بقلاوة اقتصادية و سريعة بلابات فيلو

[fella food art]

المقادير:

*1باكي لابات فيلو
*كيلا ايدام (سمن.زبدة.زيت)

الحشو
*3كيلات لوز ابيض محمص و مرحي
*1كيلا سكر عادي
*1ملعقة كبيرة ايدام
*ماء الزهر

مقادير اخرى
*عسل
*بيستاش للتزيين

طريقة التحضير

انا نخدم بهادي هيا المليحة


في الباكي فيه 18 ورقة




اولا ندهن الصنية ب الادام لي هو شوية زبدة و شوية سمن و زيت يكونو دايبين


نفرش ورقة من بعد ندهن بالادام

من بعد نزيد نفرش ورقة اخرى و نزيد ندهن عاودي العملية حتى توصلي لورقة 9 الباكي فيه 18ورقة ديري 9من فوق و 9 من تحت
ندير الدهان بين كل ورقة و ورقة


من بعد ديري الحشو الي هو 3كيلات لوز+1كيلا سكر +1ملعقة كبيرة ايدم طميهم بالماء الزهر ماتكون مشمخا ماتكون ناشفة
انا درت 2للوز و 1 جوز نموووووت على البقلاوة بالجوز♥

فرشوه مليح و بي التساوي

من بعد نعاود العملية نكمل الاوراق 9 المتبقية و بين كل ورقة و ورقة ندهن بالادام و الورقة الاخيرة (الوجه) ماتدهنوهاش حتا تقطعوها باش تدهنوها



من بعد غطيوها بpapier aluminium و دخلوها للفرن يكون شخون مسبقا في درجة حرارة متوسطة لمدة 30 الى 35 دقيقة (كي تحمار)
كي طيب نفرغ فوقها العسل كل واحد كيفاش يحبها تكون كمية العسل عينك ميزانك و خليوها تشرب مليح العسل كي تبرد قطعةها و رشوها بالبيستاش و بصحتكم





[CENTER]

و هادا الصحن للاخت لي طلبت مني الوصفة صديقتي haidi18