بخصوص الاستدعاء الثالث

[hichemstr]

السلام عليكم

انا متخرج طبيب اسنان و اخذت شهادة النجاح المؤقتة في اكتوبر 2013 و ماكنتش مداير سورسي و كذلك لم افوت الفحص الانتقائي جاني الاستدعاء الاول في سبتمبر 2013 و في اكتوبر اخذت لهم الشهادة لكن ما يستعرفوش بيك لانك ما عندكش سورسي قديم و في مارس 2014 جاني الاستدعاء الثاني و معاه امر بالالتحاق و خممت مليح و بسبب ظروفي مارحتش

هنا المشكل سقسيت لهنا في المنتدى و كذلك سقسيت جماعة كل واحد واش يقلك لكن الاغلبية يقولو بما انه جاك امر التحاق غير انسى يجيك الاستدعاء الثالث و لحق سبتمبر 2014 و البارح جاني استدعاء الثالث و معاه امر التحاق ايضا و هو بنفس شكل الاستدعاء الثاني oaor

لكن مالازمش تديرو على الحالاة هاذو لانه كيما تنفحلهم سوايع يكون فيها استدعاء ثالث و سوايع لا

[صالح القسنطيني]

و عليكم السلام

الطب و فروعه لا حد الاستدعاءات فيها قد تصلك 6 استدعاءات ................

[hichemstr]

شكرا اخي صالح لكن هل هذا يعني انه مستحيل نولي روشارشي اذا مارحتش ؟؟ لحد الان انا معول عليها و اني رايح ان شاء الله لانه راحو جماعة قبلي و قالك الثكنة مليحا و التدريبات خفيفة جدا و المشكل فقط في التحويلات التي معضمها الى الجنوب

[hichemstr]

المشاركة الأصلية كتبت بواسطة hichemstr

شكرا اخي صالح لكن هل هذا يعني انه مستحيل نولي روشارشي اذا مارحتش ؟؟ لحد الان انا معول عليها و اني رايح ان شاء الله لانه راحو جماعة قبلي و قالك الثكنة مليحا و التدريبات خفيفة جدا و المشكل فقط في التحويلات التي معضمها الى الجنوب

---------------------------------

[صالح القسنطيني]

يا أخي جرت العادة أنه قلما يخرج أمر البحث عمن درس الطب

[hichemstr]

شكرا اخي و على كل حال انا ان شاء الله سوف اذهب هذه المرة