السوري
و جربته و نجح معي و اصبحت اصنعه دااائما لكن لا ابيع
اصنعه لأن اسرتي كاملة احبوه كثيراااا و كل افراد العائلة طلبوا مني ان اعلمهم كيفية صناعته و قالت لي خالتي انها اشترته من محل بثمن غااااالي بحيث ان الخمس خبزات ب 25 دينار (25 الف فرنك) و طبعا هذا ثمن غالي خاصة ان الخبزة رقيقة بزاف
حاولي تتعلميه ربما مينجحش معاك من اول خطرة بصح نتي عاودي و عاودي حتى تتعلميه و بيعيه للمحلات و انصحك انك تبدئي بثمن رخيص حتى تشتهري و من بعدها زيدي في ثمنه و ان شاء الله ينجح معاك
و احسن شيء فيه ان تطيابه ساهل و ميتعبكش في السخانة
و انا راح نقولك الطريقة :

شوفي عجنيه نورمال كيما المطلوع بصح ديري فيه غير الفرينة و من بعدها كي يطلع قسميه على شكل كويرات متوسطة الحجم (يجي صغير على المطلوع)
و خليها عشر دقايق و من بعدها قومي بفرد كل كويرة و يليق تخرجي في خبزة رقيييييييقة و كي تكملي كل الخبز بدي طيبيه مباشرة (ميعاودش يخمر )
اول متحطيها اقل من دقيقة و قلبيها و من بعد دقيقة أخرى و قلبيها قلبة أخرى و ميحمارش كيما المطلوع هو يجي شوية ابيض
و طيبيه على احد شعلات الفورن فهو لا يحتاج الى نار قوية هو يحتاج الى نار متوسطة
نتمنى تجربي و ينجح معاك و ان شاء الله ربي يفرج عليكم و يرزقكم من حيث لا تحتسبوا وكامل الناس بدات من ال0 و بالعزم و الارادة و الصبر و شكر الله وصلوا
قال الله تعالى : وإذ تأذن ربكم لئن شكرتم لأزيدنكم و لئن كفرتم إن عذابي لشديد.
اشكري الله دااااااائما

[pomaria_aindefla]

شوفي جيرانك العاملات و أطلبي منهم أنك تشدي أطفالهم شدي زوج أو ثلاثة ب 3000 دج , و زيدي سجلي في فروع الدروس المسائية لتعلم صناعة الحلويات أو الخياطة أو المكارمي تدرسين مرتين في الأسبوع برك بعد ساعات العمل أو يوم السبت . أو سجلي في ما يسمى بتكوين المرأة الماكثة في البيت تتكونين مرة في الأسبوع . أو تعلمي صناعة العجينة المورقة patte feuilleté تقدري تتعلميها من المنتدى و من النت و من اليوتيوب و بيعها لمحل بيع أدوات الحلويات أو لمحل المواد الغذائية . نمط تكوين المرأة الماكثة في البيت هو هو نمط وضع للسيدات لا يطلب مستوى دراسي و لا شهادة مدرسية و لا مقابل

[*تسنيم*]

المشاركة الأصلية كتبت بواسطة salem1985

السلام عليكم اختي انا انصحك بان تجعلي بيتك روضة اطفال وتحكمي الاطفال الي امهاتهم عاملات راهم فيهم اجر عند ربي واجرة مليحة في ولايتي الطفل 300 الف للشهر وقادرة تحكمي حتى 20 ولا 30 طفل ومنها راكي تتسلاي بيهم ومنها راهم خدة المهم تكوني تحبي الاطفال واصلا شدي غير الكبار شوي باش ما تتعبيش ولا كيما قالوا الي سبقوني كاين تتعلمي الحلويات في التكوين عام برك ومن بعد تولي تخدمي مع القهاوي والمطاعم وحتى مع الاعراس انا نخدم في التكوين ونعرف اساتذة راهم ربي يبارك من صناعة الحلويات في الاعراس واعياد الميلاد الخطبة الخ
المهم ربي يفرج عليك اختى وشكرا انك قبلتي بزوالي موش كيما حنا راهم يتقلشوا علينا رغم اننا خدامين وبدارنا ربي يوفقك السلام

20 او 30 طفل راك في عقلك ملا تحل روضة اطفال خير ولازملها خداميين باش يعاونها

[pomaria_aindefla]

تفاهمي مع مول قاعة الحفلات و مع بائع الدجاج باش يقول للناس لي تبغي تنظف الدجاج باش يطيبوه في الأعراس باش أنت تنظفيهلهم و تحكيه بالليمون و المعدنوس و الملح أو تشويلهم الفلفل أو تشوطي الزليف للبوشي أو شوطي الفلفل لمخل لي يبيع الشواء