غراتان الجريوات

[آسيا 25]

في أول مشاركة لي حبيت نشارككم واحد من الأطباق اللي نحبها بزاااف و زوجي يطلبو مني كثيرا اللي هو غراتان الجريوات
هاد الطبق راه من إختراعي و راني حبيت تجربوه و تعطوني رايكم فيه
بسم الله نبداو بالمقادير:
نحتاج 1 كيلوغرام جريوات
1 حبة بصل مسكرفجة
3 فصوص ثوم
رطل لحم مفروم(يعني 500 غرام)
ملح,فلفل أسود,قصبر,راس الحانوت و كركم
القليل من الزيت و الزبدة
جبن طري
القليل من الجبن المبشور
ننتقل إلى طريقة التحضير :
ننظف حبات الجريوات و نبشرها ثم نقطعها على شكل دوائر و نضعها مع حبة البصل المسكرفجة في قدر به القليل من الزيت و قطعة زبدة مع إضافة رشة ملح و التوابل و نترك الكل يطهى على نار هادئة (أنا أفضل هاد الطريقة تاع طهي الخضروات على أني نقليها لأنها صحية و تمنح بنة مميزة للأكل)
في هذه الأثناء نقلي اللحم المفروم المتبل بالملح(ما تكثروش لأن الخليط يحتوي على الجبن) و الفلفل الأسود و راس الحانوت و الثوم في شوية زيت ثم نضيفلو الجبن الطري و نحرك و نحرص أن الجبن ينصهر و يمتزج مع اللحم جيا ثم ننزع من على النار.
في مول الغراتان(يكون كبير نوعا ما) مدهون بالزبدة نضع طبقة من الجريوات المطهوة و فوقها نضع طبقة من اللحم المفروم ثم نرش القليل من الجبن المبشور و نضع طبقة أخرى من الجريوات المتبقية ثم نختم بالجبن المبشور و نضعه في فرن مسخن مسبقا حتى يذوب الجبن (ما ياخدش كتير وقت فالطياب لأنو كل المكونات مطهوة يكفي 10 دقائق في الفرن)
صدقوني هاد الطبق لذيذ جدا و أنا كنت بحثت من قبل عن وصفة لغراتان بالجريوات فقط لكن ما وجدتش غالبا نلقى أطباق غراتان بالبطاطا و الجريوات مع بعض,و هاد الطبق يناسب الناس اللي ما يحبوش ياكلو الجريوات( كيما زوجي )لكن نوعدكم بعد ما تجربوه رايح يتغير رايكم.
في انتظار تطبيقاتكم سلام