قالي سميتها " ميلسان " ...

ولد حمد الباتني · 2014-09-20, 20:24

السلام عليكم ورحمة الله وبركاته
واش راكم خاوتي ان شاء الله بخير وعافية
لا أدري الموضوع مكرر او لا ولكن ماعليهش
البارح تلاقيت واحد نعرفو واش راك لاباس بخير الحمد لله .. ، قالي زادت عندي طفلة، قتلو ربي بارك كلشي مبروك واش سميتها، قالي سميتها " ميلسان " ؟؟؟؟ قتلو ربي بارك ، شاف وجهي تبدل تاع وعلاه عليكم تسميو هك، قالي ميلسان بلاصة فالترك بويسك ايكسيتيغا وقالو وفيها وو قتلو وي وي وي ايا وتفارقنا
أيا فكرني في لحكاية هاذي ألي ظهرت عندها 5 سنين ولا ألي يزيد عندو طفل ولا طفة لازم يسميها اسم هك " درصاف" "بيلاس" "نورميلا" " جلنار" ووو
ياخويا علاه عليكم تسميو هك ولا باه بنتكم وحدها الي مسمية هك ولا باه تكون خير من بنت صليحة جارتكم وكنزة سلفتك ؟؟؟؟؟؟
نعم أوافق أن الوالدين يحرصو على أنو يسميو ولادهم وبناتهم بأسامي ماتحرجهمش في الكبر، وأنا ضد الواحد يسمي بنتو بأسم الوالدة تاعو زعما يشتيها وهي في حياتها كان يسب فيها وبلاك يضربها ....
يسميهم بأسامي مليحة ولكن الحمد لله كاين أسامي ملاح ومايروحو مايجيو ومعروفين مثل " هاجر، مريم، سارة، خديجة، وووووو مايتحسبوش " وعلاه عليك اسم ماعندو حتى معنى ...
هذا واحد سمى بنتو نورميلا، قتلو واش معناها قالي نور من الله مذكورة في القرءاة ؟؟؟؟ قتلو نور من الله مذكورة في القرءان بصح ماوش اسم طفلة، وحتى فرعون مذكور فالقرءان ...

المفيد الأعضاء يمدونا رايهم وخاصة الأمهات ألي أكيد وقطعا هوما ألي راهم يسميو في هاذ الأسامي هههههه

ملاحظة :
الموضوع كتبتو باللغة العامية لأن قسم المجتمع ربما يستلزم ذلك ولوضوح الكلمات وتوصيل الفكرة
ثانيا : بعض الأسماء الجديدة لها معاني لا تليق ولكنهم لا يعلمون ..

nada 94 · 2014-09-20, 20:51

ولد حمد الباتني · 2014-09-21, 12:18

اقتباس:

المشاركة الأصلية كتبت بواسطة nada 94

موضوع جميل

باختصار يا اخي الطفلة كي تكبر اكيد راح تفرح كتيرا باسمها وراح يزيدها ثقة في النفس ووووو

مش تتعقد منو مثل حالتي انا اللي سماوني باسامي تاع بكري ثقتي في الارض والناس ما ترحمش كي شغل انا سميت روحي

ملاحظة انا اسمي الذي تعرفني به العائلة ندى (اسم العضوية) هو جميل لكن الحقيقي ,,,,,,,, مع تعرف عقلية البنات و ,,,,,, زميلاتي يعرفو اسمي ندى و اسمي اخر لكن يحبو يعيطولي بالاسم الاخر ,,,,, لانو علابالهم نتحرج بيه مع اني ما نبينش ههه وهادي كلها لاحباطك لكن الحمد لله ما نبينش وما قدروليش ههه هادي كل مراحل الدراسة وانا ف الجامعة الان

العفو خرجت على الموضوع

واش دير يا اخي ,,,, ههه طليتلي على الجرح

وما تقلقش روحك المهم يكون اسم مليييييييييييييح و حروفو مليييحة

أهلا بيك ندى
نورتي الموضوع
صح كاين ألي يسميو بأسامي الجدات والأمهات ومايقراوش لحساب للبعيد للجهل وعدم الوعي ..
ويعطيك الصحة كي ماتبينيش بلي راكي متحرجة منون والصح ماتتحرجي ش منو يهم التربية والأخلاق
كي كنت فالتعليم بزاف بنات كي ندير القائمة يتحرجو من اساميهم ولكن انا كي نشوف اسم قديم نتوقف عند اللقب برك ومع ذلك لولاد يكملولي الإسم باه يحشموها هههه

زرقـآء اليمآمـة · 2014-09-20, 22:01

السلام عليكم
يوجد كثير من العائلات غير رايحة ونسمي ولادها لا يعرفون حتى معناه .......... لكن ما نراه اليوم ان كثير من الاولياء متعلمين وواعيين لازم يختاروا اسم مشرف لولدهم او بنتهم ..... وله معنى جميل ...............
للذكر ما عبد وحمد وللبنت على امهات المؤمنين والصالحات ووووو ............ شكرا

ولد حمد الباتني · 2014-09-21, 12:22

اقتباس:

المشاركة الأصلية كتبت بواسطة زرقـآء اليمآمـة

السلام عليكم
يوجد كثير من العائلات غير رايحة ونسمي ولادها لا يعرفون حتى معناه .......... لكن ما نراه اليوم ان كثير من الاولياء متعلمين وواعيين لازم يختاروا اسم مشرف لولدهم او بنتهم ..... وله معنى جميل ...............
للذكر ما عبد وحمد وللبنت على امهات المؤمنين والصالحات ووووو ............ شكرا

أهلا زرقاء
كما قلت أسماء لا يعرفون معناها ان كان لها معنى، واحيانا يكون لها معنى سيء ولكن يجهلون
وبخصوص ماحمد وعبد فالحديث ضعيف
والحمد لله الأسماء الجميلة موجودة وبكثرة ولا تذهب مودتها ....

salem1985 · 2014-09-20, 22:06

خير الاسماء ما حمد وعبد بصح حتى كي تسمي بنتك وما تربيهاش لواش انت تربيها تربية مكسيكية ولا تركية وتسميها حفصة ولا عائشة ولا صفية ولا خديجة وتولي تشبهها بام المؤمنين وهي ما تستاهلش على الاقل خلي نورميلا اسم على مسمى

ولد حمد الباتني · 2014-09-21, 12:24

اقتباس:

المشاركة الأصلية كتبت بواسطة salem1985

خير الاسماء ما حمد وعبد بصح حتى كي تسمي بنتك وما تربيهاش لواش انت تربيها تربية مكسيكية ولا تركية وتسميها حفصة ولا عائشة ولا صفية ولا خديجة وتولي تشبهها بام المؤمنين وهي ما تستاهلش على الاقل خلي نورميلا اسم على مسمى

اهلا بيك
salem
والله عندك الصح
ساعات بنات يالطييف ولتقاها خديجة وإيمان ....

كلنا راحلون · 2014-09-20, 22:30

هههههههههههههههه كخخخخخخخخخخخخخخخخخخخخخخخخ

كلنا راحلون · 2014-09-20, 22:32

الصديق قروف · 2014-09-20, 22:58

يا اخي شكرا على هاد الموضوع طلتلي على قلبي

هنا عندنا عادت شايعة هاد الاسماء
انا منين نسقسي على اسماء المواليد الجدد عندنا يسميوه على بطلة الفلم ولا مسلسل

ولد حمد الباتني · 2014-09-21, 12:26

اقتباس:

المشاركة الأصلية كتبت بواسطة seddik 3223

يا اخي شكرا على هاد الموضوع طلتلي على قلبي

هنا عندنا عادت شايعة هاد الاسماء
انا منين نسقسي على اسماء المواليد الجدد عندنا يسميوه على بطلة الفلم ولا مسلسل

أهلا صديق
كيما قلت عندها مدة هك ماكانش ألي يسمي اسم نورمال لازم وحدو ولا مسلسل ولا مانعرف ...

djamila21000 · 2014-09-21, 00:33

الله المستعان.
قريب يولو يسمسو بأسماء السيارات " ياريس " " كاشكاي" "سانديرو" .....

ولد حمد الباتني · 2014-09-21, 12:28

اقتباس:

المشاركة الأصلية كتبت بواسطة djamila21000

الله المستعان.
قريب يولو يسمسو بأسماء السيارات " ياريس " " كاشكاي" "سانديرو" .....

ماتدريش مع الوقت تلقى بيكانتو ههههه

المنصور3 · 2014-09-21, 09:03

حقا شيء عجيب أن ينبهر الإنسان العربي بالتحديد هكذا بهذه المسلسلات فيسمي اسماء لا يدري ما تعني و إن علم معناها فهي أسماء معجمة و الحمد لله لدينا اسماء عربية ما شاء الله لفظا ومعنى و قدوة ، لما هم لا يسمون بأسماء عربية لما نحن التبع في كل شيء .

ولد حمد الباتني · 2014-09-21, 12:29

اقتباس:

المشاركة الأصلية كتبت بواسطة المنصور3

حقا شيء عجيب أن ينبهر الإنسان العربي بالتحديد هكذا بهذه المسلسلات فيسمي اسماء لا يدري ما تعني و إن علم معناها فهي أسماء معجمة و الحمد لله لدينا اسماء عربية ما شاء الله لفظا ومعنى و قدوة ، لما هم لا يسمون بأسماء عربية لما نحن التبع في كل شيء .

أهلا اخي منصور
شت شت والأسماء العربية الجميلة الرائقة اللائقة موجودة وبكثرة ...