۞ معجنات و مخبوزات ۞ لا تتعدى 50 دج ۞

[وفاء الياسمين]

السلام عليكم و رحمة الله و بركاته

هاقد جئتكم حبيبات بحساب جديد و وصفة اقتصادية جديدة بنينة و ما تكلفش بزاف

خبزة تاع خبز البوبونجي أو خبز فرنسي كيما يقولولو ناس بكري 10 دج
زوج حبات بيض 14 دج
علبة ياغورت صغيرة نتاع 10 دج
نفس العلبة مملوءة حليب 5 دج
ملعقة مارغارين او زبدة و هذه يمكن الاستغناء عنها 5 دج
ملعقة سكر عادي 2 دج

نقطع الخبز مكعبات و نخلط كل المقادي و بعدها نغمس فيها الخبز جيدا و نضعهم في الفرن على درجة حرارة 180 درجة
و بعد 5 الى عشر دقائق طلي عليها اذا حمارت من فوق نحيها و رشيها بشوية سكر قلاصي او عسل او معجون و هذا اختياري ليك

يقدر ياكل منها حتى خمسة اشخاص في ميعاد القهوة على ضمانتي البنة بإذن الله

و هنا لا تتعدى تكلفتها 50 دج
و هي ناجحة جدا بالخبز البايت و اليابس
لكن الخبز اليابس زيديلها كمية الحليب و خليه يرتاح شوية قبل ما تحطيه يطيب

شهية طيبة