حلويات زفاف اختي 2013 الجزء الثاني

[مونيا غنية]

سلام اخواتي وحبيباتي في المنتدى هاذو الجزء الثاني كنت ناوية انحطهم البارح لكن الانترنات مكانتش مليحة المهم راني رايحة نكمل حلويات العرس انتاع اختي حبيت تشوفهم وتقيموني وادعوا لي ربي يحفظكم

ترافل الشيكولة

كاس سكر رطب + 1 كيس فلان نوارة شكولاطة + 2 خميرة + مغرفة اكل فاني+ 500غ مارغارين + كاس نشاء + 02 بيضات + فرينة + 03 مغارف اكل كاكاو اسود
التحضير : نمزج كل المكونات حتى نتحصل على عجينة طرية نقطعها بمول الترافل ثم نطيبها ونلصقهم بالمعجون و حلة الترك ثم نغطسهم بالشكولا ونزين بالكونفلاكس

مخبز البيضة

كيلة و1/2 جوز+ كيلة و 1/2 لوز رطب مرحيين رطب + 1/2 كيلة سكر عادي (ناقصة02 ملاعق اكل )- ثلث 1/3 كيلة زاس قارس (03 حبات على الاقل ) + ملعقة اكل فاني بودرة - ملعقة اكل عطر سائل ذوق لوز حلو ونلم بالبيض ( صفار بيضة + بيضة )وبنفس الكمية حتى نتحصل على عجينة طرية و في الاخير نضيف ملعقة اكل زبدة طرية
نعمل المخبز بشكل البيضة بمول ثم نضعهم في مول مغطي بطبقة كثيفة من الفرينة حتى لايحترق المخبز ونطيب المخلمدة 1/4 ساعة من الاسفل فقط وبعدما يبرد لمخبز نضعه في الطلية
مقادير الطلية :
كاس بياض بيض + كاس عصير ليمون + كاس غير مملوء ماء الزهر + كاس شربات باردة ونخلط كلش مع بعض ثم نضيف السكر رطب ونخدم باليد حتى نتحصل على طلية عاقدة وفي الاخير نضيف ملعقة اكل زيت للحصول على اللمعان

حلوى الوردة

3 كيلات ونصف فرينة + 1/2 كيلة نشاء + كيلة زبدة ذائبة (1/2 زبدة ستار + 1/2 سمن المدينة ) ملعق قهوة ملح + ملعقة اكل فاني بودر + + ملعقة لروم عطر سائل لوز حلو ونشمخ بماء الزهر والماء (2/3 ماء +1/3 ماء )
الحشو: كيلو لوز مرحي مقلي قليل فقط ومرحي رطب + 600غ سكر رطب ونخلطهم مع بعض ثم نعاود نرحي اللوز و السكر + مبشور قارس + فنجان عصير قارس + فاني + لاروم لوز ونلم ب 02 صفار بيض + بيضة حتي تتلم وفي الاخير ملعقة اكل زبدة طرية
نحلل العجينة بعدما نتركها تترتاح 02 ساعات ونقطعها دوائر ونضعها في مول الدزريات ونضع في الوسط الحشو ثم نزينها بالاوراق من نفس العجينة ونضعها يطيب و فور اخراجها نعسلها

[kakinova]

شكرا على الوصفات و ربي يهنيها و لعقوبة لباقي العازبات

[مونيا غنية]

شكرا حبيبتي على الرد ربي يحفظك

[tong2]

الله يــــبارك مــــاشــــاء الله

ألــــف مبـــروك

[بشرى2008]

merci pour les recettes

[linat]

باركـــــــــ الله فيك

[ahmed14]

slm merci pour les recette et d'avoir partager votre joie avec nous felicitation le gateau de la fleur est tres beau

[عطرالذهب]

ماشاءالله شكرا على الوصفات ومبروك على اختك ربي يهنيها

[mima344]

merci 3la wasafate rabi yhaniha 4444555

[aya la belle]

الله يبارك هايلين ربى يكملها ويهنيها ان شاء الله

[أم لجين هيثم]

هايلين أختي وربي يهنيها

[lamiak1]

روعةةةةةةةةةةةةةةةةةةة قاطو و عليه لكلام ربي يهنيها ولعقبة للي حاب يزوج

[راجية عفو العفو]

الله يسعدها في حياتها
لوممكن مقادير الكعك



6

[khnafnaf]

ya3tik assa7a khti w rabbi yjazik, w rabbi yhanni la3rossa

[1awatef]

rabbi yhaniha nchalah