كفانا ضحكا وقهقهة

[الظلام الساطع]

السلام عليكم ورحمة الله اخوتي جميعا . انه من المؤسف والمؤلم ان نجد قسم الضحك والنكت يزوره 50 عضوا ونجد غيرها من الاقسام المتعلقة بالدين والاسلام وقضايا الامة والمجتمع والتعليم و القضايا السياسية لايتعدى زوارها 20 او اقل من ذلك . هل خلقنا من اجل الضحك وفتح الافواه الى متى سنبقى نضحك هل حياتنا كلها ضحك ونكت . عن ماذا نضحك ونقهقه = عن حال مجتمعنا المتفكك ام عن واقع امتنا الجريحة التي تغرق في الدماء . هل نضحك على اخلاقنا السيئة التي تنخر مجتمعنا كالرشوة والغيبة والمخدرات والفساد الاخلاقي . هل اوصلت الحماقة والتفاهة واللامبالاة البعض الى التنكيت في امور ديننا الحنيف . هل نحن مهرجون حتى نظل في هذا القسم وننشر النكت على الناس كي نضحكهم .........لاحول ولاقوة الا بالله .

[knives66]

مشاء الله

اولا هناك زوار و أعضاء

و كل اعضاء نشطين تجدهم يتنقلون بين اقسام

انا أنشط هنا في قسم ضحك و مجتمع و عام و قسم صيانة

وليس ضحك فقط

لو اردة ان تكون ذا فائدة اذهب انت وأنشط وأنشر موضيعك

بدلا من تهحم وكلام الذي لا سمن ولا يغني من جوع

حتي في نصح لا تعرفوا كيف تنصحوا

تعلم اولا كيف تتعامل مع ناس وبعدها تفضل أنصح

[بنت لبحر]

يا اخي عادي كل واحد وين يلقى راحتو كيماانت تحب قضايا الامة و المجتمع في ناس يحب الضحك و و الفكاهة يعني كل واحد يدير واش يحب

[♥ بسمة ♥]

وي و مكانش لي راه هنا في منتدى الترفية
ما فاتش على لوخرييييييييييين
و كل واحد وين يلقى روحو
و على حساب مزاجو

[tinna 19]

صحححححححححححححححححححححححححححححححح

[Wiem4]

كرهنا المشاكل كرهنا الحروب كرهنا كل شيء حابينأ نحيو شوي على لوبتا غأضك لحال
و الله منين ندخل هنا نستراح قالك اضحك. للدنيا تضحكلك
الضحك يطول في لعمر
الضحك يزيل الهم و الغم
خلينا نضحكو و لا الضحك و بخلتونا بيه

[سماح 2]

خخخ ربي يهديك خوويا +

[assil2]

عجيب يعني كما قالت اﻻخت اﻻخبار كلها عن الحروب الموت الدماء في كل مكان
وواش تحبنا نديرو في ركن المجتمع كي ندخل تبغا تطلعلي ﻻطونسيون
من اﻻخلاق تاع الناس والعوج اللي فيهم اففففففففف خليو لعباد ترفه علىنفسها
سبحان الله

[الوافد الأخير]

.................................................. ....

[Rahil65]

:eeآآآآآآآآآآآآببببب بلعقل برك ما تدااوسوووووش

[اسلامنا حياتنا]

شكرا اخي كاتب الموضوع . عندك الحق فيما قلته فالحالة التي نحن فيها لاتستدعي الضحك والقهقهة .

[○•ميسون•○]

حتى الضحك و بخلتونا فيه ماعرف واش بقيتولنا

ولا تحوسونا نروحوا نحاربوا باش يعجبكم الحال

آ سيدي لاحقين معانا حتى في قسم النكت ما نضحكوش؟؟ما نريحوش؟؟ واش نديرو؟؟

إذا حبيت نتا روح شارك في كاش حزب و فرغلهم قلبك بالاك تتنفس شويا

[ميمي سمية]

ربي يهديك خويا

والله انا نجي للقسم هذا باه نحي على بالي

كنت مديقوتيا من القراية والباك لي راه يستنى قلت نجي نحي على بالي وننسى شوي

واذا بي.....


يقابلني موضوعك

+++++++++++


صح منكذبوش كلامك فيه الصح

لكن ماراناش حاكمين غير قسم الضحك

كل واحد منا ديجا تلقاه في زوج اقسام ولا ثلاثة