.....هل انتي مهتمة........

[صمت الجزائر]

لمن تحب هاذا المنتدى


اخواتي العضوات.......اليوم جيتكم بموضوع ...يهم المنتدى كواجهة....والعضوات كتنسيق ومشاركة....والزائر ...كاختيار....
بعد ما سالت بنت سكسكدة المشرفة على هاذا القسم....وقدمتلها وجهة نظري.....حبيت انتن تشاركوني وتوافقو او ترفضو....المهم رايكم...لان قسم شقائق الرجال مخصص لنا...واحنا اللي نظموه بعد الادارة...والموافقة ديالها..
الموضوع هو..

كيما شفتو راه ضغط كبير على كل قسم...وماعادش يكفي...لان الاشتراكات للعضوات تنوعت...وهنا مربط الفرس...
ذرك نقوللكم...
المشاركات ديالنا تنوعت....بكثرة العضوات.....تبارك الله....وتنوعت بعدد الصنعات والحرف ديالنا...وبقينا نمشي غير في موضوع واحد وهو ....قسم شقائق الرجال ...وبالخصوص كثر الضغط على ...قسم الاشغال اليدوية...

تمنيت لو تتكرم الادارة وتوافق على اقتراحي ...وهو...اني نقسم قسم شقائق الرجال لاقسام محددة...وكل قسم...يقسم كذلك لاقسام محددة...وهكذا نقدرو نشاركو حسب اختصاص كل وحدة منا ...
مثلا...
1_قسم الاشغال اليدوية....يتكون من الاقسام التالية...
.1_قسم النسيج....وبه
1_ قسم الكروشي
2_ قسم المكرامي
3_ قسم التريكو
4_قسم الاستفساروالاسئلة والمساعدة
2_ قسم الخياطة والتفصيل
3_ قسم التطريز
1 _قسم التطريز بالماكينة
2 _قسم التطريز بشرائط الستان وغيره
4_ قسم الاشغال اليدوية
وتضم كل الاعمال والافكار اليدوية للعضوات
2_قسم المطبخ
1_قسم الاطباق الرئيسية
2_قسم الحلويات
3_ قسم المشروبات والمثلجات
4_ قسم الاستفسار والاسئلة


ومازال ينقص الكثير.....
لما قلت المنتدى كواجهة.....والعضوات كتنسيق ومشاركة....والزائر ...كاختيار......يعني ...يكون منسق اكثر...ويكون الاختيار في محله...مثلا ...لما اختار الطرز بالماكينة....ندخل بسهولة للموضوع اللي يهمني....مشي نهمل ونبقى نحوس على الموضوع اللي انا محتاجة ليه...وهاذا فقط كمثال



لقد قدمت لكن فكرة...وانتن اذا شفتو اي شئ للتعديل ضعو اقتراحكم...وانا في الخدمة...المهم رايكم...وهكذا يزيد المنتدى يكبر بوجودكم...




صوتو من اجل المنتدى ومن اجلكن..
ونتمنالكم التوفيق

[alkhansaae]

شكرا لك اختي الغالية رايك صواب و والله خممت فيها لما كنت ندخل لموضوعك التفيل والخياطة و حبيت نقلك باه مانتخلطوش
وزيد لوكان يديرو قسم لشكر المساعدات وعلى المواضيع وشكرا

[~ لؤلؤة مسلمة ~]

بارك الله فيك اختي صمت الجزائر ........ و الله نفس الفكرة كانت في بالي

و كنت حابة نطرحها على المشرفات

طبعا رانا موافقين و مهتمين

و يا ريت يكون فيه ايضا قسم للجمال يكون فيه الاهتمام بالرشاقة و الماكياج و العناية بالبشرة و الشعر و نتبادل فيه النصائح و المعلومات

[sammouha]

اقتراح في محلو و مفيد لينا باش يتنظم القسم و باش كل واحدة تعرف وين تروح ... بصّح أنا عندي اقتراح... أنا مش ديما نكون قاعدة.. و كي يكون عندي الوقت نحب نشارك ب أكثر من 2 مواضيع.. لكن لا يقبل لي الا بعد مرور 24 ساعة... يا ريت يزيدولنا شوي .. أو لمّا يتم اضافة الأقسام يسمح لنا كل قسم 2 مشاركات.. مثلا 2مواضيع في الطّرز بشرائط الساتان.. 2مواضيع في أشغال يدوية.. 2 مواضيع الخياطة ...الخ

[صمت الجزائر]

كاين وحد المثال اللي يقول...كثرة الظغط ...يولد انفجار...


ونقوللكم دركو ...وشاركو ...بالاشياء المفيدة اللي تجلب اكبر عدد من الزوار...واللي ينبهرو باعمالنا وكثرة تنسيقنا......يدخلو زوار....ووالله يرجعو اعضاء.....وهاك الادارة توافق على واش نحتاجو ليه لانه من متطلبات الاعضاء.....ولازم التحدي بالعمل الجميل والمفيد مش باللسان .....
ونتمنالكم كل الخير....

[فتيحة الجزائرية]

بارك الله فيك اختي صمت الجزائر

كلامك صح يوجد طلبات كثيرة وانا موافقة ومعك في هذا الراءي

[ام انيس2]

فكرة رائعة نتمنى التجسيد في اقرب فرصة وكما قالت الاخت لؤلؤة مسلمة قسم يهتم بالرشاقة والشعر والمكياج وكل اهتمامات المراة

[nourfa]

والله فكرة جد معقولة انا وحدة كل ماندخل نتوه في هذي المواضيع ولكن لو ان كل قسم لوحده يسهل الاطلاع والاجابة

وانا من اليوم اتطوع لاشراف قسم التريكو او الكروشي

[soltana]

بارك الله فيك اختي صمت الجزائر ........ و الله نفس الفكرة كانت في بالي mé ماعرفتش وين نطرحها و هاكاك أحسن و أفيد و جزاك الله خيرا

[amria(à]

انا كذالك موافقه ونفسه لفكره جاتني بصح قلت هذا من اختصاص الاداريين

[نينانينا]

شكرا لكي أنا معاك 100% بارك الله فيك

[هباهبا]

شكرا اختي صمت فكرة مليحة و انا ثاني نضم صوتي ليكم
باش المنتدي تاعنا يعود منظم وراقي
ونتمنالك كل التوفيق ليك ولكل الاخوات

[لؤلؤة الغرب الج]

والله أختي العزيزة هذه فكرة جميلة وهكذا تسهل على كل وحدة تدخل منتدانا تجد ما تبحث عنه بكل سهولة
بالاضافة للعناوين لي ذكرتيها نزيد لكل ركن دروسه ومبادئه ونتفادى التكرار في موضيعنا ونضيف عنوان تدبير منزلية
وإنشاء الله يوفق المشرفين على هذا المنتدى وقائمين على إنجاحه

[sorour43]

شكرا اختي صمت فكرة في محلها و أنا أيضا أضم صوتي لكن
لكي يصبح منتدانا منظم وراق
ونتمنى لك كل التوفيق ولكل الاخوات

[صمت الجزائر]

شكرا لكل الاخوات....ونقللكم ...والله كتبت رسالة للامير...وهومدير المنتدى وراني نستنى في الرد من الادارة....المهم همتكم...لازم نجمعو اكبر عدد من التوقيعات باش نحلو هته المشكل....ونشاله ربي يوفقنا