مشكلتي فتاة الانترنات

[مشكلتي]

السلام عليكم ورحمة الله وبركاته
انا شاب جزائري 31 سنة وسيم وجداب لست متزوج بعد وعندي الانترنت في منزلي واستغلها لاقامة علاقات عاطفية مع عدد كبير من الفتيات خاصة المراهقات منهن وكنت اصطادهن في المواقع والمنتديات والفايس بوك
ثم تنتقل العلاقة للتلفون ثم موعد ولقاء ولم ارغم اي فتاة على اي شئ بل كل شئ برضاهن وموافقتهن
وبصراحة كنت استمتع لما اتعرف في كل مرة على فتاة جديدة لان كل فتاة وطريقتها وعقليتها ولسانها وتصرفاتها ومن عدة ولايات من الوطن ليس من ولايتي فقط

واستمر الحال هكدا حتى تعرفت على طفلة صغيرة عمرها 18 سنة كانت مختلفة عن الاخريات في كل شئ ...

حبيتها بكل جوارحي ودخلت قلبي مهما اخبرتكم عنها مانقدرش نوصفها
رغم صغر سنها بصح تقول عليها عندها 40 سنة فتاة متفوقة في دراستها ومثقفة ولسانها حلو وصوتها عدب ودائما بشوشة والاكثر من هدا دكية جدا جدا جدا ......... طيلة فترة التعارف ماشفت منها والو الا كل خير ......... جامي فكرت تزعفني ولا اطيحلي المورال ....... حتى انا كنت قمة معاها ..... وهي شافت صوري من البداية وانا ماشفتش صورها بعد لكنها دخلت قلبي بلا مانشوفها ...... وهي ثانيك حبتني وصارحتني بحبها

وبعد عدة اشهر وحنا مع بعض فكرت مع راسي وقلت الطفلة راني مرتاج معاها وهي فقط لي تفهمني وصدقوني ياجماعة كنا متفاهمين في كلش مثل مايقولو المصاروة سمن على عسل وحتى افكارنا متشابهة

وفكرت وقلت لو نشوفها وتعجبني نتقدملها ونخطبها حتى نخليها دائما قربي
وندفيها في حضني وتكون ام ولادي .........

ومبعد قلتلها لازم نشوفك وهي وافقت وشفتها في ال*****ي .. وكانت لابسة حجاب ... وكانت الصدمة مدوية ممزوجة بالالام لان حبيبتي ليست جميلة الوجه ......... وماعجبتنيش خلااااااااااااااص ....
ولله العظيم ياجماعة لو كانت جميلة ولو قليلا لتقدمت لخطبتها ولايهمني ماضيها اد كان عندها ماضي ولا يهمني نسبها ولا اصلها ....... فلو كانت جميلة ولو بنسبة قليلة ..
المهم ورغم الصدمة الا اني ماحبيتش نبينلها انها ليست جميلة حتى مانجرحش مشاعرها وخليت الامر يمشي عادي ثم بعد مدة بديت نختلق في المشاكل حتى نتفااااااارقووووووووو

كنت قادر نقوللها بلي ماعجبتنيش وكل شئ بالمكتوب بصح خفت على مشاعرها .... والله هو من خلقنا ولسنا نحن من تختار اشكالنا لكني رجل واريد الزواج مع فتاة جميلة واعتقد ان هدا من حقي ام انا مخطئ وظلمتها ؟

[الزمان 03]

لا يهمك ماضيها وماضيك انت أليس مهم تاكد من انك ستشرب من نفس الكاس أعرض المسلمين تنتهك بسهولة وكانك تفتخر بما تفعل بإذان الله سيكون لعرضك نصيب مع الذئب ، هذه الفتاة هي من المفترض أن تفكر هل ترضى بشخص ( عفوا) ليس فيه من مقياس الرجولة شيي الله يهلك كل من يتلاعب بأعرضنا

[السي محمد]

روح للجامعة...خيّر وحدة شابة و اتزوجها و خلاص

ما تسقسي ما تطلع ما تهبط ما تكسر راسك في الانترنت


بما ان الجمال هو شرطك الاساسي و الوحيد

["راجية الجنة"]

سلام عليكم

كما تدين تدان يا الاخ الفاضل
قلت طول عمرك و انت تسخر من بنات الناس وتنتهك عرضهن بكلام معسول
هذا لا يعني اني الومك انت فقط بل الوم حتى تلك الفتيات لو فقط كانت احدهن ابنت امها و ابوها لعرفت قيمة البنات
ولكن جاء كل شيء لك على طبق من ذهب
تريد فتاة جميلة زوجة لك و هذا من حقك طبعا و انا معك فيه
ولكن الله عز وجل بجلالته و عظمته يعاقبك عقوبة من حيث لا تدري
اوقعك في حب امرأة ليست جميلة و هذا ابتلاء لما فعلته في ماضيك و بدأ عقاب الله في حياتك و الله أعلم لعله خير
توب الى الله و صلي ركعتين و صلي في جوف الليل ان الله غفور رحيم
و الله مستعان
ربي يهديك ان شاء الله هذه المخلوقة لو تعرف ماضيك لا اشمئزت منك و خرجت من حياتك اصلا

[أناييس الربيع]

السلام عليكم ورحمة الله

أسأل الله رب العرش العظيم ان يذيق كل شاب مثلك من نفس الكأس

تتلاعب ببنات الناس وتزيد تقول برضايتهم والله الفتاة لن تقترب من

ساحة أي رجل إلا إذا لعب الشيطان برأسها وأمثالك بمسألة الزواج

لان هدف أي بنت الزواج ،اتقي الله لك أخوات وغدا ستكون لك بنت

والله يمهل ولا يهمل .تب إلى الله قبل فوات الأوان

يعني شهر رمضان كامل ومردعكش فاش تستنى

ولي رآك تقول وسيم )الزين للمرأة )

[fadilasor]

لااله الا الله والله لو كنت مكانك لخجلت حتى من اكتب مواضيعي تجاهر بالمعصية بل وتفاخر بها وكان هذا يزيد من رجولتك وتبرر كل هذا برضى الاخريات وكانك انت لن تحاسب بل ستحمل وزرهن ووزرك اما عن الفتاة التي قلت انها ليست جميلة بل الجمال جمال القلب وصفاؤه لا جمال الوجه اتق الله في اعررلض الناس ستشرب من نفس الكاس التي ارتوت بها هاته الفتيات اسفاه على زمن ضاعت فيه النخوة والرجولة

[فـرح]

انت حياتك كل غلط في غلط جات غير على هادي
وزيد كون حكيتلها على الماضي تاعك وقبلت بيك راك عندك الزهر

[امينة النايلية]

اصطادهن في المواقع والمنتديات والفايس بوك.....ولم ارغم اي فتاة على اي شئ بل كل شئ برضاهن وموافقتهن
تقول اصطاد يعني تخدع فيهم ومنبعد كي يوقعو في الفخ توهم روحك بلي هما مش مربيات وراضيات . لا حول ولا قوة الا بالله
اسمحلي نقلك هاذي الطفلة ليماعجبتكش لوكان هي تعرف شخصيتك وتصرفاتك راهي هي تعيفك الزين تاع الوجه راه يتوالف بصح بشاعة الاخلاق مشكيتش.
مشكلتك لي راها محيراتك!! وين تبان مع نيتك مع لبنات لي صيدتهم

[nedjema amirazed]

روح توووووووووب تلعب ببنات الناس و تحوس على وحدة شابا الله يهدي ماخلق

[محبة الله الجزائرية]

يا الاخ الكريم الله يهديك تلعب ببناتالناس و ربي يمهل ولا يهمل

و راك غالط غالط غالط 100 بالمئة اولا انت من الاول علاقتك بالطلة مع هذه الفتاة

و زيد هي راهي في سن مراهقة

و انت الله يهديك

شوف يماك تشوفلك طفلة على سنة الله و رسوله والله صدقني الحلال مكانش كيفو

و انت من حقك تحوس على الزين بصح كي تولي انت سيريو
و عارف روحك تستاهلك بنت الحلال الشابة

و ننصحك غير توب لربي باسكو كيما لعبت ببنات الناس ورايحش تتزوج غير باللي لعبو بيها الاولاد

[طالبة علم شرعي]

يا لطيـــــف مازال كاين ناس ميحشموش كيفك

وتقول بوجه صحيح تصطاد فالبنات

وهاذ البنت صغيرة فالسن واستغليتها هاكا ؟ عيب وحرام عليك

لكن متخافش لي خلق ما يفرط وفي حياتك لن تنعم بالسعادة

ادا مازال عندك نقطة الدم في وجهك روح قولها انت ماشي شابة وراني ضحكت عليك برك وعندي ماضي طويل الله يبارك عام وانا نحكيلك ومنكملش


وصارحها لانو هذا اقل شيئ ممكن ديرهلها

ومبروك عليك راك دمرت حياة بنت ويجي النهار لي يدمرولك حياتك

اصلا راها مدمرة اي مراكش عابي

الله يهدي ما خلق

بسبب امثالك الينات تفلسو

الله يهدي ما خلق

[Jack-Sparow]

وعليكم السلام و رحمة الله

أخذني الفضول لرد عليك يا صاحب المشكلة

أولا كان يجب عليك أن تستر عيبك و معصيك و أن تندم على هذا الفعل لا أن تفتخر وتعجب به

بالنسبة للفتاة أبشر خويا (كما تدين تدان) ...

( ولا تحسبن الله غافلا عما يعمل الظالمون إنما يؤخرهم ليوم تشخص فيه الأبصار ( 42 ) مهطعين مقنعي رءوسهم لا يرتد إليهم طرفهم وأفئدتهم هواء ( 43 ) وأنذر الناس يوم يأتيهم العذاب )

ولله العظيم ياجماعة لو كانت جميلة ولو قليلا لتقدمت لخطبتها ولايهمني ماضيها اد كان عندها ماضي ولا يهمني نسبها ولا اصلها

الجمال ليس أصل إختيار الزوجة و أنما الدين و الخلق أولا
روى أبو داود والنسائي عن أبي هريرة رضي الله عنه: قال النبي صلى الله عليه وسلم: "تنكح المرأة لأربع لمالها ولحسبها ولجمالها ولدينها فاظفر بذات الدين تربت يداك"



إرجع إلى ربك و أقلع عن ذنبك و أدعوا الله أن يرزق الزجة الصالحة ..لأنك لن تعرف معنى الزوجة الصالحة حتى تذوق مرارة الزوجة الفاسدة

[nibou]

يا أخي و بلاك فالكام ماتبانش مليحة في حين فالصح راهي مليحة،شوف أختك ولا أمك يشوفوها و أتقدملها من الأبواب بمصارحتها بكل شيء،مش تتقدملها من الكام، و ربي يهدينا

[بنت لبحر]

كما تدين تدان

[فارغ شغل]

شغل راك درت حاجة مليحة وتجاهر بيها علنا
زعما عندك 31 سنة ؟ كبير وجايح
والله لو كنت املك مقدرة لطبقنا عليك الحدود فى ميدان عام
لكن الله غالب راك فى الجزائر
مصيرك مؤجل الى يوم الحساب عند ربي