القلاصااااااج هاونوني فيه ربي يجازيكم

سمسووومة · 2014-08-15, 12:01

سلام. عرس بنت حالتي هاذ سمانة وراني حابة نديرها قاطو تاع يكون تاع قلاساج. بصح القلاساج تاع البيض ماهوش مليح
ساعدوني بقلاساج يكون مليح ولنيين وماييبسش.
وندعيلكم دعوة خير

oum anas 69 · 2014-08-15, 12:23

هذا القلاصاج على فم إلهام 07

3- القلاصاج : جربت أيضا ولأول مرة قلاصاج الاخت أم محمد تاج ثاني طري ورائع مهما يطول المهم خبيوه في علبة مغلقة يبقى طري ويذوب في الفم وما ييبسش وريحتو تهبل أنا استعملت ملون أبيض نتاع الميزان واستهلكت حوالي 2 أكياس نتاع سكر ناعم ماركة المرجان الكيس نتاع 700غ ( طبعا غربلتو قبل الاستعمال ) :

حطي في بول بياض بيضة وفنجال تاع قهوة حليب وفنجال زيت مخلط مع الزبدة يعني نص بنص وفنجال ماء الزهر ومغرف كبيرو اكتخي تاع اللوز ومغرف صغيرة فاني وملون ابيض لازم باه كي تضيفي اللون لي تحبيه يخرجلك ناصع ومايخرجش باهت ضرك نعتلك التشاراك لي قلاصيتو خرجلي ازرق خيرمن تاع البارح رووووعة ومبعد ضيفي السكر قلاصي مغربل حتان توصلي للقوام المطلوب وضيفي في الأخير الملون راه على ضمانتي روووعة

سمسووومة · 2014-08-15, 13:35

شكراااااااااااااااا

إلهام07 · 2014-08-17, 10:09

أختي أي سؤال راني في الخدمة ونقولك هذا القلاصج راهو هايل هايل ينشف بسرعة وفي نفس الوقت يبقى طري فقط راهي السخانة لازم ثمثم كي ينشف تخبيه في علبة مغلقة يبقى طري

fadilasor · 2014-08-17, 22:23

قلاصاج ام اماني اقتصادي وماييبسش بزاف هايل جربتو شحال من مرة https://www.djelfa.info/vb/showthread.php?t=1516946

حمو او احمذ · 2014-08-18, 11:12

glacage hayeeeeeeeeeellll jarabtou bla 3dam w mouhal yibaslak
kas tay maa zhar kas tay zit has tay hlib khaltihom w mba3d zidi sucre glace mgharbal ana ndir el mourjan hata ywali thkil dart bih mkhabz fl 3id ldork wallah maybas w bka howa howa jarbih matabdmich
pss le blanc d oeuf howa li yabs laglacage