مساعدة بخصوص السورسي مسابقة ادارة السجون

daciismail · 2014-07-04, 05:05

يا جماعة انا جاتني برقية بلي ناجح في مسابقة ادراة السجون تقني سامي اعلام الي معديش سورسي ولا العفو و لا مفوت العكسر وش ندير اعطونا الحل كفاش نخرج سورسي هل البرقية تكفي باش نخرج سورسي ولا كاش وثقة اخرة

daciismail · 2014-07-06, 02:03

في انتظار الردود لي عدو اي فكرة يقولها

adel625 · 2014-07-06, 18:41

يا اخي اصلا مسابقة ادارة السجون من شروطها الاعفاء او تادية الخدمة الوطنية انا سبق لي ان شاركت بالسورسي و ردولي الملف نتاعي

daciismail · 2014-07-06, 21:12

صحا صيامكم كاش جديد الوقت قرب خاوتي

daciismail · 2014-07-07, 03:47

اقتباس:

المشاركة الأصلية كتبت بواسطة adel625

يا اخي اصلا مسابقة ادارة السجون من شروطها الاعفاء او تادية الخدمة الوطنية انا سبق لي ان شاركت بالسورسي و ردولي الملف نتاعي

يا اخي انا نحكي على تقني سامي اعلام الي مش اعوان ولا الضباط + اضف اني شاركت في المسابقة بلا وثقة العسكر عادي
كي سالتهم قالي عادي جيب سورسي ونمدولك محضر تنصيب عادي

hichem480 · 2014-07-07, 05:05

مشكل تلازملك معرفة لانو في ذا الوقت صعيب باش تديه ( جويلية+اوت) المؤسسات كلها في عطلة يعني كنت حاب نقترح عليك تدخل تكوين مهني ويمدولك نورمال مي حتى سبتمبر تفتح الابواب + تقدر تروح لمركز الخدمة وتسمّط عليهم مي العسكر مايعرفوش يهدرو بفففف منارفيين + اذا الديبلوم دايه قبل 2009 من حقك تدي الاعفاء ربي يوفقك

daciismail · 2014-07-07, 21:50

اقتباس:

المشاركة الأصلية كتبت بواسطة hichem480

مشكل تلازملك معرفة لانو في ذا الوقت صعيب باش تديه ( جويلية+اوت) المؤسسات كلها في عطلة يعني كنت حاب نقترح عليك تدخل تكوين مهني ويمدولك نورمال مي حتى سبتمبر تفتح الابواب + تقدر تروح لمركز الخدمة وتسمّط عليهم مي العسكر مايعرفوش يهدرو بفففف منارفيين + اذا الديبلوم دايه قبل 2009 من حقك تدي الاعفاء ربي يوفقك

صحا صيامك خويا وربي يخليك المشكل دبلوم 2012 وعدي باك 2010 راسب عارف انت تقصد في قانون تاع لي مكمل قدام 2009 عدو الحق الاعفاء يعني مش داخل فيه وشكرا اخي كاش حل اخر التكلة عليك بعد ربي خخخخخخخخخ

daciismail · 2014-07-09, 02:38

كش حل ولا نسمح في المنصب وخلاص

wahiba1987 · 2014-07-09, 04:16

السلام عليكم اخي اولا مبروك لك النجاح اخي و ثانيا مشكل التأجيل محلول ان شاء الله انا نجحت في مسابقة في شهر ماي السابق انا ومجموعة من اصدقائي و لم يكن عندنا التاجيل فاخذنا ورقة النجاح و ذهبنا الى مركز الخدمة الوطنية و طلبنا منهم التاجيل في البداية رفضوا و طلبوا منا محضر التنصيب زائد شهادة العمل فقلنا لهم ان هذا مستحيل لاننا لم نبدا العمل بعد ... و بعد اخذ و رد ادخلونا الى رئيس المكتب و شرحنا له وضعيتنا فطلب منا ورقة النجاح و نسخة من الدبلوم و انتظرنا مدة ساعة واعطانا التاجيل بسبب التوظيف لمدة 6 اشهر مكتوب فيه طبقا للمرسوم المؤرخ في 27 ديسمبر 2013 ... يعني مرسوم جديد طبقا لتعليمة سلال .....

daciismail · 2014-07-09, 09:00

اقتباس:

المشاركة الأصلية كتبت بواسطة wahiba1987

السلام عليكم اخي اولا مبروك لك النجاح اخي و ثانيا مشكل التأجيل محلول ان شاء الله انا نجحت في مسابقة في شهر ماي السابق انا ومجموعة من اصدقائي و لم يكن عندنا التاجيل فاخذنا ورقة النجاح و ذهبنا الى مركز الخدمة الوطنية و طلبنا منهم التاجيل في البداية رفضوا و طلبوا منا محضر التنصيب زائد شهادة العمل فقلنا لهم ان هذا مستحيل لاننا لم نبدا العمل بعد ... و بعد اخذ و رد ادخلونا الى رئيس المكتب و شرحنا له وضعيتنا فطلب منا ورقة النجاح و نسخة من الدبلوم و انتظرنا مدة ساعة واعطانا التاجيل بسبب التوظيف لمدة 6 اشهر مكتوب فيه طبقا للمرسوم المؤرخ في 27 ديسمبر 2013 ... يعني مرسوم جديد طبقا لتعليمة سلال .....

صحا صيامك والله يجازيك الخير
الله يبارك فيك الا تمت خويا الفرحة
اليوم نروح ليهم صافي ونشوف معاهم + انا راها معديش شهادة نجاح بالمسابقة عدي برقية يقولو فيها بلي راني ناجح وهات الوئاق الناقصة مقبولة انت تاني برقية ولا جبت شهادة نجاح بالمسابقة

ويعطيك الصحة وصحا صيامك خويا