قلاصاج

amina260 · 2014-07-22, 12:19

السلام عليكم ورحمة الله وبركاته من فضلكم احتاج وصفة لقلاصج طري ومييبسش جزاكم الله خيرا

ريتاج تيارتية · 2014-07-22, 12:28

كاين هدا القلاصاج كنت نخدمو يجي هااااااايل
https://www.djelfa.info/vb/showthread.php?t=1057790

أم أحمد عبد الصمد · 2014-07-22, 12:58

جربت بزاف قلاصاج تاع البيض ييبس بلخف هذه المرة في رمضان جربت القلاصاج في المخبز كاوكاو بالنواد كوكو تقريبا راهو في 15 يوم مازال راهو طري تقول درتو غير البارح
درت فنجال حليب ـ فنجال ماء الزهر ، فنجال عصير ليمون و بياض حبة بيض و تقريبا 3 ملاعق زيت ثم تبداي تضيفي السكر الناعم بعدما تكوني غربلتيه أنا نستعمل سكر المرجان
للأمانة هذه الطريقة شفتها هنا فالمنتدى ربي يجازي صاحبة الوصفة

amina260 · 2014-07-22, 17:32

ربي يبارك فيييييييييييكم وربي يحفظكم وجزاكم الله خيرا

2014-07-22, 22:25

.................................

amina260 · 2014-07-25, 00:12

2بيض ..كاسا ااتاي ماء الزهر ..عصير حبة ليمون ... ..سكر مسحوق... مجرب وناجح

طهراوي ياسين · 2014-07-25, 00:18

شكراااا...بالتوفيق

amina260 · 2014-07-26, 22:32

2r1 khti saha ftourak

maya1991 · 2014-07-26, 22:51

ختي نعطيك وصفة من عند وحدة اسمها djazia87holi ربي يعطيها ما تمنى شوفتها هناياوعجبتني راني جربتها وصلحتلي وهذا هو رابك تاعها https://www.djelfa.info/vb/showthread.php?p=1054029123

السلام عليكم اختي الصراحةانا نخدم الحلوى للعراس والعرايس والقلاصاج درتو بدل المرة الف وديما يسقسوني كيفاه نديرو ولما شفتك تحوسي على الطريقة حبيت نساعدك ونساعد اي
وحدة بغات يجيها القلاصاج لماع وهش من اول مرة الطريقة جد سهلة وهي:
ياض بيض طازج حسب كمية الحلوى مع رشة ملح اخفقيهم مليح بالباتور حتان يطلع زيديلو نص كاس تاي زيت ومغرف زبدة طرية وكاس تاي عصير الليمون والسر في هادو الثلاث انو الزيت والزبدة يعطو اللمعة والبريق للقلاصاج والليمون يخليه هش خليهم يندمجو مليح من بعد اقسمي كمية سكر القلاصي على 3 ومن الافضل سكر قلاصي المرجان لانو خاص للقلاصاج وزيدي الكمية الاولى من السكر وضربي مليح حتى يذوب السكر ومن ثم الكمية الثانيةحتى تتحصلي على formeثقيلة وفي الاخير خلي اللون في الاخير جيبي فنجان قهوة ماء الزهر وديري فيه اللون لي تحبيه وخلطيه مليح حتى يذوبو حبيبات الملون وزيديه للقلاصاج من بعد جيبي حبة حلوة واغمسيها فيه اذا لقيتيه ينزل بسرعة زيديلو السكر القلاصي ومن بعد خليه ينشف وراح تشوفي اختي اللمعة والبنة صدقيني انا عندي 8 سنوات وانا نخدم فيه وفيه انواع كثيرة منو فيه نتاع الحليب والسيرو والقهوة واللحظة والنسكافي والكاكاو وبغيت ناكدلك حاجة لما تحبي ديري قلاصاج الشيكولا مش بشرط انك تشري الشيكولا وتذوبيها و وتذويب الشيكولا صعب في الصيف لانك بعد طلي الحلوى بالشكولا لازم ما تخرجيهاش من الثلاجة لانها تذوب بسرعة وصراحة سقساوني بزاف نساء وعلاه ماتذوبلكش الشكولا قلتلهم انو قلاصاج نتاع الكاكاو بس الكاكاو الحلو ويعطي بنة شيكولا وهي نفس الطريقة بس الكاكاو خلطيه في ماء الزهر وزيديه للقلاصاج وانشاء الله نكون افدتك وافدت كل اخت حيرها القلاصاج وقلاصاج النسكافي والله غير بنة لون بني غامق بنكهة النسكافي الرائعة وهذا المفضل عندي انا دايما نخدمو ليا خصيصا وعيدكم مبارك

madhar · 2014-07-26, 22:55

دري. كيلة شربات نصف كيلة عصيرليمونة نصف كيلة ماء زهر و بياض بيضة و زيدولو السكر القلاصي

amina260 · 2014-07-28, 15:44

merci rabi yahfadkoum nchlh saha 3idkoum