حلم تحطم ...

[sahoura]

تحطمت بعد طول انتظار رسمت حلمل فمسحه القدر كنت دائما اطمح لبلوغ قمة المدرسة العليا مع الأسف و رغم المعدل الدي تحصلت عليه 14.38 فانني سأقبع مع أصحاب المعدلات المتدنية فقد تم توجيهي رياضيات و اعلام آلي بميلة . كانت مأساة و فوق كل هدا تحطم حلمي فصرت كالكأس التي تنكسر و تأبى أن تعود كما كانت يعني محلها في القمامة لا أكثر .
لا أعرف ما سأفعل . حسبي الله و نعم الوكيل

[بلقيس عبد الهادي]

اختي أنا جبت 14.27 و عطاوني مدرسة عليا تعليم ثانوي فرنسية في الاغواط
انت حاولي ديري تحويل و ربي يجيبها زينة ليك
مع العلم أن معدلك يديرلك في الاغواط استاذ تعليم ثانوي فرنسية و انجليزية و علوم طبيعية
ما تفقديش الامل و اسعاي ليها راهم يقبلوك

[براءة سامية]

أبدآآ لا تدعي اليأس و الفشل يستوليان عليك
كوني أقوى من ذلك
مآآزلت صغيرة و تستطيعين تحقيق ما تريدين فقد تحلي بالإرادة و الصبر...

[براءة سامية]

وفقك الله.....................

[sahoura]

شكرااا على التشجيع

[Amira rose]

ربي معاك حنونة وكيما قالولك لا تفقدي الأمل،
و إن شاء الله فيها خير و تقدري ديري تحويل،
و لا تقنطي من رحمة الله.
رمضان كريم.

[zoubidaas]

الرضى بالقضاء و القدر

يعني كي مادرتيش واش تحبي هذا العام عاودي بكل بساطة و اجتهدي باش تديري واش تحبي العام الجاي

العبرة ما تستسلميش ......

هذا واش نقدر نقولك و نورمالمو علابالك بلي قادرة تدي اذا عاودتي العام +16 المعدل ان شاء الله

[zoubidaas]

الرضى بالقضاء و القدر

يعني كي مادرتيش واش تحبي هذا العام عاودي بكل بساطة و اجتهدي باش تديري واش تحبي العام الجاي

العبرة ما تستسلميش ......

هذا واش نقدر نقولك و نورمالمو علابالك بلي قادرة تدي اذا عاودتي العام +16 المعدل ان شاء الله

[sahoura]

ما فهمتش كيفاش ندير تحويل ؟؟
و لكان درت نقدر مدرسة عليا ؟

[nour hipi]

يقدرو يمدولك مدرسة عليا في الاغواط

و الخير فيما اختاره الله

[sahoura]

بصح الأغواط راهي بعيدة بزااف
ماكانش أمل فالقبة

[nour hipi]

المشاركة الأصلية كتبت بواسطة sahoura

بصح الأغواط راهي بعيدة بزااف
ماكانش أمل فالقبة

اختي شوفي واش يساعدك مي على حسب راي ديري الاغواط من بعد ديري تحويل ادا تقدري وانت ادرى مني

[اخت اخي]

انا صحبتي دات 14,00 عطاوها قبة تعليم ثانوي علوم دقيقة واخرى 14,76 عطاوها علوم طبيعية قبة تعليم متوسط
من حقك مدرسة عليا لكن شوفي الفزياء والرياضيات اذا جايبة فيهم مليح واذا معدل طلعك غير بالمواد الادبية مايمدولكش

[حيآتي أسمَى]

لا لا اختي مدارس عليا البعض يمدوهملك كاين اقل من 14.38
وخاصة تاع المتوسط
ماتقوليش هكا تفائلي
وربي عنده بزاآآف وكل حاجة كاتبهالنا ربي نوصلوها وفيها خير

[perle_de_tlemcen]

المشاركة الأصلية كتبت بواسطة sahoura

تحطمت بعد طول انتظار رسمت حلمل فمسحه القدر كنت دائما اطمح لبلوغ قمة المدرسة العليا مع الأسف و رغم المعدل الدي تحصلت عليه 14.38 فانني سأقبع مع أصحاب المعدلات المتدنية فقد تم توجيهي رياضيات و اعلام آلي بميلة . كانت مأساة و فوق كل هدا تحطم حلمي فصرت كالكأس التي تنكسر و تأبى أن تعود كما كانت يعني محلها في القمامة لا أكثر .
لا أعرف ما سأفعل . حسبي الله و نعم الوكيل

اولا وقبل كل شيء اتمنى ان يمدك الله بالصبر فما اصعب خيبات الامل هذه خاصة حين يتعلق الامر بفارق قدره 0 فاصلة...لكن هذه ارادة الله عليك تقبلها فعسى ان تكرهي شيءا و هو خير لك.انصحك ان تعيدي البكالوريا و ان لا تستسلمي اسعي جاهدة وراء حلمك و باذن الله ستنجحين في المرة المقبلة.اذا اردت نصائح فانا في الخدمة.بالتوفيق.