اولادكم رايحين يموتو عليها

[fatimazahra09]

وصفة جد جد رائعة كمقبلة والا وجبة كاملة مع فريت وهي عبارة عن escalopes de dinde pannée farcie au fromage a la creme fraiche
علابالي العنوان طويل بصح دوق هدي الوصفة يبقى اطول ...اليكم المقادير
ايسكالوب - فرماج vache kiri ou kiri -معدنوس -شوية عصير الليمون -1 علبة شونبينيو - 1/4 لتر او عبري بكاس كبيرنتاع الماء كريم فراش - 1 م ص موتارد - ملح وفلفل شوية فرينة وشابلير - زيت للقلي.
التحضير
سطحي الاسكالوب بالمطرقة بعدما تكوني غلفتيهم في الفيلم اليمونتار طبعا و ادا ما عندكش المطرقة اطيهم طريحة بكسرونة بلا ماتخرجي كامل الزعاف هههه رايحين يتفتولك ... تبليهم بالملح والفلفل ادهنيهم بالفرماج ..انا نستعمل مربعات كيري ..ندير حبة في 1ايسكالوب .حطي شوية معدنوس مقطع وقطرات من عصير الليمون ولفي كيما ديري للقاتو رولي ..زيري مليح و درك وجدي صحن فيه البيض مخفوق و صحن فية الفرينة وصحن فيه الشابلير....عرام ماعن ... حطي هادو لرولي في الفرينة الاولى ثم البيض ثم لاشابلير وحطيهة يتقلاو في الزيت عل نار متوسطة باش يطيبو من داخل وادا خفتي يتحلو احكميهم في الجوانب بل كيردون دوريهم عل كل الجوانب و نحيهم و حطيهم على ورق ماص ....
bon درك نوجدو الكريمة
دبلي الشونبينيو في شوية زبدة 1م ك ..حتى يحمارو شوية زيدي لا كرام فراش + لاموتاد حركي واحسبي حق 5 ثواني وطفي عليهم.
قطعي لايسكالوب كيما نقطعو القاطو رولي en tranche en billet وحطيهم على فراااااااااااااااااااش من هدي الكريمة الي ماتتقاومش وزيدي اعملي خطوط فوق ل ترونش وزيني بالشومبينيو من فوق و شوية معدنوس مقطع رقيق ...وهداماكان..
تقدري اديري ليسكالوب وحدهم وتقطعيهم وتحطيهم على فراش من السلطة الخظراء ...هايلة في رمضان ا ن شاء الله لانا من الحيين ....
ان شاء الله تكون عجبتكم الوصفة ... ودعولي ربي يحفظكم .:
ملاحظة : لا مابغيتيش ديري لاكرام فراش ... حطي قطع صغيرة من الشونبينيو على طبقة الجبن وقطرات الليمون والمعدنوس و التوابل و رولي .... وكملي بقية الوصفة ...

[لمسة L]

باين بنين بزاف مشكورة اختي

[inessou]

يعطيك الصحة وصفة خفيفة تاع صيف

[imane-droit]

444444444444444444444444444444444444444

[حياتي نبع امل]

اممممممممممممممممممممممممممممممممممممممممممممممممم ممم
:1 9:
بارك الله فيك

[cuisineshowdalatifa]

وصفة رائعة , بالنسبة لعرام المواعن , أنا نحط الفرينة في ساشي و الشبليوغ تاني في ساشي اخر , راح تنقسي عليك المواعن إن شاء الله تكوني فهمتيني

[MINA-NINA16]

والله فكرة هايلة ياتيك الصحة

[mano2]

ربي يحفظك بوركت

[farah dz]

سخفتيني .... نتخيل معاك ... رحت لبعيد ههه يعيك الصحة

[أم ريمة*]

ما شاء الله باينة بنينة من المكونات يعطيك ما تتمناى

[fatimazahra09]

merci om rima

[soussou-inf]

merci bcp tban tchahi

[الملتزمة بالدين]

السلام عليكم

شباب بزاف يعطيك الصحة

[fatimazahra09]

فكرةالاكياس هايلة بصح ماشي les roulades هاذو ... رايحين يتحلو في الكيس ويخرج كامل الشي لي درناه ... نخلوهم لحاجة اخرى ... شكر لطيفة

[rofia.sarah]

شكرا على الوصفة باينة بنينة